തമിഴ്‌നാട്ടില്‍ വ്യാജ കോവിഡ് നെഗറ്റിവ് സര്‍ട്ടിഫിക്കറ്റ്​ നിര്‍മാണം; നാലുപേര്‍ പിടിയില്‍

നെ​ടു​ങ്ക​ണ്ടം: വ്യാ​ജ കോ​വി​ഡ് നെ​ഗ​റ്റി​വ് സ​ര്‍ട്ടി​ഫി​ക്ക​റ്റു​മാ​യി അ​തി​ര്‍ത്തി ചെ​ക്​​പോ​സ്​​റ്റ്​ വ​ഴി കേ​ര​ള​ത്തി​ലേ​ക്ക് ക​ട​ക്കാ​ന്‍ ശ്ര​മി​ച്ച ര​ണ്ടു​പേ​രെ​യും സ​ര്‍ട്ടി​ഫി​ക്ക​റ്റ് നി​ര്‍മി​ച്ചു​ന​ല്‍കു​ന്ന ര​ണ്ടു​പേ​രെ​യും അ​ട​ക്കം നാ​ലു​പേ​രെ ക​മ്പം​മെ​ട്ട് പൊ​ലീ​സ് അ​റ​സ്​​റ്റ്​ ചെ​യ്തു.

ര​ണ്ട് ക​മ്പ്യൂ​ട്ട​റും ര​ണ്ട് മൊ​ബൈ​ല്‍ ഫോ​ണും ഇ​വ​രി​ല്‍നി​ന്ന്​ പി​ടി​ച്ചെ​ടു​ത്തു. ഉ​ത്ത​മ​പാ​ള​യം സ്വ​ദേ​ശി​ക​ളാ​യ സ​തീ​ഷ്കു​മാ​ര്‍, മു​രു​ക​ന്‍, ക​മ്പം നോ​ര്‍ത്ത് സ്വ​ദേ​ശി വി​ജ​യ​കു​മാ​ര്‍, പ​ന്നൈ​പു​റം സ്വ​ദേ​ശി വേ​ല്‍മു​രു​ക​ന്‍ എ​ന്നി​വ​രാ​ണ് പി​ടി​യി​ലാ​യ​ത്. ത​മി​ഴ്നാ​ട്ടി​ല്‍നി​ന്ന്​ വ്യാ​ജ ആ​ര്‍.​ടി.​പി.​സി.​ആ​ര്‍ സ​ര്‍ട്ടി​ഫി​ക്ക​റ്റു​മാ​യി ക​മ്പം​മെ​ട്ട് ചെ​ക്പോ​സ്​​റ്റ്​ വ​ഴി കേ​ര​ള​ത്തി​ലേ​ക്ക് ക​ട​ക്കാ​ന്‍ ശ്ര​മി​ക്കു​ക​യാ​യി​രു​ന്നു. ഇ​വ​രെ ചോ​ദ്യം ചെ​യ്ത​തി​നെ​ത്തു​ട​ര്‍ന്ന് ന​ട​ത്തി​യ അ​ന്വേ​ഷ​ണ​ത്തി​ലാ​ണ് വ്യാ​ജ സ​ര്‍ട്ടി​ഫി​ക്ക​റ്റ് നി​ര്‍മി​ച്ച്​ ന​ല്‍കു​ന്ന സം​ഘ​ത്തെ​പ്പ​റ്റി വി​വ​രം ല​ഭി​ച്ച​ത്. തു​ട​ർ​ന്ന്,​ ത​മി​ഴ്‌​നാ​ട്ടി​ലെ ക​മ്പം, തേ​വാ​ര​ത്തി​നു​സ​മീ​പം പ​ന്നൈ​പു​റം തു​ട​ങ്ങി​യ സ്ഥ​ല​ങ്ങ​ളി​ല്‍നി​ന്നാ​ണ്​ ര​ണ്ടു​പേ​രെ പി​ടി​കൂ​ടി​യ​ത്.

ത​മി​ഴ്‌​നാ​ട് ആ​രോ​ഗ്യ​വ​കു​പ്പി​െൻറ ആ​പ് ഇ​ന്‍സ്​​റ്റാ​ൾ ചെ​യ്ത് ഓ​രോ പാ​സും പ​രി​ശോ​ധ​ന ന​ട​ത്തി മാ​ത്ര​മാ​ണ് ചെ​ക്പോ​സ്​​റ്റ്​ വ​ഴി കേ​ര​ള​ത്തി​ലേ​ക്ക് ആ​ളു​ക​ളെ ക​ട​ത്തി​വി​ടു​ന്ന​ത്. ഇ​ത​റി​യാ​തെ എ​ത്തി​യ​വ​രാ​ണ് പി​ടി​യി​ലാ​യ​ത്. ക​മ്പം​മെ​ട്ട് പൊ​ലീ​സ് ഇ​ന്‍സ്‌​പെ​ക്ട​ര്‍ സു​നി​ല്‍ കു​മാ​ര്‍, എ​സ.്ഐ അ​ശോ​ക​ന്‍, എ.​എ​സ്.​ഐ സ​ജി​കു​മാ​ര്‍, വി​നോ​ദ്, ജ​യേ​ഷ്, സ​ജു​രാ​ജ്, അ​ന്‍ഷാ​ദ്, ഹോം ​ഗാ​ര്‍ഡ് സു​ധാ​ക​ര​ന്‍ എ​ന്നി​വ​രു​ടെ നേ​തൃ​ത്വ​ത്തി​ല്‍ ന​ട​ത്തി​യ പ​രി​ശോ​ധ​ന​യി​ലാ​ണ് പി​ടി​യി​ലാ​യ​ത്.