മാലിന്യമേ വിട...

തൊ​ടു​പു​ഴ: ന​വ​കേ​ര​ളം ക​ര്‍മ പ​ദ്ധ​തി​യു​ടെ ഭാ​ഗ​മാ​യി ഹ​രി​ത കേ​ര​ളം മി​ഷ​നും, തൊ​ടു​പു​ഴ ന​ഗ​ര​സ​ഭ​യും ചേ​ര്‍ന്ന് ന​ട​ത്തി​യ ഗ്രീ​ന്‍ ഓ​ഡി​റ്റി​ങി​ല്‍ മൂ​ന്ന് സ്ഥാ​പ​ന​ങ്ങ​ള്‍ക്ക് ഹ​രി​ത ഓ​ഫീ​സ് പ​ദ​വി ല​ഭി​ച്ചു. സ​ബ് റീ​ജ​ന​ല്‍ ട്രാ​ന്‍സ്‌​പോ​ര്‍ട്ട് ഓ​ഫീ​സ്, ഡോ. ​എ.​പി.​ജെ. അ​ബ്ദു​ൽ ക​ലാം ഹ​യ​ര്‍ സെ​ക്ക​ന്‍ഡ​റി സ്‌​കൂ​ള്‍, തൊ​ടു​പു​ഴ പ്രി​ന്‍സി​പ്പ​ല്‍ കൃ​ഷി ഓ​ഫി​സ് എ​ന്നീ സ്ഥാ​പ​ന​ങ്ങ​ള്‍ക്കാ​ണ് ഹ​രി​ത ഓ​ഫി​സ് പ​ദ​വി ല​ഭി​ച്ച​ത്.

ഗ്രീ​ന്‍ ഓ​ഡി​റ്റിം​ഗി​ല്‍ എ ​ഗ്രേ​ഡ് നേ​ടി​യ സ്ഥാ​പ​ന​ങ്ങ​ള്‍ക്കാ​ണ് ഹ​രി​ത സ്ഥാ​പ​ന പ​ദ​വി​യും, സ​ര്‍ട്ടി​ഫി​ക്ക​റ്റും ന​ല്‍കു​ന്ന​ത്. ഗ്രീ​ന്‍ പ്രോ​ട്ടോ​ക്കോ​ള്‍ പ​രി​പാ​ല​നം, ശു​ചി​ത്വ മാ​ലി​ന്യ സം​സ്‌​ക​ര​ണം, ജ​ല സു​ര​ക്ഷ, ഊ​ര്‍ജ സം​ര​ക്ഷ​ണം എ​ന്നി​വ പ​രി​ശോ​ധി​ച്ചാ​ണ് ഗ്രേ​ഡിം​ഗ് ന​ല്‍കു​ന്ന​ത്. ചെ​യ​ര്‍മാ​ന്‍ സ​നീ​ഷ് ജോ​ര്‍ജ് ശു​ചി​ത്വ പ​ദ​വി സ​ര്‍ട്ടി​ഫി​ക്ക​റ്റ് വി​ത​ര​ണം ചെ​യ്തു.

വൈ​സ് ചെ​യ​ര്‍പേ​ഴ്‌​സ​ൻ പ്ര​ഫ. ജെ​സി ആ​ന്റ​ണി, സ്റ്റാ​ന്‍ഡിം​ഗ് ക​മ്മി​റ്റി ചെ​യ​ര്‍മാ​ന്‍മാ​രാ​യ എം.​എ. ക​രീം, പി.​ജി. രാ​ജ​ശേ​ഖ​ര​ന്‍, കൗ​ണ്‍സി​ല​ര്‍ ക​വി​ത വേ​ണു, മു​നി​സി​പ്പ​ല്‍ സെ​ക്ര​ട്ട​റി ബി​ജു​മോ​ന്‍ ജേ​ക്ക​ബ്, ജോ​യി​ന്റ് ആ​ർ.​ടി.​ഒ അ​നി​ല്‍ കു​മാ​ര്‍, എ.​പി.​ജെ അ​ബ്ദു​ൽ ക​ലാം എ​ച്ച്.​എ​സ്.​എ​സ് പ്രി​ന്‍സി​പ്പ​ല്‍ ജ​യ​കു​മാ​രി, പ്രി​ന്‍സി​പ്പ​ല്‍ കൃ​ഷി ഓ​ഫി​സ് ജൂ​നി​യ​ര്‍ സൂ​പ്ര​ണ്ട് എം.​എം. മ​ഞ്ജു​ഹാ​സ​ന്‍, ന​ഗ​ര​സ​ഭ ഹെ​ല്‍ത് ഇ​ന്‍സ്‌​പെ​ക്ട​ര്‍മാ​രാ​യ ബി​ജോ മാ​ത്യു, പ്ര​ജീ​ഷ് കു​മാ​ര്‍, ഹ​രി​ത​മി​ത്രം ജി​ല്ല കോ​ഓ​ഡി​നേ​റ്റ​ര്‍ അ​ലീ​ന, വീ​ണ വി​ശ്വ​നാ​ഥ് എ​ന്നി​വ​ര്‍ പ​ങ്കെ​ടു​ത്തു.

തൊ​ടു​പു​ഴ​യി​ൽ മാ​ലി​ന്യനീ​ക്കം നി​ല​ച്ച​ത്​ പ്ര​തി​സ​ന്ധി​യാ​യി

തൊ​ടു​പു​ഴ: ന​ഗ​ര​സ​ഭ​യി​ലെ സ്ഥാ​പ​ന​ങ്ങ​ളി​ല്‍ ശു​ചി​ത്വ മാ​ലി​ന്യ സം​സ്‌​ക​ര​ണ​വും മ​റ്റും മി​ക​ച്ച രീ​തി​യി​ല്‍ ന​ട​പ്പാ​ക്കു​ന്ന​തി​നു​ള്ള ക​ര്‍മ പ​ദ്ധ​തി​ക​ള്‍ക്കി​ട​യി​ലും മാ​ലി​ന്യ നീ​ക്കം നി​ല​ച്ച​ത്​ പ്ര​തി​സ​ന്ധി സൃ​ഷ്ടി​ക്കു​ന്നു. നേ​ര​ത്തെ ന​ഗ​ര​സ​ഭ​യു​ടെ വാ​ഹ​ന​ത്തി​ലെ​ത്തി സ്ഥാ​പ​ന​ങ്ങ​ളി​ല്‍ നി​ന്നും മാ​ലി​ന്യം ശേ​ഖ​രി​ച്ചി​രു​ന്നെ​ങ്കി​ലും ഇ​പ്പോ​ള്‍ ഈ ​പ്ര​വ​ര്‍ത്ത​നം നി​ല​ച്ചി​രി​ക്കു​ക​യാ​ണ്.

പാ​റ​ക്ക​ട​വി​ലെ ഡ​മ്പി​ങ്ങ്​ യാ​ർ​ഡി​ലാ​ണ്​ മാ​ലി​ന്യ​ങ്ങ​ൾ എ​ത്തി​ച്ചി​രു​ന്ന​ത്. എ​ന്നാ​ൽ ഇ​വി​ടെ ബ​യോ​മൈ​നി​ങ്​ പ​ദ്ധ​തി ന​ട​പ്പാ​ക്കു​ന്ന​തി​നാ​ൽ ഇ​വി​ടേ​ക്ക്​ മാ​ലി​ന്യം കൊ​ണ്ട്​ പോ​കു​ന്ന​ത്​ നി​ല​ച്ചു. വാ​ഹ​ന​ങ്ങ​ളി​ലെ​ത്തി​യു​ള്ള മാ​ലി​ന്യ ശേ​ഖ​ര​ണം നി​ല​ച്ച​തോ​ടെ പ​ല​യി​ട​ത്തും മാ​ലി​ന്യ​ങ്ങ​ൾ കൂ​ടി​ക്കി​ട​ക്കു​​ന്ന സാ​ഹ​ച​ര്യ​മു​ണ്ട്. മാ​ത്ര​മ​ല്ല മാ​ലി​ന്യം പ​ല​യി​ട​ത്തും ത​ള്ളു​ന്ന​തും കൂ​ടി വ​രു​ന്നു.

ന​ഗ​ര​സ​ഭ​യു​ടെ ഹ​രി​ത പ​ദ​വി ല​ഭി​ച്ച സ്ഥാ​പ​ന​ത്തി​നു മു​ന്നി​ല്‍ പോ​ലും പാ​ഴ്​ വ​സ്തു​ക്ക​ള്‍ കൂ​ടി​ക്കി​ട​ക്കു​ക​യാ​ണ്. നേ​ര​ത്തെ ന​ഗ​ര​സ​ഭ​യു​ടെ വാ​ഹ​ന​ത്തി​ലെ​ത്തി സ്ഥാ​പ​ന​ങ്ങ​ളി​ല്‍ നി​ന്നും മാ​ലി​ന്യം ശേ​ഖ​രി​ച്ചി​രു​ന്നെ​ങ്കി​ലും ഇ​പ്പോ​ള്‍ ഈ ​പ്ര​വ​ര്‍ത്ത​നം നി​ല​ച്ചി​രി​ക്കു​ക​യാ​ണ്. തൊ​ടു​പു​ഴ മി​നി സി​വി​ല്‍ സ്റ്റേ​ഷ​നി​ലെ സ്ഥാ​പ​ന​ങ്ങ​ളി​ല്‍ നി​ന്നും വാ​ഹ​ന​ങ്ങ​ളി​ലെ​ത്തി​യാ​ണ് മാ​ലി​ന്യം ശേ​ഖ​രി​ച്ചി​രു​ന്ന​ത്.

അ​താ​ത്​ സ​ര്‍ക്കാ​ര്‍ സ്ഥാ​പ​ന​ങ്ങ​ളി​ലെ ശു​ചീ​ക​ര​ണ ജോ​ലി​ക്കാ​ര്‍ മാ​ലി​ന്യം വാ​ഹ​ന​ത്തി​ലെ​ത്തി​ച്ചു​ന​ല്‍കി​യി​രു​ന്നു. എ​ന്നാ​ല്‍ വാ​ഹ​നം വ​രാ​താ​യ​തോ​ടെ പ​ല സ്ഥാ​പ​ന​ങ്ങ​ളി​ലെ​യും മാ​ലി​ന്യ നീ​ക്ക​വും അ​വ​താ​ള​ത്തി​ലാ​ണ്. അ​തേ സ​മ​യം ബ​യോ മൈ​നി​ങ്​ പ​രി​പാ​ടി​ക​ൾ പൂ​ർ​ത്തി​യാ​യി വ​രു​ന്ന മു​റ​ക്ക്​ പൂ​ർ​ണ​മാ​യും തൊ​ടു​പു​ഴ ന​ഗ​ര​ത്തി​ലെ മാ​ലി​ന്യ​ങ്ങ​ൾ ശേ​ഖ​രി​ച്ച്​ സം​സ്ക​രി​ക്കാ​നു​ള്ള സം​വി​ധാ​ന​ങ്ങ​ൾ സ​ജ്ജ​മാ​കു​മെ​ന്ന്​ ന​ഗ​ര​സ​ഭ ചെ​യ​ർ​മാ​ൻ സ​നീ​ഷ്​ ജോ​ർ​ജ്​ പ​റ​ഞ്ഞു.

സ​മ്പൂ​ർ​ണ മാ​ലി​ന്യ​ മു​ക്ത​മാ​കാ​നൊ​രു​ങ്ങി ഉ​ടു​മ്പ​ന്നൂ​ർ

തൊ​ടു​പു​ഴ: ഉ​ടു​മ്പ​ന്നൂ​രി​നെ സ​മ്പൂ​ർ​ണമാ​ലി​ന്യ മു​ക്ത​മാ​ക്കാ​ൻ വി​വി​ധ പ​ദ്ധ​തി​ക​ളു​മാ​യി ഉ​ടു​മ്പ​ന്നൂ​ർ പ​ഞ്ചാ​യ​ത്ത്. നി​രോ​ധി​ത പ്ലാ​സ്റ്റി​ക് കാ​രി​ബാ​ഗു​ക​ളു​ടെ ഉ​പ​യോ​ഗം പ​ര​മാ​വ​ധി കു​റ​ക്കു​ന്ന​തി​നാ​യി പ​ഞ്ചാ​യ​ത്തി​ലെ മു​ഴു​വ​ൻ വീ​ട്ടി​ലും പ​ത്ത്​ കി​ലോ, അ​ഞ്ച്​ കി​ലോ വീ​തം സം​ഭ​ര​ണ ശേ​ഷി​യു​ള്ള ര​ണ്ട്​ തു​ണി സ​ഞ്ചി​ക​ൾ വീ​തം സൗ​ജ​ന്യ​മാ​യി ന​ൽ​കും.

വീ​ടു​ക​ളി​ൽ ഉ​ണ്ടാ​കു​ന്ന ജൈ​വ​മാ​ലി​ന്യ​ങ്ങ​ളെ ക​മ്പോ​സ്റ്റാ​ക്കി മാ​റ്റു​ന്ന യൂ​നി​റ്റ് ഒ​ന്നി​ന് 1680 രൂ​പ വി​ല​യു​ള്ള ബ​യോ​ബി​ന്നു​ക​ൾ 90 ശ​ത​മാ​നം സ​ബ്സി​ഡി​യോ​​ടെ വീ​ടു​ക​ൾ​ക്ക് ല​ഭ്യ​മാ​ക്കും. ശാ​സ്ത്ര​സാ​ഹി​ത്യ പ​രി​ഷ​ത്തി​ന്‍റെ ഗ​വേ​ഷ​ണ സ്ഥാ​പ​ന​മാ​യ മു​ണ്ടൂ​ർ ഐ.​ആ​ർ.​ടി.​സി​യാ​ണ് ബ​യോ​ബി​ന്നു​ക​ൾ നി​ർ​മി​ച്ച് ന​ൽ​കു​ന്ന​ത്.

ആ​ദ്യ​ഘ​ട്ട​ത്തി​ൽ 800 വീ​ടു​ക​ൾ​ക്കാ​ണ് ബ​യോ ബി​ൻ ന​ൽ​കു​ക. ജൈ​വ​മാ​ലി​ന്യ​ങ്ങ​ളെ പാ​ച​ക​വാ​ത​ക​മാ​ക്കി മാ​റ്റു​ന്ന യൂ​നി​റ്റ് ഒ​ന്നി​ന്ന് 9000 രൂ​പ വി​ല​യു​ള്ള ന​വ​ജ്യോ​തി മോ​ഡ​ൽ ബ​യോ​ഗ്യാ​സ് പ്ലാ​ന്റ് 90 ശ​ത​മാ​നം സ​ബ്സി​ഡി നി​ര​ക്കി​ൽ 610 വീ​ട്ടിലും സൗ​ജ​ന്യ​മാ​യി പ​ഞ്ചാ​യ​ത്തി​ലെ 10 പൊ​തു​വി​ദ്യാ​ല​യ​ങ്ങ​ളി​ലും ഇ​തി​നോ​ട​കം സ്ഥാ​പി​ച്ചു​ക​ഴി​ഞ്ഞു.

അ​ജൈ​വ മാ​ലി​ന്യ​ങ്ങ​ൾ ശേ​ഖ​രി​ക്കു​ന്ന ഹ​രി​ത ക​ർ​മസേ​ന​യു​ടെ സേ​വ​ന​ക​വ​റേ​ജ് 85 ശ​ത​മാ​ന​ത്തി​ന് മു​ക​ളി​ൽ എ​ത്തി​ക്കാ​നു​മാ​യി. മാ​ലി​ന്യ​ത്തി​നെ​തി​രെ ബ​ദ​ൽ സം​വി​ധാ​ന​ങ്ങ​ൾ ഒ​രു​ക്കാ​ൻ ഈ ​വ​ർ​ഷം ഏ​റ്റെ​ടു​ത്ത പ​ദ്ധ​തി​ക​ൾ പൂ​ർ​ത്തി​യാ​കു​മ്പോ​ൾ ഉ​ടു​മ്പ​ന്നൂ​ർ സ​മ്പൂ​ർ​ണ​മാ​യും മാ​ലി​ന്യ​വി​മു​ക്ത പ​ഞ്ചാ​യ​ത്താ​യി മാ​റു​മെ​ന്ന് പ്ര​സി​ഡ​ന്‍റ്​ എം. ​ല​തീ​ഷ് അ​റി​യി​ച്ചു. വീ​ടു​ക​ൾ​ക്ക് ന​ൽ​കു​ന്ന ബ​യോ​ബി​ന്നു​ക​ളു​ടെ​യും തു​ണി​സ​ഞ്ചി​ക​ളു​ടെ​യും വി​ത​ര​ണോ​ദ്​​ഘാ​ട​നം പ്ര​സി​ഡ​ന്‍റ്​ എം. ​ല​തീ​ഷ് നി​ർ​വ​ഹി​ച്ചു.

വൈ​സ് പ്ര​സി​ഡ​ന്റ് ബി​ന്ദു ര​വീ​ന്ദ്ര​ൻ അ​ധ്യ​ക്ഷ​ത വ​ഹി​ച്ചു. സ്ഥി​രം സ​മി​തി അ​ധ്യ​ക്ഷ​രാ​യ ബീ​ന ര​വീ​ന്ദ്ര​ൻ, ശാ​ന്ത​മ്മ ജോ​യി, വാ​ർ​ഡ് മെ​ംബർ​മാ​രാ​യ കെ.​ആ​ർ. ഗോ​പി, ജി​ൻ​സി സാ​ജ​ൻ , അ​ൽ​ഫോ​ൻ​സ കെ. ​മാ​ത്യു, ഐ.​ആ​ർ.​ടി.​സി പ്ര​തി​നി​ധി വി.​വി. ഷാ​ജി, ന​വ​കേ​ര​ള മി​ഷ​ൻ ജി​ല്ല ആ​ർ.​പി സ​ജീ​വ​ൻ തു​ട​ങ്ങി​യ​വ​ർ സം​സാ​രി​ച്ചു.

വാ​ർ​ഡ് മെ​ംബ​ർ ആ​തി​ര രാ​മ​ച​ന്ദ്ര​ൻ സ്വാ​ഗ​ത​വും സെ​ക്ര​ട്ട​റി കെ.​പി. യ​ശോ​ധ​ര​ൻ ന​ന്ദി​യും പ​റ​ഞ്ഞു.