ഇടുക്കി ജില്ലയിലെ ബാങ്കുകളുടെ കിട്ടാക്കടം 1070 കോടി ആ​കെ വാ​യ്പ 13,000 കോ​ടി

തൊ​ടു​പു​ഴ: ജി​ല്ല​യി​ലെ ബാ​ങ്കു​ക​ളു​ടെ​യെ​ല്ലാം കി​ട്ടാ​ക്ക​ടം ആ​കെ 1070 കോ​ടി. വി​ദ്യാ​ഭ്യാ​സം, കൃ​ഷി, വീ​ട് തു​ട​ങ്ങി​യ മു​ൻ​ഗ​ണ​ന വാ​യ്പ​ക​ളി​ലെ ക​ണ​ക്കാ​ണി​ത്. ആ​കെ വാ​യ്പ​യു​ടെ 12.86 ശ​ത​മാ​നം വ​രു​മി​ത്. സം​സ്ഥാ​ന ശ​രാ​ശ​രി​യെ​ക്കാ​ൾ അ​ഞ്ച് ശ​ത​മാ​നം കൂ​ടു​ത​ലാ​ണി​ത്. കി​ട്ടാ​ക്ക​ട​ത്തി​ൽ നൂ​റു​കോ​ടി വി​ദ്യാ​ഭ്യാ​സ വാ​യ്പ​യി​ന​ത്തി​ലാ​ണ്.

വി​വി​ധ ബാ​ങ്കു​ക​ളി​ൽ​നി​ന്ന്​ ആ​കെ 13,000 കോ​ടി​യു​ടെ വാ​യ്പ​യാ​ണ് ജി​ല്ല​യി​ൽ ന​ൽ​കി​യി​ട്ടു​ള്ള​ത്. ഇ​തി​ൽ 400 കോ​ടി രൂ​പ​യാ​ണ് വി​ദ്യാ​ഭ്യാ​സ വാ​യ്പ​യു​ള്ള​ത്.

ഇ​തി​െൻറ 25 ശ​ത​മാ​ന​വും കി​ട്ടാ​ക്ക​ട​മാ​ണ്. ജി​ല്ല​യി​ലാ​കെ 9000 കോ​ടി രൂ​പ​യു​ടെ നി​ക്ഷേ​പ​മാ​ണു​ള്ള​ത്. നി​ക്ഷേ​പ-​വാ​യ്പ അ​നു​പാ​ത​ത്തി​െൻറ 130 ശ​ത​മാ​നം വ​രെ വാ​യ്പ​യാ​ണ് ജി​ല്ല​യി​ൽ ന​ൽ​കി​യി​രി​ക്കു​ന്ന​ത്. തു​ട​ർ​ച്ച​യാ​യെ​ത്തി​യ പ്ര​ള​യ​വും പി​ന്നാ​ലെ വ​ന്ന കൊ​വി​ഡു​മാ​ണ് കാ​ർ​ഷി​ക ജി​ല്ല​യാ​യ ഇ​ടു​ക്കി​യെ ക​ട​ക്കെ​ണി​യി​ലാ​ക്കി​യ​ത്. 2018ൽ ​പ്ര​ള​യ​ത്തി​ന് മു​മ്പ് എ​ട്ട് ശ​ത​മാ​ന​മാ​യി​രു​ന്നു ജി​ല്ല​യി​ലെ കി​ട്ടാ​ക്ക​ടം.

വാ​യ്പ മേ​ള​യും ജ​നസ​മ്പ​ർ​ക്ക പ​രി​പാ​ടി​യും

തൊ​ടു​പു​ഴ: ജി​ല്ല​യി​ലെ ലീ​ഡ് ബാ​ങ്കാ​യ യൂ​നി​യ​ൻ ബാ​ങ്ക് ഒ​ഫ് ഇ​ന്ത്യ​യു​ടെ നേ​തൃ​ത്വ​ത്തി​ൽ വാ​യ്പ വി​ത​ര​ണ മേ​ള​യും പൊ​തു​ജ​ന സ​മ്പ​ർ​ക്ക പ​രി​പാ​ടി​യും നാ​ളെ തൊ​ടു​പു​ഴ​യി​ൽ ന​ട​ക്കു​മെ​ന്ന് ഭാ​ര​വാ​ഹി​ക​ൾ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു. സെൻറ്​ സെ​ബാ​സ്​​റ്റ്യ​ൻ ഫൊ​റോ​ന പ​ള്ളി പ്ര​ധാ​ന ഹാ​ളി​ൽ രാ​വി​ലെ 10 മു​ത​ൽ അ​ഞ്ചു​വ​രെ ന​ട​ക്കു​ന്ന മേ​ള​യി​ൽ ജി​ല്ല​യി​ലെ 15 ബാ​ങ്കു​ക​ൾ പ​ങ്കെ​ടു​ക്കും. വാ​യ്പ​ക​ളു​ടെ അ​നു​മ​തി പ​ത്ര​ങ്ങ​ൾ മേ​ള​യി​ൽ വി​ത​ര​ണം ചെ​യ്യും. പു​തി​യ വാ​യ്പ​ക്കു​ള്ള അ​പേ​ക്ഷ ന​ൽ​കാം. പ​രാ​തി പ​രി​ഹാ​ര സെ​ൽ, ഗ്രാ​മീ​ണ പ​രി​ശീ​ല​ന കേ​ന്ദ്ര​ത്തി​െൻറ സ്​​റ്റാ​ളു​ക​ൾ എ​ന്നി​വ​യു​മു​ണ്ട്. വാ​ർ​ത്ത​സ​മ്മേ​ള​ന​ത്തി​ൽ ലീ​ഡ് ബാ​ങ്ക് ജി​ല്ല മാ​നേ​ജ​ർ ജി. ​രാ​ജ​ഗോ​പാ​ല​ൻ, എ​സ്.​ബി.​ഐ റീ​ജ​ന​ൽ മാ​നേ​ജ​ർ മാ​ർ​ട്ടി​ൻ ജോ​സ്, ഫെ​ഡ​റ​ൽ ബാ​ങ്ക് റീ​ജ​ന​ൽ മാ​നേ​ജ​ർ ജോ​ർ​ജ് ജേ​ക്ക​ബ് എ​ന്നി​വ​ർ പ​ങ്കെ​ടു​ത്തു.