പരീതിനെ കാത്തിരിപ്പുണ്ട് പ്രാവിൻ കൂട്ടങ്ങൾ

ഉ​ടു​മ്പ​ന്നൂ​ര്‍: പ​രീ​തും പ്ര​വു​ക​ളും ത​മ്മി​ൽ സൗ​ഹൃ​ദം തു​ട​ങ്ങി​യി​ട്ട് 15 വ​ര്‍ഷ​ത്തി​ലേ​റെ​യാ​യി. ഉ​ടു​മ്പ​ന്നൂ​ര്‍ ടൗ​ണി​ല്‍ ഉ​ന്തു​വ​ണ്ടി​യി​ല്‍ ക​ട​ല വി​ല്‍പ​ന ന​ട​ത്തു​ന്ന​യാ​ളാ​ണ്​ ക​മ്പ​നി ക​പ്പി​ലാ​ങ്ങാ​ട് കാ​ര​കു​ന്നേ​ല്‍ പ​രീ​ത്. രാ​വി​ലെ 8.30ഓ​ടെ ഉ​ന്തു​വ​ണ്ടി​യു​മാ​യി ടൗ​ണി​ൽ എ​ത്തും. അ​വി​ടെ പ​രീ​തി​നെ കാ​ത്ത്​ ഒ​രു​കൂ​ട്ടം പ്ര​വു​ക​ള്‍ ഉ​ണ്ടാ​കും. അ​ക​ലെ​നി​ന്നേ ഉ​ന്തു​വ​ണ്ടി കാ​ണു​മ്പോ​ൾ ഇ​വ​യെ​ല്ലാം​കൂ​ടി കു​റു​കി ഒ​ച്ച​യു​ണ്ടാ​ക്കി തു​ട​ങ്ങും.

പി​ന്നെ വ​ട്ടം​ചു​റ്റി പ​റ​ക്കും. ഉ​ന്തു​വ​ണ്ടി അ​ടു​ത്തെ​ത്തി​യാ​ല്‍ ഇ​വ​യെ​ല്ലാം പ​രീ​തി​ന്‍റെ വ​ട്ടം​കൂ​ടും. ചി​ല​തൊ​ക്കെ തോ​ളി​ലും കൈ​യി​ലും ത​ല​യി​ലു​മൊ​ക്കെ ക​യ​റി​യി​രി​ക്കും. പ​രീ​ത് ക​രു​തി​ക്കൊ​ണ്ടു​വ​ന്ന അ​രി കെ​ട്ട​ഴി​ച്ച്​ റോ​ഡി​ൽ വി​ത​റും. പ്ര​വു​ക​ൾ ഇ​വ​യെ​ല്ലാം കൊ​ത്തി​ത്തി​ന്ന് പ​രീ​തി​ന്‍റെ ചു​റ്റും ഒ​ന്നു​കൂ​ടി വ​ലം​വെ​ച്ച് കൂ​ടു​ക​ളി​ലേ​ക്ക്​ പോ​കും.

വൈ​കീ​ട്ട്​ ടൗ​ണി​ൽ ത​ന്നെ കു​റ​ച്ച​ക​ലെ​യാ​ണ് പ​രീ​തു​ണ്ടാ​വു​ക. അ​വി​ടെ​യും എ​ത്തും ഇ​വ​യെ​ല്ലാം. നാ​ലു​മ​ണി​യാ​കു​മ്പോ​ള്‍ ഇ​വി​ടെ​യും ഇ​വ​യ​ക്ക്​ അ​രി​ന​ല്‍കും.ചി​ല​തി​ന്​ ക​ട​ല നി​ർ​ബ​ന്ധ​മാ​ണ്. അ​വ​ക്ക്​ അ​തും ന​ല്‍കും. റേ​ഷ​ന​രി​യാ​ണ് പ്ര​വു​ക​ള്‍ക്ക്​ ന​ല്‍കു​ന്ന​ത്. ആ​വ​ശ്യ​ത്തി​നു​ള്ള അ​രി പ്രാ​വു​ക​ൾ​ക്കാ​യി വാ​ങ്ങി​സൂ​ക്ഷി​ക്കും. ഭാ​ര്യ സു​ബൈ​ദ എ​ല്ലാ ദി​വ​സ​വും പ​രീ​ത് ഇ​റ​ങ്ങു​മ്പോ​ൾ മ​റ​ക്കാ​തെ അ​രി​കൊ​ടു​ത്തു​വി​ടും.