ചൂട്​ 'ഹൈ' റേഞ്ചിൽ

തൊ​ടു​പു​ഴ: വേ​ന​ൽ​ച്ചൂ​ടി​ൽ മ​ല​യോ​രം ഉ​രു​കു​ന്നു. പ​ക​ൽ ചൂ​ട്​ മൂ​ലം പു​റ​ത്തി​റ​ങ്ങാ​നാ​കാ​ത്ത സ്​​ഥി​തി​യാ​ണെ​ങ്കി​ൽ രാ​ത്രി ഉ​റ​ങ്ങാ​ൻ ക​ഴി​യാ​ത്ത സാ​ഹ​ച​ര്യ​മാ​ണ്. മു​ൻ​വ​ർ​ഷ​ങ്ങ​ളെ അ​പേ​ക്ഷി​ച്ച് ജി​ല്ല​യി​ൽ മൂ​ന്ന് ഡി​ഗ്രി​വ​രെ​യാ​ണ് ചൂ​ട് കൂ​ടി​യി​രി​ക്കു​ന്ന​ത്.

തൊ​ടു​പു​ഴ​യി​ലാ​ണ്​ കൂ​ടു​ത​ൽ ചൂ​ട്​ അ​നു​ഭ​വ​പ്പെ​ടു​ന്ന​ത്. ര​ണ്ടാ​ഴ്ച​യി​ലേ​റെ​യാ​യി 35 മു​ത​ൽ 37 ഡി​ഗ്രി സെ​ൽ​ഷ്യ​സ് വ​രെ ചൂ​ടാ​ണ് രേ​ഖ​പ്പെ​ടു​ത്തു​ന്ന​ത്. മു​ൻ വ​ർ​ഷ​ങ്ങ​ളെ അ​പേ​ക്ഷി​ച്ച് ഹൈ​റേ​ഞ്ചി​ലും ചൂ​ട്​ കൂ​ടു​ത​ലാ​ണ്​. ഇ​വി​ടെ ചി​ല​യി​ട​ങ്ങ​ളി​ൽ മ​ഴ ല​ഭി​ച്ച​ത് കാ​ർ​ഷി​ക​വി​ള​ക​ൾ​ക്ക് ആ​ശ്വാ​സ​മാ​യെ​ങ്കി​ലും ചൂ​ടി​ന് കാ​ര്യ​മാ​യ ശ​മ​ന​മി​ല്ല. പ​ക​ൽ ടൗ​ണു​ക​ളി​ൽ ഇ​റ​ങ്ങാ​ൻ ആ​ളു​ക​ൾ മ​ടി​ക്കു​ക​യാ​ണ്.

ഇ​ത് വ്യാ​പാ​ര​മേ​ഖ​ല​യെ മോ​ശ​മാ​യി ബാ​ധി​ച്ചി​ട്ടു​ണ്ട്. വേ​ന​ൽ ക​ന​ത്ത​തോ​ടെ ജി​ല്ല​യി​ൽ പ​ല മേ​ഖ​ല​ക​ളി​ലും കു​ടി​വെ​ള്ള ക്ഷാ​മ​വും രൂ​ക്ഷ​മാ​ണ്. പ​ല​യി​ട​ത്തും കാ​ട്ടു​തീ​യും വ്യാ​പ​ക​മാ​യി​ട്ടു​ണ്ട്. പ​ല​ത​രം പ​ക​ർ​ച്ച​വ്യാ​ധി പി​ടി​പെ​ട്ട് ആ​ശു​പ​ത്രി​ക​ളി​ൽ എ​ത്തു​ന്ന​വ​രു​ടെ എ​ണ്ണ​വും കൂ​ടി.

കാ​ർ​ഷി​ക മേ​ഖ​ല​യി​ലും വേ​ന​ൽ ദു​രി​തം വി​ത​ച്ചു​തു​ട​ങ്ങി. പ​ല​ത​വ​ണ ന​ന​ച്ചി​ട്ടും വി​ള​ക​ൾ ഭൂ​രി​ഭാ​ഗ​വും ഉ​ണ​ങ്ങി​യ​താ​യി ക​ർ​ഷ​ക​ർ പ​റ​യു​ന്നു. ക​ന​ത്ത ചൂ​ടി​ൽ പാ​ൽ കു​റ​ഞ്ഞ​ത് ക്ഷീ​ര​മേ​ഖ​ല​യെ​യും ബാ​ധി​ച്ചു. തീ​റ്റ പു​ല്ല് ഉ​ണ​ങ്ങി​ക്ക​രി​ഞ്ഞു​പോ​വു​ന്ന​തും പ്ര​തി​സ​ന്ധി​യാ​ണ്. വ​രും ദി​വ​സ​ങ്ങ​ളി​ൽ ചൂ​ട്​ വ​ർ​ധി​ക്കാ​നാ​ണ്​ സാ​ധ്യ​ത.

ക​ണ്ണീ​ർ ചൂ​ടി​ൽ ക​ർ​ഷ​ക​ർ

കൃ​ഷി​യി​ട​ങ്ങ​ളി​ൽ പു​തു​കൃ​ഷി​ക​ൾ ആ​രം​ഭി​ച്ച്​ ക​ർ​ഷ​ക​ർ പ​തി​യെ ജീ​വി​ത​ത്തി​െൻറ പ​ച്ച​പ്പി​ലേ​ക്ക്​​ തി​രി​ച്ചു​വ​രു​ന്ന​തി​നി​ടെ നേ​ര​ത്തേ എ​ത്തി​യ വേ​ന​ൽ​ച്ചൂ​ട്​ കാ​ർ​ഷി​ക മേ​ഖ​ല​ക്കും തി​രി​ച്ച​ടി​യാ​യി​. പ​ല​ത​വ​ണ ന​ന​ച്ചി​ട്ടും വി​ള​ക​ൾ ഭൂ​രി​ഭാ​ഗ​വും ഉ​ണ​ങ്ങു​ക​യാ​ണെ​ന്ന്​ ക​ർ​ഷ​ക​ർ പ​റ​യു​ന്നു.

ക​ന​ത്ത ചൂ​ടി​ൽ പാ​ൽ കു​റ​ഞ്ഞ​ത് ക്ഷീ​ര​മേ​ഖ​ല​യെ​യും കാ​ര്യ​മാ​യി ബാ​ധി​ച്ചു. വ​ലി​യ പ്ര​തീ​ക്ഷ​യോ​ടെ ഇ​റ​ക്കി​യ കൃ​ഷി​ക​ൾ ന​ശി​ക്കു​ക​യാ​ണ്. നെ​ൽ​കൃ​ഷി, വാ​ഴ എ​ന്നി​വ​യെ​യാ​ണ്​ വേ​ന​ൽ കാ​ര്യ​മാ​യി ബാ​ധി​ക്കു​ന്ന​ത്. പാ​ട്ട​ത്തി​ന് ഭൂ​മി​യെ​ടു​ത്ത് കൃ​ഷി​യി​റ​ക്കി​യ ക​ര്‍ഷ​ക​ര്‍ക്ക് ല​ക്ഷ​ങ്ങ​ളു​ടെ ന​ഷ്​​ട​മാ​ണ്​ സം​ഭ​വി​ച്ച​ത്.

ജ​ല ​സ്രോത​സ്സു​ക​ൾ വ​റ്റി; കു​ടി​വെ​ള്ള ക്ഷാ​മം

വേ​ന​ൽ തു​ട​രു​ന്ന​ത് കു​ടി​വെ​ള്ള ക്ഷാ​മ​വും അ​തി​രൂ​ക്ഷ​മാ​ക്കി. കു​ളം, കി​ണ​ർ, തോ​ട് തു​ട​ങ്ങി ജ​ല​സ്രോ​ത​സ്സു​ക​ൾ വ​റ്റി​വ​ര​ണ്ടു​തു​ട​ങ്ങി. ഉ​യ​ർ​ന്ന പ്ര​ദേ​ശ​ങ്ങ​ളി​ലു​ള്ള​വ​രാ​ണ് ഏ​റ്റ​വു​മ​ധി​കം കു​ടി​വെ​ള്ള ക്ഷാ​മം നേ​രി​ടു​ന്ന​ത്. ദൂ​രെ സ്ഥ​ല​ങ്ങ​ളി​ൽ​നി​ന്ന് പ​ല​രും ത​ല​ച്ചു​മ​ടാ​യാ​ണ് കു​ടി​വെ​ള്ളം എ​ത്തി​ക്കു​ന്ന​ത്.

ചി​ല​യി​ട​ങ്ങ​ളി​ൽ പ​ണം​കൊ​ടു​ത്ത് വാ​ങ്ങ​ു​ന്ന സ്ഥി​തി​യു​ണ്ട്. പ​ല കു​ടി​വെ​ള്ള പ​ദ്ധ​തി​ക​ളും നി​ല​ച്ചു. വേ​ന​ൽ ക​ന​ത്ത​തോ​ടെ അ​ടി​ക്ക​ടി കു​ടി​വെ​ള്ള പൈ​പ്പു​ക​ൾ പൊ​ട്ടു​ന്ന​തും ഉ​യ​ർ​ന്ന പ്ര​ദേ​ശ​ങ്ങ​ളി​ലേ​ക്കു​ള്ള കു​ടി​വെ​ള്ള വി​ത​ര​ണ​ത്തെ ബാ​ധി​ക്കു​ന്നു​ണ്ട്.

കാ​ഴ്​​ച​ക​ൾ​ക്ക്​ അ​നു​ഭൂ​തി ന​ൽ​കി​യി​രു​ന്ന വെ​ള്ള​ച്ചാ​ട്ട​ങ്ങ​ൾ പ​ല​തും വ​റ്റി​വ​ര​ണ്ടു തു​ട​ങ്ങി​യ​ത്​ ഇ​ടു​ക്കി​യി​ലെ​ത്തു​ന്ന സ​ഞ്ചാ​രി​ക​െ​ള​യും നി​രാ​ശ​പ്പെ​ടു​ത്തു​ക​യാ​ണ്.

പ​ക​ർ​ച്ച​വ്യാ​ധി​ക​ളും ത​ല​െ​പാ​ക്കി

ചൂ​ട് ക​ന​ത്ത​തോ​ടെ പ​ല​ത​രം പ​ക​ർ​ച്ച​വ്യാ​ധി​ക​ളും പി​ടി​പെ​ട്ടു​തു​ട​ങ്ങി. പ​ക​ർ​ച്ച​പ്പ​നി, ന്യു​മോ​ണി​യ, ഹെ​പ്പ​റ്റൈ​റ്റി​സ് ബി ​തു​ട​ങ്ങി​യ​വ​യാ​ണ് കൂ​ടു​ത​ലാ​യി പി​ടി​പെ​ടു​ന്ന​ത്.

ക​ഴി​ഞ്ഞ​മാ​സം 1859 പേ​രാ​ണ്​ പ​ക​ർ​ച്ച​പ്പ​നി ബാ​ധി​ച്ച്​ ജി​ല്ല​യി​ലെ സ​ർ​ക്കാ​ർ ആ​ശു​പ​ത്രി​ക​ളി​ൽ ചി​കി​ത്സ തേ​ടി​യ​ത്. 11പേ​ർ​ക്ക്​ ചി​ക്ക​ൻ പോ​ക്​​സും മൂ​ന്നു​പേ​ർ​ക്ക്​ ഡെ​ങ്കി​പ്പ​നി​യും ബാ​ധി​ച്ചു. ക​ഴി​ഞ്ഞ​മാ​സം മ​ഞ്ഞ​പ്പി​ത്തം ബാ​ധി​ച്ച്​ ഒ​രു മ​ര​ണ​വും ജി​ല്ല​യി​ൽ റി​പ്പോ​ർ​ട്ട്​ ചെ​യ്​​തു. ശാ​രീ​രി​ക അ​സ്വാ​സ്ഥ്യ​മ​ട​ക്കം അ​നു​ഭ​വ​പ്പെ​ട്ട് ചി​കി​ത്സ തേ​ടി​യ​വ​രും നി​ര​വ​ധി​യാ​ണ്.

വേ​ന​ൽ ചൂ​ടി​നൊ​പ്പം തെ​ര​ഞ്ഞെ​ടു​പ്പ്​ ചൂ​ടും

വേ​ന​ൽ ചൂ​ടി​നി​ടെ എ​ത്തി​യ തെ​ര​ഞ്ഞെ​ടു​പ്പും​ സ്ഥാ​നാ​ർ​ഥി​ക​ളെ വെ​ള്ളം കു​ടി​പ്പി​ക്കു​മെ​ന്ന കാ​ര്യം ഉ​റ​പ്പാ​യി. സീ​റ്റ്​ ച​ർ​ച്ച​യും സ്ഥാ​നാ​ർ​ഥി നി​ർ​ണ​യ​വും ക​ഴി​ഞ്ഞാ​ൽ പി​ന്നെ പ്ര​ചാ​ര​ണ​ത്തി​െൻറ സ​മ​യ​മാ​ണ്. പൊ​രി​ഞ്ഞ വെ​യി​ലി​ലെ വോ​ട്ട​ഭ്യ​ർ​ഥ​ന​യും മ​ണ്ഡ​ല പ​ര്യ​ട​ന​വു​മൊ​ക്കെ അ​ഗ്​​നി പ​രീ​ക്ഷ​യാ​കും.

വോ​ട്ട്​ പി​ടി​ക്കാ​നു​ള്ള ത​ന്ത്ര​ങ്ങ​ൾ​ക്കൊ​പ്പം ചൂ​ടി​നെ പ്ര​തി​രോ​ധി​ക്കാ​നു​ള്ള മാ​ർ​ഗ​ങ്ങ​ൾ​കൂ​ടി പ​യ​​റ്റേ​ണ്ട സാ​ഹ​ച​ര്യ​മാ​ണ്. കോ​വി​ഡ്​ ആ​ശ​ങ്ക​ക്കൊ​പ്പം ചൂ​ട്​ കൂ​ടു​ന്ന​തും അ​ണി​ക​ളി​ലെ ആ​വേ​ശം കു​റ​ക്കു​മോ എ​ന്ന ആ​ശ​ങ്ക രാ​ഷ്​​ട്രീ​യ പാ​ർ​ട്ടി​ക​ൾ​ക്കു​ണ്ട്. എ​ന്താ​യാ​ലും പ്ര​ചാ​ര​ണ​ത്തി​ൽ ചൂ​ടും ഒ​ട്ടും പി​ന്നി​ലാ​യി​രി​ക്കി​ല്ലെ​ന്ന കാ​ര്യം ഉ​റ​പ്പി​ക്കാം.

കാ​ട്ടു​തീ പ​ട​രു​ന്നു

വേ​ന​ല്‍ ക​ന​ത്ത​തോ​ടെ വ​നാ​തി​ര്‍ത്തി​ക​ളി​ല്‍ കാ​ട്ടു​തീ പ​ട​രു​ന്ന​തും പ​തി​വാ​യി​ട്ടു​ണ്ട്. ഓ​രോ വ​ര്‍ഷ​വും നൂ​റു​ക​ണ​ക്കി​ന്​ ഏ​ക്ക​ര്‍ വ​ന​ഭൂ​മി​യാ​ണ് കാ​ട്ടു​തീ​യി​ല്‍ ക​ത്തി​യ​മ​രു​ന്ന​ത്. ഇ​ടു​ക്കി, ക​ട്ട​പ്പ​ന, മ​റ​യൂ​ർ, തൊ​ടു​പു​ഴ, പീ​​രു​മേ​ട്​ എ​ന്നി​വി​ട​ങ്ങ​ളി​​ലെ​ല്ലാം കാ​ട്ടു​തീ പ​തി​വാ​യി റി​പ്പോ​ർ​ട്ട്​ ചെ​യ്യു​ന്നു​ണ്ട്.

കാ​ട്ടു​തീ​യു​ണ്ടാ​കു​ന്ന പ​ല സം​ഭ​വ​ങ്ങ​ളി​ലും മ​നു​ഷ്യ​ർ ത​ന്നെ​യാ​ണ് കാ​ട്ടു​തീ പ​ട​രാ​ന്‍ കാ​ര​ണ​മാ​കു​ന്ന​തെ​ന്ന് ഫ​യ​ര്‍ഫോ​ഴ്‌​സും വ​നം​വ​കു​പ്പും പ​റ​യു​ന്നു. കാ​ട്ടു​തീ ത​ട​യാ​ൻ ഫ​യ​ർ ബ്രേ​ക്കി​ങ്​ സം​വി​ധാ​ന​മ​ട​ക്കം വ​നം​വ​കു​പ്പ്​ പ​രീ​ക്ഷി​ക്കു​ന്നു​ണ്ടെ​ങ്കി​ലും ക​ത്തി​യെ​രി​യു​ന്ന വ​ന​ഭൂ​മി​യു​ടെ വി​സ്​​തൃ​തി വ​ർ​ധി​ക്കു​ക​യാ​ണ്​.

അ​ണ​ക്കെ​ട്ടു​ക​ളി​ൽ ജ​ല​നി​ര​പ്പ്​ കു​റ​യു​ന്നു; വൈ​ദ്യു​തി ഉ​പ​യോ​ഗ​ത്തി​ലും വ​ർ​ധ​ന

അ​ണ​ക്കെ​ട്ടു​ക​ളി​ലേ​ക്കു​ള്ള നീ​രൊ​ഴു​ക്കും കു​റ​ഞ്ഞു കൊ​ണ്ടി​രി​ക്കു​ക​യാ​ണ്. ഇ​ടു​ക്കി അ​ണ​ക്കെ​ട്ടി​ൽ തി​ങ്ക​ളാ​ഴ്​​ച 2368 അ​ടി​യാ​യി​രു​ന്ന ജ​ല​നി​ര​പ്പ്​ ചൊ​വ്വാ​ഴ്​​ച 2367 ലെ​ത്തി. മു​ല്ല​പ്പെ​രി​യാ​റി​ൽ 128 അ​ടി​യാ​ണ്​ ജ​ല നി​രി​പ്പ്. ചൂ​ട്​ കൂ​ടി​യ​തോ​ടെ സം​സ്ഥാ​ന​ത്ത് വൈ​ദ്യു​തി ഉ​പ​യോ​ഗ​വും കു​ത്ത​നെ ഉ​യ​രു​ക​യാ​ണ്.

കാ​ലാ​വ​സ്ഥ വ്യ​തി​യാ​നം മൂ​ലം ഫെ​ബ്രു​വ​രി​യി​ൽ ത​ന്നെ ചൂ​ട് കൂ​ടി​യ​താ​ണ് ഉ​പ​ഭോ​ഗം കൂ​ടാ​ൻ കാ​ര​ണം. ഉ​പ​യോ​ഗം കൂ​ടി​യ​തോ​ടെ ഉ​ൽ​പാ​ദ​ന​വും റെ​ക്കോ​ഡ് നി​ര​ക്കി​ലാ​യി. ഇ​ടു​ക്കി മൂ​ല​മ​റ്റ​ത്തു​നി​ന്നു​ള്ള വൈ​ദ്യു​തോ​ൽ​പാ​ദ​നം പ​ര​മാ​വ​ധി​യി​ലാ​ണ്.