വാഗമണ്ണിലെ കുടിവെള്ളക്ഷാമം: പഞ്ചായത്തിന്​ അനാസ്ഥയെന്ന് മനുഷ്യാവകാശ കമീഷൻ

തൊ​ടു​പു​ഴ: വാ​ഗ​മ​ൺ പ്ര​ദേ​ശ​ത്ത് രൂ​ക്ഷ​മാ​യ കു​ടി​വെ​ള്ള​ക്ഷാ​മം അ​നു​ഭ​വ​പ്പെ​ടു​മ്പോ​ൾ പ്ര​ശ്ന​ത്തെ ഏലപ്പാറ പ​ഞ്ചാ​യ​ത്ത് കൈ​കാ​ര്യം ചെ​യ്യു​ന്ന​ത് ലാ​ഘ​വ​ത്തോ​ടെ​യാ​ണെ​ന്ന് സം​സ്ഥാ​ന മ​നു​ഷ്യാ​വ​കാ​ശ ക​മീ​ഷ​ൻ അ​ധ്യ​ക്ഷ​ൻ ജ​സ്റ്റി​സ് ആ​ന്‍റ​ണി ഡൊ​മി​നി​ക്. പ​ഞ്ചാ​യ​ത്ത്​ കു​ള​ത്തി​ൽ​നി​ന്ന്​ വെ​ള്ളം പ​മ്പ് ചെ​യ്യാ​മാ​യി​രു​ന്നി​ട്ടും പ​മ്പ് കേ​ടാ​ണെ​ന്ന് പ​റ​യു​ന്ന​ത് ബാ​ലി​ശ​മാ​ണെ​ന്നും ക​മീ​ഷ​ൻ വി​മ​ർ​ശി​ച്ചു. വാ​ഗ​മ​ണ്ണി​ലെ കു​ടി​വെ​ള്ള ക്ഷാ​മ​ത്തി​നെ​തി​രെ സ​മ​ർ​പ്പി​ച്ച പ​രാ​തി​യി​ലാ​ണ് ന​ട​പ​ടി.

അ​ഞ്ചു​രു​ളി കു​ടി​വെ​ള്ള പ​ദ്ധ​തി ന​ട​പ്പാ​കു​ന്ന​തോ​ടെ കു​ടി​വെ​ള്ള​ക്ഷാ​മം പ​രി​ഹ​രി​ക്കു​മെ​ന്ന് ജ​ല അ​തോ​റി​റ്റി പ​റ​യു​ന്നു​ണ്ടെ​ങ്കി​ലും അ​തി​ന് എ​ത്ര​നാ​ൾ കാ​ത്തി​രി​ക്കേ​ണ്ടി വ​രു​മെ​ന്ന് അ​റി​യി​ല്ല. പൊ​തു​ജ​ന​ങ്ങ​ൾ വെ​ള്ള​മി​ല്ലാ​തെ വി​ഷ​മി​ച്ചാ​ൽ അ​ത് മ​നു​ഷ്യാ​വ​കാ​ശ ലം​ഘ​ന​ത്തി​ന് കാ​ര​ണ​മാ​കു​മെ​ന്നും ഉ​ത്ത​ര​വി​ൽ പ​റ​യു​ന്നു. അ​ഞ്ചു​രു​ളി കു​ടി​വെ​ള്ള പ​ദ്ധ​തി എ​ത്ര​യും വേ​ഗം ന​ട​പ്പാ​ക്ക​ണം. അ​തി​നു​ണ്ടാ​കു​ന്ന കാ​ല​താ​മ​സം ക​ണ​ക്കി​ലെ​ടു​ത്ത് കേ​ടാ​യ മോ​ട്ടോ​ർ ന​ന്നാ​ക്കി കു​ടി​വെ​ള്ള വി​ത​ര​ണം സു​ഗ​മ​മാ​ക്ക​ണം. ജി​ല്ല ക​ല​ക്ട​ർ, ജ​ല അ​തോ​റി​റ്റി മാ​നേ​ജി​ങ്​ ഡ​യ​റ​ക്ട​ർ, ഏ​ല​പ്പാ​റ ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി എ​ന്നി​വ​ർ​ക്കാ​ണ് ഉ​ത്ത​ര​വ് ന​ൽ​കി​യ​ത്.

ജ​ല​ജീ​വ​ൻ മി​ഷ​ൻ പ​ദ്ധ​തി​യി​ൽ​പ്പെ​ടു​ത്തി 317 കോ​ടി​ക്ക് പു​തി​യ പ​ദ്ധ​തി ന​ട​പ്പാ​ക്കു​മെ​ന്ന് ജ​ല അ​തോ​റി​റ്റി ചീ​ഫ് എ​ൻ​ജി​നീ​യ​ർ ക​മീ​ഷ​നെ അ​റി​യി​ച്ചു. നെ​ടു​ങ്ക​ണ്ടം, പാ​മ്പാ​ടും​പാ​റ, ഉ​പ്പു​ത​റ, ഏ​ല​പ്പാ​റ, അ​റ​ക്കു​ളം പ​ഞ്ചാ​യ​ത്തു​ക​ൾ​ക്കു​വേ​ണ്ടി​യു​ള്ള പ​ദ്ധ​തി​യാ​ണ് ഇ​ത്. വാ​ഗ​മ​ണ്ണി​ൽ ജ​ല അ​തോ​റി​റ്റി​ക്കും പ​ഞ്ചാ​യ​ത്തി​നും സ്വ​കാ​ര്യ വ്യ​ക്തി​ക്കും കു​ള​ങ്ങ​ളു​ണ്ട്. ജ​ല അ​തോ​റി​റ്റി​യു​ടെ കു​ള​ത്തി​ൽ വെ​ള്ള​മി​ല്ല. പ​ഞ്ചാ​യ​ത്ത് കു​ള​ത്തി​ലെ പ​മ്പ് കേ​ടാ​ണ്. സ്വ​കാ​ര്യ​വ്യ​ക്തി​യു​ടെ കു​ള​ത്തി​ൽ​നി​ന്നാ​ണ് ഇ​പ്പോ​ൾ വെ​ള്ളം എ​ടു​ക്കു​ന്ന​ത്.

2023 - 24 വാ​ർ​ഷി​ക പ​ദ്ധ​തി​യി​ൽ മോ​ട്ടോ​ർ ന​ന്നാ​ക്കി കു​ടി​വെ​ള്ള വി​ത​ര​ണം സു​ഗ​മ​മാ​ക്കു​മെ​ന്ന് പ​ഞ്ചാ​യ​ത്ത് ക​മീ​ഷ​നെ അ​റി​യി​ച്ചു. പ​ഞ്ചാ​യ​ത്ത് ഇ​ത്ത​രം വാ​ദ​ങ്ങ​ൾ നി​ര​ത്തു​ന്ന​ത് ഖേ​ദ​ക​ര​മാ​ണെ​ന്ന് ക​മീ​ഷ​ൻ ഉ​ത്ത​ര​വി​ൽ പ​റ​ഞ്ഞു. 2023 - 24 വ​ർ​ഷം അ​ഞ്ചു​രു​ളി കു​ടി​വെ​ള്ള പ​ദ്ധ​തി പൂ​ർ​ത്തി​യാ​ക്കു​മെ​ന്നും റി​പ്പോ​ർ​ട്ടി​ൽ പ​റ​യു​ന്നു. മ​നു​ഷ്യാ​വ​കാ​ശ പ്ര​വ​ർ​ത്ത​ക​ൻ ഡോ. ​ഗി​ന്ന​സ് മാ​ട​സാ​മി സ​മ​ർ​പ്പി​ച്ച പ​രാ​തി​യി​ലാ​ണ് ന​ട​പ​ടി.