ക്ഷാമം രൂക്ഷം; പാചകവാതകത്തിന്​ ​നെട്ടോട്ടം

തൊ​ടു​പു​ഴ: പാ​ച​ക​വാ​തക ക്ഷാ​മം അ​ടു​ക്ക​​ള​ക​ളെ സ്തം​ഭി​പ്പി​ക്കു​ന്നു. ഇ​ന്ത്യ​ൻ ഓ​യി​ൽ കോ​ർ​പ​റേ​ഷ​ന്റെ ഉ​ദ​യം​പേ​രൂ​ർ ബോ​ട്ടി​ലി​ങ് പ്ലാ​ന്റി​ലു​ണ്ടാ​യ തൊ​ഴി​ലാ​ളി സ​മ​ര​ത്തെ തു​ട​ർ​ന്ന് ഇ​ടു​ക്കി ജി​ല്ല​യി​ൽ ഇ​ൻ​ഡേ​ൻ പാ​ച​ക​വാ​ത​ക സി​ലി​ണ്ട​റു​ക​ൾ​ക്ക്​ ക​ടു​ത്ത ക്ഷാ​മ​മാ​യ സാ​ഹ​ച​ര്യ​ത്തി​ൽ അ​ടി​യ​ന്ത​ര​മാ​യി ഇ​ട​പെ​ട​ണ​മെ​ന്ന് ഡീ​ൻ കു​ര്യാ​ക്കോ​സ് എം.​പി. കേ​ന്ദ്ര പെ​ട്രോ​ളി​യം, പ്ര​കൃ​തി​വാ​ത​ക മ​ന്ത്രി ഹ​ർ​ദീ​പ് സി​ങ്​ പു​രി​ക്ക് ക​ത്ത് ന​ൽ​കി. ഐ.​ഒ.​സി. പ്ലാ​ന്റി​ലെ താ​ൽ​ക്കാ​ലി​ക തൊ​ഴി​ലാ​ളി​ക​ളു​ടെ മെ​ല്ലെ​പ്പോ​ക്ക് സ​മ​ര​മാ​ണ് പ്ര​തി​സ​ന്ധി​ക്ക് കാ​ര​ണം.

സ​മ​രം പി​ൻ​വ​ലി​ച്ചി​ട്ടും പ്ര​ത്യാ​ഘാ​ത​ങ്ങ​ൾ ഇ​ടു​ക്കി​യി​ലെ വി​ത​ര​ണ​ത്തെ സാ​ര​മാ​യി ബാ​ധി​ക്കു​ന്നു. പ്ലാ​ന്റി​ൽ​നി​ന്ന് പ്ര​തി​ദി​നം അ​യ​ക്കു​ന്ന​തി​ൽ 50 മു​ത​ൽ 60 ലോ​ഡു​ക​ളു​ടെ കു​റ​വു​ണ്ടാ​യ​തി​നാ​ൽ ജി​ല്ല​യി​ലെ വി​ത​ര​ണ​ക്കാ​ർ​ക്ക് ഉ​പ​ഭോ​ക്താ​ക്ക​ളു​ടെ ആ​വ​ശ്യം നി​റ​വേ​റ്റാ​ൻ ക​ഴി​യു​ന്നി​ല്ല. ഇ​ത് വി​ത​ര​ണ സ​മ്പ്ര​ദാ​യ​ത്തെ​യും താ​ളം തെ​റ്റി​ക്കു​ന്നു. മ​ല​യോ​ര, വി​ദൂ​ര പ്ര​ദേ​ശ​ങ്ങ​ളി​ലെ വീ​ടു​ക​ളി​ൽ സി​ലി​ണ്ട​ർ എ​ത്താ​ൻ ദി​വ​സ​ങ്ങ​ൾ വൈ​കു​ന്ന​ത് ജ​ന​ജീ​വി​തം ദു​സ്സ​ഹ​മാ​ക്കു​ക​യാ​ണ്.

ല​ഭ്യ​മാ​യ ലോ​ഡു​ക​ൾ അ​യ​ൽ ജി​ല്ല​ക​ളാ​യ എ​റ​ണാ​കു​ളം, തൃ​ശൂ​ർ എ​ന്നി​വ​ട​ങ്ങ​ളി​ലേ​ക്ക് വ​ഴി​തി​രി​ച്ചു​വി​ടു​ന്ന​ത് ഇ​ടു​ക്കി​യു​ടെ ക്ഷാ​മം വ​ർ​ധി​പ്പി​ക്കു​ക​യാ​ണ്. ജി​ല്ല​യു​ടെ പ്ര​ത്യേ​ക​മാ​യ ഭൂ​പ്ര​കൃ​തി​യും പ​രി​മി​ത ഗ​താ​ഗ​ത സൗ​ക​ര്യ​ങ്ങ​ളും കാ​ര​ണം, ത​ട​സ്സ​മി​ല്ലാ​ത്ത എ​ൽ.​പി.​ജി. വി​ത​ര​ണം ഇ​ടു​ക്കി​യി​ലെ ദൈ​നം​ദി​ന ജീ​വി​ത​ത്തി​ന് അ​ത്യ​ന്താ​പേ​ക്ഷി​ത​മാ​ണ്. അ​തി​നാ​ൽ ഇ​ടു​ക്കി​യെ കൂ​ടു​ത​ൽ ഒ​റ്റ​പ്പെ​ടു​ത്തു​ന്ന ഈ ​വി​വേ​ച​നം അ​വ​സാ​നി​പ്പി​ക്ക​ണ​മെ​ന്ന്​ എം.​പി ക​ത്തി​ൽ പ​റ​ഞ്ഞു.

ഇ​ടു​ക്കി ജി​ല്ല​യു​ടെ മു​ഴു​വ​ൻ സ​പ്ലൈ ക്വാ​ട്ട​യും മു​ൻ​ഗ​ണ​നാ​ടി​സ്ഥാ​ന​ത്തി​ൽ പു​നഃ​സ്ഥാ​പി​ച്ച് വി​ത​ര​ണം സാ​ധാ​ര​ണ നി​ല​യി​ലാ​ക്കാ​ൻ ഇ​ന്ത്യ​ൻ ഓ​യി​ൽ കോ​ർ​പ​റേ​ഷ​ന് നി​ർ​ദേ​ശം ന​ൽ​ക​ണം. ബാ​ധി​ക്ക​പ്പെ​ട്ട എ​ല്ല ജി​ല്ല​യി​ലും ലോ​ഡു​ക​ൾ തു​ല്യ​മാ​യി വി​ത​ര​ണം ചെ​യ്യ​ണ​മെ​ന്നും ഇ​ടു​ക്കി പോ​ലു​ള്ള വി​ദൂ​ര പ്ര​ദേ​ശ​ങ്ങ​ൾ​ക്ക് മു​ൻ​ഗ​ണ​ന​യും പ്ര​ത്യേ​ക പ​രി​ഗ​ണ​ന​യും ന​ൽ​ക​ണ​മെ​ന്നും നി​ല​വി​ലെ വി​ത​ര​ണ​ത്തി​ലെ കു​റ​വ് പ​രി​ഹ​രി​ക്കാ​ൻ സാ​ധ്യ​മാ​യ മ​റ്റു സം​വി​ധാ​ന​ങ്ങ​ൾ ഏ​ർ​പ്പെ​ടു​ത്ത​ണ​മെ​ന്നും ക​ത്തി​ൽ ആ​വ​ശ്യ​പ്പെ​ട്ടു.