വ​ന്യ​മൃ​ഗ​ങ്ങ​ൾ​ക്ക്​ കാ​ട്ടി​നു​ള്ളി​ൽ തീ​റ്റ വി​ത്തു​ണ്ട​ക​ൾ എ​റി​ഞ്ഞ് വ​നം​വ​കു​പ്പ്

കു​മ​ളി: കൃ​ഷി​യി​ട​ങ്ങ​ളി​ലേ​ക്ക് കാ​ടി​റ​ങ്ങി ജീ​വി​ക​ൾ വ​രു​ന്ന​ത് ത​ട​യാ​നു​ള്ള ‘വി​ത്തൂ​ൺ’ പ​ദ്ധ​തി​ക്ക്​ തു​ട​ക്കം കു​റി​ച്ച്​ വ​നം വ​കു​പ്പ്. ഇ​ളം പു​ല്ലും മ​റ്റ് തീ​റ്റ​ക​ളും തേ​ടി ആ​ന, കാ​ട്ടു​പോ​ത്ത്, മ്ലാ​വ്, കേ​ഴ എ​ന്നി​വ കൃ​ഷി​യി​ട​ത്തി​ലേ​ക്ക് ഇ​റ​ങ്ങു​ക​യും ഇ​വ​യെ പി​ടി​കൂ​ടാ​ൻ ക​ടു​വ ഉ​ൾ​പ്പ​ടെ ജീ​വി​ക​ൾ കാ​ടി​റ​ങ്ങു​ന്ന​തും വ്യാ​പ​ക​മാ​യ​തോ​ടെ​യാ​ണ് വ​നം വ​കു​പ്പ്​ പു​തി​യ പ​ദ്ധ​തി​യു​മാ​യി രം​ഗ​ത്തെ​ത്തി​യ​ത്.

മ​ണ്ണി​ന്‍റെ​യും ജൈ​വ​വ​ള​ത്തി​ന്‍റെ​യും മി​ശ്രി​ത​ത്തി​ൽ പൊ​തി​ഞ്ഞ നാ​ട​ൻ സ​സ്യ​ങ്ങ​ളു​ടെ​യും പു​ല്ല് ഇ​ന​ങ്ങ​ളു​ടെ​യും വി​ത്തു​ക​ളാ​ണ് ഉ​ണ്ട​ക​ളാ​ക്കി വ​ന​മേ​ഖ​ല​യു​ടെ വി​വി​ധ ഭാ​ഗ​ങ്ങ​ളി​ൽ എ​റി​യു​ന്ന​ത്. പെ​രി​യാ​ർ ക​ടു​വ സ​ങ്കേ​ത​ത്തി​ലെ വി​വി​ധ റേ​ഞ്ചു​ക​ളി​ൽ ഇ​ത്ത​രം വി​ത്തു​ണ്ട​ക​ൾ തു​റ​സ്സാ​യ പ്ര​ദേ​ശ​ങ്ങ​ളി​ൽ എ​റി​യു​ന്ന​ത് ന​ട​ന്നു വ​രി​ക​യാ​ണ്. ഇ​ങ്ങ​നെ എ​റി​യു​ന്ന വി​ത്തു​ക​ൾ മ​ഴ​ക്കാ​ല​ത്ത് കി​ളി​ർ​ക്കു​ന്ന​തോ​ടെ കാ​ട്ടി​നു​ള്ളി​ലെ ഭ​ക്ഷ്യ ക്ഷാ​മ​ത്തി​ന് പ​രി​ഹാ​ര​മാ​കു​മെ​ന്നാ​ണ് അ​ധി​കൃ​ത​രു​ടെ ക​ണ​ക്കു​കൂ​ട്ട​ൽ.

തി​ങ്ക​ളാ​ഴ്ച ക​ടു​വ സ​ങ്കേ​ത​ത്തി​ലെ അ​ഴു​ത റേ​ഞ്ചി​ൽ, സ​ത്രം സെ​ക്ഷ​നി​ലെ പു​ല്ല് മേ​ട്ടി​ൽ ‘വി​ത്തൂ​ൺ'' പ​രി​പാ​ടി ന​ട​ന്ന​ത്. സ​ത്രം, സി​ലോ​ൺ മൗ​ണ്ട് ഇ​ക്കോ ഡ​വ​ല​പ്പ്​​മെ​ന്‍റ്​ ക​മ്മ​റ്റി​ക​ളു​ടെ​യും വ​നം വ​കു​പ്പി​ന്‍റെ​യും നേ​തൃ​ത്വ​ത്തി​ലാ​ണ് പ​ദ്ധ​തി ന​ട​ത്തു​ന്ന​ത്. പു​ല്ലു​മേ​ട് ഭാ​ഗ​ത്ത് ന​ടാ​ൻ ഏ​ക​ദേ​ശം 700 ഓ​ളം വി​ത്തു​ണ്ട​ക​ളാ​ണ് വ​നം വ​കു​പ്പ് സ​ജ്ജ​മാ​ക്കി​യ​ത്. സ​ത്രം സെ​ക്ഷ​ൻ ഓ​ഫീ​സ് പ​രി​സ​ര​ത്ത് ന​ട​ന്ന പ​രി​പാ​ടി റെ​യ്ഞ്ച് ഫോ​റ​സ്റ്റ് ഓ​ഫീ​സ​ർ ഡി. ​ബെ​ന്നി ഉ​ദ്ഘാ​ട​നം ചെ​യ്തു.​പി.​ടി.​സി.​എ​ഫ് എ​ക്സി​ക്യു​ട്ടി​വ് അം​ഗം ഷാ​ജി കു​രി​ശും​മ്മൂ​ട്, വ​നം വ​കു​പ്പ് ജീ​വ​ന​ക്കാ​യ പി. ​പ്ര​ശാ​ന്ത്, എം. ​ജി മി​ഥു​ൻ, ജോ​സ​ഫ് ജോ​ർ​ജ് , ലെ​ബി​ൻ ബേ​ബി, തു​ട​ങ്ങി​യ​വ​ർ പ​ങ്കെ​ടു​ത്തു.