Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightIdukkichevron_rightതദ്ദേശ ഭരണസ്ഥാപനങ്ങളിൽ ...

തദ്ദേശ ഭരണസ്ഥാപനങ്ങളിൽ സത്യപ്രതിജ്​ഞ തിങ്കളാഴ്ച

text_fields
bookmark_border
തദ്ദേശ ഭരണസ്ഥാപനങ്ങളിൽ സത്യപ്രതിജ്​ഞ തിങ്കളാഴ്ച
cancel
camera_alt

കരിമണ്ണൂരിൽ വിജയിച്ച യു.ഡി.എഫ്​ സ്​ഥാനാർഥികളെ വാഹനത്തിൽ കയറ്റി ആഹ്ലാദം പ്രകടിപ്പിക്കുന്നു

തൊടുപുഴ: ജില്ലയിൽ തെരഞ്ഞെടുപ്പ് പ്രക്രിയ സമാധാനപരമായി പൂർത്തിയാക്കാൻ സഹകരിച്ച എല്ലാവർക്കും ജില്ല തെരഞ്ഞെടുപ്പ് ഓഫിസർ ജില്ല കലക്ടർ എച്ച്. ദിനേശൻ നന്ദി അറിയിച്ചു. വൈകീട്ട്​ 3.30ഒാടെ ജില്ലയിലെ വോട്ടെണ്ണൽ നടപടി പൂർത്തിയാക്കി ജില്ല പഞ്ചായത്തിലേക്ക്​ വിജയിച്ചവരെ പ്രഖ്യാപിച്ചു. സംസ്ഥാനത്ത് ഇടുക്കിയിലാണ് ആദ്യ വിജയപ്രഖ്യാപനം ഉണ്ടായത്.

വിജയികൾക്കുള്ള സർട്ടിഫിക്കറ്റും വിതരണം ചെയ്തു. ജില്ല പഞ്ചായത്ത് അംഗങ്ങളുടെ സത്യപ്രതിജ്ഞ 21ന്​ രാവിലെ 10ന്​ ജില്ല പഞ്ചായത്ത് ഹാളിൽ നടക്കും. ഗ്രാമ, ബ്ലോക്ക് പഞ്ചായത്തുകളിലും ഇതേസമയം സത്യപ്രതിജ്ഞ തദ്ദേശസ്ഥാപനങ്ങളിൽ നടത്തും. മുനിസിപ്പൽ-കോർപറേഷനുകളിലെ സത്യപ്രതിജ്ഞ തദ്ദേശ സ്ഥാപനങ്ങളിൽ അന്ന്് 11.30നും നടത്തും. തെരഞ്ഞെടുക്കപ്പെട്ട മുതിർന്ന അംഗത്തിന് വരണാധികാരി സത്യവാചകം ചൊല്ലിക്കൊടുക്കും. മറ്റ് അംഗങ്ങളെ ആദ്യം സത്യപ്രതിജ്ഞ ചെയ്​ത അംഗം സത്യപ്രതിജ്ഞയോ ദൃഢപ്രതിജ്ഞയോ ചെയ്യിക്കും.

സത്യപ്രതിജ്ഞാ ചടങ്ങ്​ കഴിഞ്ഞാൽ ഉടൻ തെരഞ്ഞെടുക്കപ്പെട്ട എല്ലാ അംഗങ്ങളു​െടയും ആദ്യയോഗം ആദ്യം പ്രതിജ്ഞ ചെയ്്ത അംഗത്തിെൻറ അധ്യക്ഷതയിൽ ചേരും. യോഗത്തിൽ പ്രസിഡൻറ്​/ചെയർപേഴ്സൻ, വൈസ്​ പ്രസിഡൻറ് ​/ഡെപ്യൂട്ടി ചെയർപേഴ്സൻ എന്നീ സ്ഥാനങ്ങളിലേക്കുള്ള തെരഞ്ഞെടുപ്പ്​ വരണാധികാരികൾ നടത്തും.

Show Full Article
TAGS:election winners Oath taking ceremony panchayat election 2020 
News Summary - election winners' oath taking will be on monday
Next Story