രാസവസ്തു ചേര്‍ത്ത മത്സ്യവില്‍പന തകൃതി; കണ്ടില്ലെന്ന് നടിച്ച്​ അധികൃതര്‍

അ​ടി​മാ​ലി: ഭ​ക്ഷ്യ​സു​ര​ക്ഷ വ​കു​പ്പും പൊ​തു​ജ​നാ​രോ​ഗ്യ വി​ഭാ​ഗ​വും നോ​ക്കു​കു​ത്തി​യാ​യി മാ​റി​യ​തോ​ടെ രാ​സ​വ​സ്തു​ക്ക​ള്‍ ക​ല​ര്‍ന്ന മ​ത്സ്യം ജി​ല്ല​യി​ല്‍ വ്യാ​പ​ക​മാ​യി എ​ത്തു​ന്നു. ഫോ​ര്‍മാ​ലി​ന്‍ ഉ​ള്‍പ്പെ​ടെ ഗു​രു​ത​ര ആ​രോ​ഗ്യ പ്ര​ശ്‌​ന​ങ്ങ​ള്‍ ഉ​ണ്ടാ​ക്കു​ന്ന മാ​ര​ക രാ​സ​വ​സ്തു​ക്ക​ള്‍ ചേ​ര്‍ത്താ​ണ് മ​ത്സ്യം എ​ത്തി​ക്കു​ന്ന​ത്. ജി​ല്ല​യി​ല്‍ മ​ത്സ്യ ഉ​ൽ​പാ​ദ​നം തീ​രെ കു​റ​വാ​ണ്. ഇ​റ​ക്കു​മ​തി മ​ത്സ്യ​ത്തെ ആ​ശ്ര​യി​ച്ചാ​ണ് ക​ഴി​യു​ന്ന​ത്. മ​റ​യൂ​ര്‍, കാ​ന്ത​ല്ലൂ​ര്‍, മൂ​ന്നാ​ര്‍, വ​ട്ട​വ​ട, ചി​ന്ന​ക്ക​നാ​ല്‍, ശാ​ന്ത​ന്‍പാ​റ, ബൈ​സ​ണ്‍വാ​ലി, പ​ള്ളി​വാ​സ​ല്‍, മാ​ങ്കു​ളം, അ​ടി​മാ​ലി, വെ​ള്ള​ത്തൂ​വ​ല്‍, രാ​ജാ​ക്കാ​ട്, കൊ​ന്ന​ത്ത​ടി തു​ട​ങ്ങി ജി​ല്ല​യി​ലെ ഭൂ​രി​ഭാ​ഗം പ​ഞ്ചാ​യ​ത്തു​ക​ളി​ലും മോ​ശം മ​ത്സ്യ​മാ​ണ് വി​പ​ണി​യി​ല്‍ എ​ത്തു​ന്ന​ത്.

ഇ​ത​ര സം​സ്ഥാ​ന​ങ്ങ​ളി​ല്‍നി​ന്നാ​ണ് ഇ​വ കൂ​ടു​ത​ലാ​യി എ​ത്തു​ന്ന​ത്. വി​ല കൂ​ടി​യ മ​ത്സ്യ​ങ്ങ​ളി​ലാ​ണ്​ കൂ​ടു​ത​ലും മാ​യം ചേ​ര്‍ക്കു​ന്ന​ത്. മ​ത്സ്യം കേ​ടു​കൂ​ടാ​തി​രി​ക്കു​ന്ന​തി​നാ​ണ് ഇ​ത്. ഗു​രു​ത​ര​മാ​യ ആ​രോ​ഗ്യ പ്ര​ശ്‌​നം സൃ​ഷ്ടി​ക്കു​ന്ന​താ​ണ് രാ​സ​വ​സ്തു​ക്ക​ള്‍. കേ​ടാ​യ മ​ത്സ്യ​ങ്ങ​ളു​ടെ വി​ല്‍പ​ന​യും വ്യാ​പ​ക​മാ​ണ്. ഐ​സ് ഉ​പ​യോ​ഗി​ച്ചു മ​ത്സ്യം സൂ​ക്ഷി​ക്കാ​ൻ കൂ​ടു​ത​ല്‍ ചെ​ല​വ് വ​രു​മെ​ന്ന​തി​നാ​ല്‍ ഇ​തി​ന്​ വ്യാ​പാ​രി​ക​ള്‍ ഒ​രു​ക്ക​മ​ല്ല. രാ​സ​വ​സ്തു​ക്ക​ള്‍ ഉ​ള്ള മ​ത്സ്യം ക​ണ്ടെ​ത്താ​ന്‍ സെ​ന്‍ട്ര​ല്‍ ഇ​ന്‍സ്റ്റി​റ്റ്യൂ​ട്ട് ഓ​ഫ് ഫി​ഷ​റീ​സ് ടെ​ക്‌​നോ​ള​ജി വി​ക​സി​പ്പി​ച്ചെ​ടു​ത്ത സ്ട്രി​പ് ഉ​പ​യോ​ഗി​ക്കാം. പ​രി​ശോ​ധ​ന​രീ​തി സ്ട്രീ​പ്പി​നോ​ടൊ​പ്പ​മു​ള്ള നോ​ട്ടീ​സി​ല്‍ ഉ​ള്‍പ്പെ​ടു​ത്തി​യി​ട്ടു​ണ്ട്. സ്ട്രി​പ്പി​ന്റെ സാ​ങ്കേ​തി​ക​വി​ദ്യ ല​ഭി​ച്ച ചി​ല സ്വ​കാ​ര്യ സ്ഥാ​പ​ന​ങ്ങ​ളും ഇ​തു നി​ര്‍മി​ച്ചു വി​പ​ണി​യി​ല്‍ എ​ത്തി​ക്കു​ന്നു​ണ്ട്. ആ​രോ​ഗ്യ വ​കു​പ്പാ​ക​ട്ടെ ഇ​ത്ത​രം മ​ത്സ്യ​ങ്ങ​ള്‍ ക​ണ്ടെ​ത്തി ന​ട​പ​ടി സ്വീ​ക​രി​ക്കു​ന്നു​മി​ല്ല.

നേ​ര​ത്തെ ഇ​ത്ത​രം പ​രി​ശോ​ധ​ന​ക​ള്‍ ജി​ല്ല​യി​ല്‍ ന​ട​ന്നി​രു​ന്നു. അ​പ്പോ​ള്‍ രാ​സ​വ​സ്തു ക​ല​ര്‍ന്ന മ​ത്സ്യം വി​പ​ണി​യി​ല്‍ എ​ത്തി​യി​രു​ന്നു​മി​ല്ല. ആ​രോ​ഗ്യ വ​കു​പ്പും ഭ​ക്ഷ്യ​സു​ര​ക്ഷ വ​കു​പ്പും ഇ​ത്ത​രം പ​രി​ശോ​ധ​ന​ക്ക് പോ​ലും ത​യാ​റാ​കു​ന്നി​ല്ല. പൊ​തു​ജ​നാ​രോ​ഗ്യം ക​ണ​ക്കി​ലെ​ടു​ത്ത് ഉ​ദ്യോ​ഗ​സ്ഥ​ര്‍ പ്ര​വ​ര്‍ത്തി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.