അതിദാരിദ്ര്യ നിർമാർജനം: ഇടുക്കി പിന്നിൽ

തൊ​ടു​പു​ഴ: അ​തി​ദാ​രി​ദ്ര്യ നി​ർ​മാ​ർ​ജ​ന പ്ര​വ​ർ​ത്ത​ന​ത്തി​ൽ ജി​ല്ല പി​ന്നി​ൽ. ജ​നു​വ​രി 15 വ​രെ​യു​ള്ള ക​ണ​ക്ക് പ്ര​കാ​രം ജി​ല്ല​യി​ൽ ക​ണ്ടെ​ത്തി​യ 2665 അ​തി​ദ​രി​ദ്ര​രി​ൽ 1536 പേ​രെ മാ​ത്ര​മാ​ണ് മോ​ചി​പ്പി​ക്കാ​ൻ സാ​ധി​ച്ച​ത്. സം​സ്ഥാ​ന​ത്തെ ഏ​റ്റ​വും മോ​ശം പ്ര​വ​ർ‌​ത്ത​ന​മാ​ണ് ഇ​ടു​ക്കി​യു​ടേ​ത്. 57.64 ശ​ത​മാ​നം എ​ന്നാ​ണ് ക​ണ​ക്ക്. 4208 അ​തി​ദ​രി​ദ്ര​രി​ൽ 3500 പേ​രെ മു​ക്ത​രാ​ക്കി 83.17 ശ​ത​മാ​നം പ​ദ്ധ​തി പൂ​ർ​ത്തി​യാ​ക്കി​യ ക​ണ്ണൂ​രാ​ണ് സം​സ്ഥാ​ന​ത്ത് ഒ​ന്നാ​മ​ത്. ജി​ല്ല​യി​ലെ ഭൂ​പ്ര​ശ്ന​ങ്ങ​ളാ​ണ് പ്ര​വ​ർ​ത്ത​ന​ത്തി​ന് ത​ട​സ്സ​മാ​യി നി​ൽ​ക്കു​ന്ന​തെ​ന്ന് ത​ദ്ദേ​ശ​വ​കു​പ്പ് അ​ധി​കൃ​ത​ർ പ​റ​ഞ്ഞു.

ഭ​ക്ഷ​ണം, ആ​രോ​ഗ്യം, വാ​സ​സ്ഥ​ലം, വ​രു​മാ​നം എ​ന്നി​വ​യി​ലാ​ണ് ദാ​രി​ദ്ര്യ​നി​ർ​മാ​ർ​ജ​ന പ്ര​വ​ർ​ത്ത​നം ല​ക്ഷ്യം. ഇ​തി​ൽ വാ​സ​സ്ഥ​ല​മൊ​രു​ക്കു​ന്ന​തി​ലാ​ണ് ജി​ല്ല ഏ​റ്റ​വും പി​ന്നി​ൽ നി​ൽ​ക്കു​ന്ന​ത്. സീ​റോ ലാ​ൻ​ഡി​ൽ ഉ​ൾ​പ്പെ​ട്ട​വ​ർ​ക്ക് സ്ഥ​ലം ക​ണ്ടെ​ത്തി ന​ൽ​കാ​ത്ത​ത്, പ​ട്ട​യ​ന​ട​പ​ടി​ക​ൾ പൂ​ർ​ത്തി​യാ​ക്കാ​ത്ത​ത്, നി​ർ​മാ​ണ നി​രോ​ധ​നം എ​ന്നി​വ​യാ​ണ് ഭൂ​പ്ര​ശ്ന​ത്തി​ൽ ചൂ​ണ്ടി​ക്കാ​ട്ടു​ന്ന​വ. ജി​ല്ല​യി​ൽ അ​തി​ദ​രി​ദ്ര​രു​ടെ പ​ട്ടി​ക​യി​ൽ ഉ​ൾ​പ്പെ​ടാ​തെ നി​ൽ​ക്കു​ന്ന​വ​ർ ഇ​നി​യു​മു​ണ്ടെ​ന്ന ആ​ക്ഷേ​പ​വു​മു​ണ്ട്. അ​ടി​സ്ഥാ​ന രേ​ഖ​ക​ളി​ല്ലാ​ത്ത​വ​ർ​ക്ക് രേ​ഖ​ക​ൾ ല​ഭ്യ​മാ​ക്കു​ന്ന​ത്, കു​ടും​ബ​ശ്രീ പ​ദ്ധ​തി വ​ഴി സ്വ​യം​തൊ​ഴി​ൽ ന​ൽ​കു​ന്ന​ത് തു​ട​ങ്ങി​യ പ്ര​വ​ർ​ത്ത​ന​ങ്ങ​ളാ​ണ് പ​ദ്ധ​തി​യു​ടെ ഭാ​ഗ​മാ​യി ജി​ല്ല​യി​ൽ പ്ര​ധാ​ന​മാ​യും ന​ട​ന്ന​ത്.

അ​തി​ദാ​രി​ദ്ര്യ നി​ർ​മാ​ർ​ജ​ന​വു​മാ​യി ബ​ന്ധ​പ്പെ​ട്ട റ​വ​ന്യു പ്ര​ശ്ന​ങ്ങ​ൾ പ​രി​ഹ​രി​ക്കാ​ൻ ജി​ല്ല ക​ല​ക്ട​റു​ടെ​യും പ​ഞ്ചാ​യ​ത്ത് ജോ​യ​ന്റ് ഡ​യ​റ​ക്ട​റു​ടെ​യും നേ​തൃ​ത്വ​ത്തി​ൽ യോ​ഗം കൂ​ടി​യി​രു​ന്നു. പ്ര​വ​ർ​ത്ത​ന​ങ്ങ​ൾ കൂ​ടു​ത​ൽ ഏ​കോ​പി​പ്പി​ക്കാ​ൻ മ​ന്ത്രി നി​ർ​ദേ​ശം ന​ൽ​കു​ക​യും ചെ​യ്​​തി​രു​ന്നു.