പാട്ടുകാരൻ മറഞ്ഞു; നെഞ്ചു​പൊട്ടി കൂട്ടുകാർ

ഇ​ടു​ക്കി: പാ​ട്ടു​കാ​ര​നാ​യ സു​ഹൃ​ത്തി​ന്‍റെ വേ​ർ​പാ​ടി​ൽ നെ​ഞ്ചു​പൊ​ട്ടി ഇ​ടു​ക്കി മെ​ഡി​ക്ക​ൽ കോ​ള​ജി​ന്‍റെ വ​രാ​ന്ത​ക​ളി​ലും പ​രി​സ​ര​ങ്ങ​ളി​ലു​മാ​യി കൂ​ട്ടു​കാ​ർ രാ​ത്രി ഏ​റെ വൈ​കി​യും നി​ൽ​പു​ണ്ടാ​യി​രു​ന്നു. ധീ​ര​ജി​ന്‍റെ മ​ര​ണം ഉ​ൾ​ക്കൊ​ള്ളാ​നാ​കാ​ത്ത മാ​ന​സി​കാ​വ​സ്ഥ​യി​ലാ​യി​രു​ന്നു അവർ.

അ​ത്ര​മാ​ത്രം സൗ​മ്യ​നും ശാ​ന്ത​സ്വ​ഭാ​വ​ക്കാ​ര​നു​മാ​യി​രു​ന്നു ധീ​ര​ജെ​ന്ന്​ സ​ഹ​പാ​ഠി​യും കോ​ഴി​ക്കോ​ട് സ്വ​ദേ​ശി​യു​മാ​യ സാ​ജി​ദ് പ​റ​ഞ്ഞു. ക്ലാ​സി​ലെ പ്ര​ധാ​ന പാ​ട്ടു​കാ​രി​ൽ ഒ​രാ​ളാ​യ​തി​നാ​ൽ കോ​ള​ജി​ലെ എ​ല്ലാ പ​രി​പാ​ടി​ക​ളി​ലും ധീ​ര​ജി​ന്‍റെ പാ​ട്ടു​ണ്ടാ​കു​മാ​യി​രു​ന്നു. ഹോ​സ്റ്റ​ലി​ലും നാ​ട​ൻ​പാ​ട്ടു​മാ​യി സു​ഹൃ​ത്തു​ക്ക​ളെ സ​ന്തോ​ഷി​പ്പി​ക്കു​മാ​യി​രു​ന്നു.

ജ​നു​വ​രി മൂ​ന്നി​നാ​ണ് എ​ല്ലാ​വ​രും കോ​ള​ജി​ലെ​ത്തി​യ​ത്. എ​ല്ലാ​വ​രോ​ടും സ്നേ​ഹ​ത്തോ​ടെ മാ​ത്ര​മേ ധീ​ര​ജ് പെ​രു​മാ​റി​യി​ട്ടു​ള്ളൂ. ചി​രി​ച്ചു​ക​ളി​ച്ചാ​ണ് തി​ങ്ക​ളാ​ഴ്ച​യും ഹോ​സ്റ്റ​ലി​ൽ​നി​ന്ന് കോ​ള​ജി​ലേ​ക്ക് വ​ന്ന​ത്. അ​വ​ൻ ഇ​നി ഒ​പ്പ​മി​ല്ല​ല്ലോ എ​ന്ന​ത് വി​ശ്വ​സി​ക്കാ​ൻ ക​ഴി​യു​ന്നി​ല്ലെ​ന്നും സാ​ജി​ദ് പ​റ​ഞ്ഞു.

ക്ലാ​സി​ലെ മി​ടു​ക്ക​നാ​യ വി​ദ്യാ​ർ​ഥി ത​ന്നെ​യാ​യി​രു​ന്നു ധീ​ര​ജെ​ന്ന്​ അ​ധ്യാ​പ​ക​നാ​യ ജി​നേ​ഷും കൂ​ട്ടി​ച്ചേ​ർ​ക്കു​ന്നു. സ​മാ​ധാ​ന​പ​ര​മാ​യ അ​ന്ത​രീ​ക്ഷ​ത്തി​ല്‍ ന​ട​ന്ന പോ​ളി​ങ്ങി​നു​ശേ​ഷം ഉ​ച്ച​ക്ക്​ ര​ണ്ടി​ന് എ​ല്ലാ​വ​രും ആ​കാം​ക്ഷ​യോ​ടെ വോ​ട്ടെ​ണ്ണ​ല്‍ ഫ​ലം കാ​ത്തി​രി​ക്കു​ന്ന​തി​നി​ടെ​യാ​ണ് ദു​ര​ന്ത​വാ​ര്‍ത്ത​യെ​ത്തി​യ​ത്. ഇ​തോ​ടെ കോ​ള​ജും പ​രി​സ​ര​വും സം​ഘ​ര്‍ഷ​ഭ​രി​ത​മാ​യി.