ഗുരുമാഹാത്മ്യം ചുവരിൽ തൂക്കി സബ്കലക്ടർ ഓഫിസ്

അ​ടി​മാ​ലി: ഗു​രു​മ​ഹാ​ത്മ്യം പ​ക​ർ​ന്നു​ന​ൽ​കി സ​മൂ​ഹ​ത്തി​ൽ പു​തു​മാ​തൃ​ക തീ​ർ​ക്കു​ക​യാ​ണ് ഇ​ടു​ക്കി സ​ബ് ക​ല​ക്ട​റു​ടെ ഓ​ഫി​സ്. സ​ബ് ക​ല​ക്ട​ർ അ​നൂ​പ് ഗാ​ർ​ഗി​ന് തോ​ന്നി​യ വ്യ​ത്യ​സ്ത​മാ​യ ആ​ശ​യ​മാ​ണ് ഓ​ഫി​സ് ചു​വ​രി​ൽ ഗു​രു​മ​ഹാ​ത്മ്യ​ത്തി​ന്‍റെ സ​ന്ദേ​ശ​മാ​യി മാ​റി​യ​ത്. ഇ​ക്ക​ഴി​ഞ്ഞ അ​ധ്യാ​പ​ക ദി​ന​ത്തി​ൽ ജി​ല്ല​യി​ലെ വി​ദ്യാ​ർ​ഥി​ക​ളോ​ട് ത​ങ്ങ​ളു​ടെ പ്രി​യ​പ്പെ​ട്ട അ​ധ്യാ​പ​ക​രു​ടെ ചി​ത്ര​ങ്ങ​ൾ വ​ര​യ്ക്കാ​ൻ സ​ബ് ക​ല​ക്ട​ർ ആ​ഹ്വാ​നം ചെ​യ്തി​രു​ന്നു. ഗു​രു​മ​ഹി​മ എ​ന്ന പേ​രി​ലാ​യി​രു​ന്നു ആ​ഹ്വാ​നം. ഇ​ത് വി​ദ്യാ​ർ​ഥി​ക​ൾ ഏ​റ്റെ​ടു​ത്തു.

ഇ​തോ​ടെ വി​വി​ധ സ്കൂ​ളു​ക​ളി​ൽ​നി​ന്നാ​യി നൂ​റോ​ളം വി​ദ്യാ​ർ​ഥി​ക​ളാ​ണ് ത​ങ്ങ​ൾ​ക്ക്​ ഏ​റ്റ​വും പ്രി​യ​പ്പെ​ട്ട അ​ധ്യാ​പ​ക​രാ​യ നൂ​റോ​ളം പേ​രു​ടെ ചി​ത്ര​ങ്ങ​ൾ വ​ര​ച്ച് അ​യ​ച്ചു​ന​ൽ​കി​യ​ത്. ഇ​ങ്ങ​നെ ല​ഭി​ച്ച ചി​ത്ര​ങ്ങ​ളി​ൽ​നി​ന്നും പ്ര​ത്യേ​കം തെ​ര​ഞ്ഞെ​ടു​ത്ത 14 അ​ധ്യാ​പ​ക​രു​ടെ ചി​ത്ര​ങ്ങ​ൾ സ​ബ് ക​ല​ക്ട​ർ പ്ര​ത്യേ​ക​മാ​യി ഫ്രെ​യിം ചെ​യ്ത് അ​ദ്ദേ​ഹ​ത്തി​ന്റെ ഓ​ഫി​സി​നു​മു​ന്നി​ൽ പ്ര​ദ​ർ​ശി​പ്പി​ക്കു​ക​യും ചെ​യ്തു.

ഓ​ഫി​സി​ലെ​ത്തു​ന്ന ഏ​തൊ​രാ​ളു​ടെ​യും നോ​ട്ടം പ​തി​യ​ത്ത​ക്ക രീ​തി​യി​ലാ​ണ് ക​ള​റി​ലും ബ്ലാ​ക്ക് ആ​ൻ​ഡ്​ വൈ​റ്റി​ലു​മു​ള്ള ചി​ത്ര​ങ്ങ​ൾ സ്ഥാ​പി​ച്ചി​രി​ക്കു​ന്ന​ത്. അ​തു​കൊ​ണ്ടു​ത​ന്നെ ആ​ദ്യ​മാ​യെ​ത്തു​ന്ന​വ​ർ​ക്ക് ഇ​വ​രാ​രെ​ന്ന​റി​യാ​ൻ ഒ​രു കൗ​തു​ക​വു​മു​ണ്ടാ​കും. ഈ ​കൗ​തു​ക​മാ​ണ് ഗു​രു​മ​ഹി​മ എ​ന്ന പ​ദ്ധ​തി​യി​ലൂ​ടെ സ​മൂ​ഹ​ത്തി​ന് പ​ക​ർ​ന്നു​ന​ൽ​കാ​ൻ അ​ദ്ദേ​ഹം ല​ക്ഷ്യ​മി​ടു​ന്ന​ത്. ഇ​തി​നി​ടെ സ​ബ്ക​ല​ക്ട​റോ​ട് സ്നേ​ഹം​മൂ​ത്ത വി​ദ്യാ​ർ​ഥി​ക​ൾ അ​ദ്ദേ​ഹ​ത്തി​ന്‍റെ ചി​ത്രം വ​ര​ച്ച് സ​മ്മാ​ന​മാ​യി ന​ൽ​കി​യ​തും ശ്ര​ദ്ധേ​യ​മാ​യി​രു​ന്നു.

ഇ​തി​ൽ​നി​ന്നും അ​ദ്ദേ​ഹം തെ​ര​ഞ്ഞെ​ടു​ത്ത നാ​ല് ചി​ത്ര​ങ്ങ​ൾ ഫ്രെ​യിം ചെ​യ്ത് കാ​ബി​നു​ള്ളി​ൽ പ്ര​ദ​ർ​ശി​പ്പി​ച്ചി​ട്ടു​ണ്ട്. ജ​ന​കീ​യ ഇ​ട​പ​ട​ലു​ക​ളി​ലൂ​ടെ ഇ​തി​നോ​ട​കം ശ്ര​ദ്ധേ​യ​നാ​യ വ്യ​ക്തി​ത്വ​മാ​ണ് സ​ബ്ക​ല​ക്ട​ർ അ​നൂ​പ് ഗാ​ർ​ഗ്. ആ​ഴ്ച​യി​ൽ ഒ​രു​ദി​വ​സം ത​ന്‍റെ അ​ധി​കാ​ര​പ​രി​ധി​യി​ലു​ള്ള ഒ​രു വി​ല്ലേ​ജി​ൽ എ​ത്തി ആ ​ദി​വ​സം പൂ​ർ​ണ​മാ​യും പൊ​തു​ജ​ന​ങ്ങ​ളു​ടെ പ​രാ​തി കേ​ട്ട് പ​രി​ഹാ​രം നി​ർ​ദേ​ശി​ക്കു​ന്ന​ത​ട​ക്കം നി​ര​വ​ധി ഇ​ട​പെ​ട​ലു​ക​ളാ​ണ് ചു​രു​ങ്ങി​യ നാ​ളു​ക​ൾ​ക്കി​ട​യി​ൽ അ​ദ്ദേ​ഹം ന​ട​ത്തി​യ​ത്.