കോൺഗ്രസിൽ കലഹം: ഡി.​സി.​സി​യെ വി​മ​ർ​ശി​ച്ച്​ ബ്ലോ​ക്ക് ക​മ്മി​റ്റി ഭാ​ര​വാ​ഹി​ക​ൾ

തൊ​ടു​പു​ഴ: ന​ഗ​ര​സ​ഭ​യി​ല​ട​ക്കം തെ​ര​ഞ്ഞെ​ടു​പ്പി​ലു​ണ്ടാ​യ വീ​ഴ്​​ച​യെ​ച്ചൊ​ല്ലി കോ​ൺ​ഗ്ര​സി​നു​ള്ളി​ൽ ക​ല​ഹം.തൊ​ടു​പു​ഴ ബ്ലോ​ക്ക് കോ​ൺ​ഗ്ര​സ് പ്ര​സി​ഡ​ൻ​റി​നെ​തി​രെ വ്യാ​ഴാ​ഴ്​​ച ഒ​രു വി​ഭാ​ഗം കോ​ൺ​ഗ്ര​സ്​ പ്ര​വ​ർ​ത്ത​ക​ർ തൊ​ടു​പു​ഴ​യി​ൽ പ്ര​ക​ട​നം ന​ട​ത്തി​യ​തി​നു​​ പി​ന്നാ​ലെ ഡി.​സി.​സി​യെ വി​മ​ർ​ശി​ച്ച്​ ബ്ലോ​ക്ക് കോ​ൺ​ഗ്ര​സ് ക​മ്മി​റ്റി ഭാ​ര​വാ​ഹി​ക​ളും രം​ഗ​ത്തെ​ത്തി. ഇ​തോ​ടെ പാ​ർ​ട്ടി​ക്കു​ള്ളി​ലെ ക​ലാ​പം മ​റ​നീ​ക്കി പു​റ​ത്തു​വ​ന്നു.

ത​ദ്ദേ​​ശ തെ​ര​ഞ്ഞെ​ടു​പ്പി​ൽ പ​രാ​ജ​യ​ത്തി​ന് ഉ​ത്ത​ര​വാ​ദി സ്ഥാ​നാ​ർ​ഥി നി​ർ​ണ​യം ന​ട​ത്തി​യ ഡി.​സി.​സി നേ​തൃ​ത്വ​മാ​ണെ​ന്നാ​ണ്​ ബ്ലോ​ക്ക്​ കോ​ൺ​ഗ്ര​സ്​ ഭാ​ര​വാ​ഹി​ക​ൾ ആ​രോ​പി​ക്കു​ന്ന​ത്. ന​ഗ​ര​സ​ഭ​യി​ൽ സീ​റ്റ് വി​ത​ര​ണം ന​ട​ത്തി​യ ഡി.​സി.​സി​യു​ടെ വീ​ഴ്ച​ക​ൾ​ക്ക് ബ്ലോ​ക്ക് കോ​ൺ​ഗ്ര​സ് ക​മ്മി​റ്റി​യെ​യാ​ണ്​ ഇ​​പ്പോ​ൾ കു​റ്റ​പ്പെ​ടു​ത്തു​ന്ന​ത്.

12ാം വാ​ർ​ഡ് കോ​ൺ​ഗ്ര​സ് ഏ​റ്റെ​ടു​ക്ക​ണ​മെ​ന്ന ബ്ലോ​ക്കു​ത​ല ഉ​പ​സ​മി​തി തീ​രു​മാ​നം ന​ട​പ്പാ​ക്കാ​ൻ ഉ​ത്ത​ര​വാ​ദി​ത്ത​മു​ള്ള ഡി.​സി.​സി ആ ​തീ​രു​മാ​ന​ത്തെ ത​ള്ളി​പ്പ​റ​യു​ക​യാ​ണു​ണ്ടാ​യ​ത്. വി​മ​ത സ്ഥാ​നാ​ർ​ഥി​ക​ളോ​ട് സം​സാ​രി​ക്കാ​ൻ​പോ​ലും ഡി.​സി.​സി ത​യാ​റാ​യി​ല്ല. അ​വ​രു​ടെ വാ​ർ​ഡു​ക​ളി​ൽ യു.​ഡി.​എ​ഫ് സ്ഥാ​നാ​ർ​ഥി​ക​ൾ​ക്കു​വേ​ണ്ടി കു​ടും​ബ​യോ​ഗ​ങ്ങ​ളോ ക​ൺ​വെ​ൻ​ഷ​നോ ന​ട​ത്താ​ൻ ഡി.​സി.​സി നേ​താ​ക്ക​ൾ ഇ​റ​ങ്ങി​യി​ട്ടി​ല്ല. തൊ​ടു​പു​ഴ ബ്ലോ​ക്ക് പ​ഞ്ചാ​യ​ത്തി​ലും കീ​ഴി​ലു​ള്ള പ​ഞ്ചാ​യ​ത്തു​ക​ളി​ലും മി​ക​ച്ച വി​ജ​യം നേ​ടി​യി​ട്ടും ബ്ലോ​ക്ക് പ്ര​സി​ഡ​ൻ​റി​നെ പു​റ​ത്താ​ക്ക​ണ​മെ​ന്ന് ആ​വ​ശ്യ​പ്പെ​ടു​ന്ന​ത് എ​ന്ത് അ​ടി​സ്ഥാ​ന​ത്തി​ലാ​ണെ​ന്ന് ഇ​വ​ർ ചോ​ദി​ക്കു​ന്നു.

ഗ്രൂ​പ്പി​െൻറ പേ​രി​ൽ ചി​ല​ർ തൊ​ടു​പു​ഴ​യി​ൽ ന​ട​ത്തു​ന്ന നെ​റി​കെ​ട്ട പ​ണി കോ​ൺ​ഗ്ര​സി​നെ ഇ​ല്ലാ​യ്മ ചെ​യ്യും. ഇ​ത്ത​ര​ക്കാ​ർ​ക്കെ​തി​രെ ശ​ക്ത​മാ​യ ന​ട​പ​ടി​യെ​ടു​ക്ക​ണ​മെ​ന്ന് മ​ഹി​ള കോ​ൺ​ഗ്ര​സ് സം​സ്ഥാ​ന സെ​ക്ര​ട്ട​റി നി​ഷ സോ​മ​ൻ, തൊ​ടു​പു​ഴ മു​നി​സി​പ്പ​ൽ മ​ണ്ഡ​ലം പ്ര​സി​ഡ​ൻ​റ്​ ജോ​ൺ​സ​ൺ വെ​ള്ളാ​പ്പു​ഴ, ഇ​ട​വെ​ട്ടി മ​ണ്ഡ​ലം പ്ര​സി​ഡ​ൻ​റ്​ പി.​ജെ. തോ​മ​സ്, തൊ​ടു​പു​ഴ ബ്ലോ​ക്ക് കോ​ൺ​ഗ്ര​സ് വൈ​സ് പ്ര​സി​ഡ​ൻ​റു​മാ​രാ​യ കെ.​കെ. തോ​മ​സ്, ജി​ജി വ​ർ​ഗീ​സ് എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ ആ​വ​ശ്യ​പ്പെ​ട്ടു.

തൊ​ടു​പു​ഴ ബ്ലോ​ക്ക് കോ​ൺ​ഗ്ര​സ് പ്ര​സി​ഡ​ൻ​റ്​ ജ​ഫ​ർ​ഖാ​ൻ മു​ഹ​മ്മ​ദി​നെ പു​റ​ത്താ​ക്ക​ണ​മെ​ന്നും അ​ദ്ദേ​ഹ​ത്തി​നു കൂ​ട്ടു​നി​ൽ​ക്കു​ന്ന കെ.​പി.​സി.​സി ജ​ന​റ​ൽ സെ​ക്ര​ട്ട​റി​യു​ടെ ന​ട​പ​ടി തി​രു​ത്ത​ണ​മെ​ന്നും ആ​വ​ശ്യ​പ്പെ​ട്ടാ​ണ്​ ഒ​രു വി​ഭാ​ഗം കോ​ൺ​ഗ്ര​സ്​ പ്ര​വ​ർ​ത്ത​ക​ർ വ്യാ​ഴാ​ഴ്​​ച രാ​വി​ലെ തൊ​ടു​പു​ഴ​യി​ൽ പ്ര​ക​ട​നം ന​ട​ത്തി​യ​ത്.

രാ​വി​ലെ മ​ങ്ങാ​ട്ടു​ക​വ​ല മു​ത​ൽ ഗാ​ന്ധി​സ്ക്വ​യ​ർ​വ​രെ ന​ട​ത്തി​യ പ്ര​ക​ട​നം തൊ​ടു​പു​ഴ ന​ഗ​ര​സ​ഭ മു​ൻ ചെ​യ​ർ​പേ​ഴ്സ​ൻ സി​സി​ലി ജോ​സ്​ ഉ​ദ്​​ഘാ​ട​നം ചെ​യ്​​തു. തൊ​ടു​പു​ഴ ബ്ലോ​ക്ക് കോ​ൺ​ഗ്ര​സ് പ്ര​സി​ഡ​ൻ​റ്​ ഔ​ദ്യോ​ഗി​ക സ്ഥാ​നാ​ർ​ഥി​ക​ളെ പ​രാ​ജ​യ​പ്പെ​ടു​ത്താ​ൻ ന​ഗ​ര​സ​ഭ​യി​ലെ ചി​ല വാ​ർ​ഡു​ക​ളി​ൽ റെ​ബ​ലു​ക​ളെ നി​ർ​ത്തി​യ​താ​യി സി​സി​ലി ജോ​സ്​ കു​റ്റ​പ്പെ​ടു​ത്തി.

പാ​ർ​ട്ടി​യു​ടെ കു​ത്ത​ക വാ​ർ​ഡു​ക​ളി​ൽ കെ.​പി.​സി.​സി​യു​ടെ നി​ബ​ന്ധ​ന​ക​ൾ​ക്ക് വി​രു​ദ്ധ​മാ​യി പ്ര​വ​ർ​ത്തി​ച്ചു. ഇ​ക്കാ​ര്യം കെ.​പി.​സി.​സി​യും ഡി.​സി.​സി​യും അ​ന്വേ​ഷി​ച്ച് പ്ര​സി​ഡ​ൻ​റ്​ സ്ഥാ​ന​ത്തു​നി​ന്ന് ഇ​ദ്ദേ​ഹ​ത്തെ മാ​റ്റ​ണ​മെ​ന്നും ഇ​വ​ർ ആ​വ​ശ്യ​പ്പെ​ട്ടു.