വാത്തിക്കുടിയിലെ ഡിജിറ്റൽ സർവേ; ആശങ്കയിൽ കർഷകർ

ചെ​റു​തോ​ണി: ഡി​ജി​റ്റ​ൽ സ​ർ​വേ പൂ​ർ​ത്തി​യാ​കു​ന്ന​തോ​ടെ വാ​ത്തി​ക്കു​ടി പ​ഞ്ചാ​യ​ത്തി​ലെ ആ​യി​ര​ക്ക​ണ​ക്കി​നു ക​ർ​ഷ​ക​രു​ടെ ഭൂ​മി സ​ർ​ക്കാ​ർ ഭൂ​മി​യാ​കു​മെ​ന്ന ആ​ശ​ങ്ക​യി​ൽ ക​ർ​ഷ​ക​ർ. സം​സ്ഥാ​ന​ത്തെ ഭൂ​രേ​ഖ​ക​ൾ ഡി​ജി​റ്റ​ലൈ​സ് ചെ​യ്യു​ന്ന​തി​ന്‍റെ ഭാ​ഗ​മാ​യു​ള്ള സ​ർ​വേ​യാ​ണ്​ വാ​ത്തി​ക്കു​ടി വി​ല്ലേ​ജി​ൽ ഇ​പ്പോ​ൾ ന​ട​ക്കു​ന്ന​ത്. പ​ട്ട​യ​മി​ല്ലാ​ത്ത ഭൂ​മി​യു​ടെ അ​ള​വോ കൈ​വ​ശ​ക്കാ​ര​ന്‍റെ പേ​രോ രേ​ഖ​പ്പെ​ടു​ത്താ​തെ സ​ർ​വേ ന​ട​ത്തു​ന്ന​തി​ലാ​ണ് ക​ർ​ഷ​ക​ർ​ക്ക് ആ​ശ​ങ്ക.

ക​ല​ക്ട​റേ​റ്റി​ൽ മ​ന്ത്രി റോ​ഷി അ​ഗ​സ്റ്റി​ന്‍റെ അ​ധ്യ​ക്ഷ​ത​യി​ൽ ചേ​ർ​ന്ന യോ​ഗ​ത്തി​ൽ പ​ട്ട​യ​മി​ല്ലാ​ത്ത വ​സ്തു​വി​ന്‍റെ അ​ള​വും കൈ​വ​ശ​ക്കാ​ര​ന്‍റെ വി​വ​ര​ങ്ങ​ളും കൃ​ത്യ​മാ​യി രേ​ഖ​പ്പെ​ടു​ത്തു​മെ​ന്ന്​ ക​ർ​ഷ​ക​ർ​ക്ക് ഉ​റ​പ്പു​ന​ൽ​കി​യി​രു​ന്നു. എ​ന്നാ​ൽ, ക​ഴി​ഞ്ഞ നാ​ലി​ലെ സ​ർ​വേ ഭൂ​രേ​ഖ വ​കു​പ്പി​ന്‍റെ ഉ​ത്ത​ര​വു പ്ര​കാ​രം പ​ട്ട​യ​മി​ല്ലാ​ത്ത ഭൂ​മി​യെ സം​ബ​ന്ധി​ച്ച വി​വ​ര​ങ്ങ​ൾ പ്ര​ത്യേ​കം കൈ​വ​ശ കോ​ള​ത്തി​ലോ റി​മാ​ർ​ക്സി​ലോ രേ​ഖ​പ്പെ​ടു​ത്താ​നാ​കി​ല്ല.

ഇ​താ​ണ് ജ​ന​ങ്ങ​ളു​ടെ ആ​ശ​ങ്ക​ക്ക്​ കാ​ര​ണം. ഇ​തി​നി​ടെ കു​ടി​യി​റ​ങ്ങേ​ണ്ടി വ​രു​മെ​ന്ന ആ​ശ​ങ്ക​യെ തു​ട​ർ​ന്ന് ബു​ധ​നാ​ഴ്ച​യെ​ത്തി​യ സ​ർ​വേ ഉ​ദ്യോ​ഗ​സ്ഥ​രെ ക​ർ​ഷ​ക​ർ ത​ട​ഞ്ഞു. വാ​ത്തി​ക്കു​ടി പ​ട്ട​യാ​വ​കാ​ശ സ​മി​തി​യു​ടെ നേ​തൃ​ത്വ​ത്തി​ലാ​ണ് ഉ​ദ്യോ​ഗ​സ്ഥ​രെ ത​ട​ഞ്ഞ​ത്. പ​ട്ട​യ​മി​ല്ലാ​ത്ത ഭൂ​മി​യു​ടെ അ​ള​വോ കൈ​വ​ശ​ക്കാ​ര​ന്റെ പേ​രോ രേ​ഖ​പ്പെ​ടു​ത്താ​തെ സ​ർ​വേ ന​ട​ത്തു​ന്ന​തി​നെ ജ​ന​ങ്ങ​ൾ എ​തി​ർ​ത്തു. തു​ട​ർ​ന്ന് ക​ല​ക്ട​റും സ​ർ​വേ ഡ​യ​റ​ക്ട​റും ഇ​ട​പെ​ട്ടു. അ​വ​രു​ടെ നി​ർ​ദേ​ശ​ത്തെ​ത്തു​ട​ർ​ന്ന് ഭൂ​മി അ​ള​ന്ന് ഉ​ട​മ​സ്ഥ​രു​ടെ പേ​ര് വി​വ​ര​ങ്ങ​ൾ ഉ​ദ്യോ​ഗ​സ്ഥ​ർ ശേ​ഖ​രി​ക്കു​ക​യും ചെ​യ്തു.

പ​ട്ട​യ​മി​ല്ലാ​ത്ത ഭൂ​മി​യു​ടെ അ​ള​വും ഉ​ട​മ​യു​ടെ വി​വ​ര​ങ്ങ​ളും കൃ​ത്യ​മാ​യി സ​ർ​വേ​യി​ൽ രേ​ഖ​പ്പെ​ടു​ത്തു​മെ​ന്ന് മ​ന്ത്രി പ്ര​ഖ്യാ​പി​ച്ചി​രു​ന്നെ​ങ്കി​ലും പാ​ലി​ക്കാ​തെ വ​ന്ന​താ​ണ്​ ത​ട​യാ​ൻ കാ​ര​ണ​മാ​യി ക​ർ​ഷ​ക​ർ പ​റ​യു​ന്ന​ത്. പ​ട്ട​യ​മോ കൈ​വ​ശ​രേ​ഖ​യൊ ഇ​ല്ലാ​ത്ത ഭൂ​മി​യെ സം​ബ​ന്ധി​ച്ച വി​വ​ര​ങ്ങ​ൾ പ്ര​ത്യേ​കം കൈ​വ​ശ കോ​ള​ത്തി​ലോ റി​മാ​ർ​ക്സി​ലോ -രേ​ഖ​പ്പെ​ടു​ത്തേ​ണ്ട​തി​ല്ലെ​ന്നാ​ണ്​ സ​ർ​വേ ഡെ​പ്യൂ​ട്ടി ഡ​യ​റ​ക്ട​ർ​ക്ക് ല​ഭി​ച്ചി​രി​ക്കു​ന്ന നി​ർ​ദേ​ശം. ആ​ശ​ങ്കാ​ജ​ന​ക​മാ​യ ഉ​ത്ത​ര​വാ​ണി​തെ​ന്നും പ​ട്ട​യ​മി​ല്ലാ​ത്ത ആ​യി​ര​ക്ക​ണ​ക്കി​ന് ക​ർ​ഷ​ക​ർ അ​ധി​വ​സി​ക്കു​ന്ന കൃ​ഷി​ഭൂ​മി സ​ർ​ക്കാ​ർ ഭൂ​മി എ​ന്ന് രേ​ഖ​പ്പെ​ടു​ത്തു​ന്ന​തോ​ടെ അ​ര​നൂ​റ്റാ​ണ്ടി​ലേ​റെ​യാ​യി ത​ങ്ങ​ൾ അ​ധി​വ​സി​ക്കു​ന്ന ഭൂ​മി​യി​ൽ​നി​ന്നും കു​ടി​യി​റ​ങ്ങേ​ണ്ടി​വ​രു​മെ​ന്ന ഭീ​തി​യും ക​ർ​ഷ​ക​ർ പ​ങ്കു​വെ​ക്കു​ന്നു.