റീസർവേയിലും കുരുക്ക്​; പരിഹാരം കാത്ത്​ 12,438 പരാതി

തൊ​ടു​പു​ഴ: നി​ർ​മാ​ണ നി​രോ​ധ​ന​വും ക​രു​ത​ൽ മേ​ഖ​ല​യും ഭൂ​പ​തി​വ്​ ച​ട്ട​ങ്ങ​ളി​ലെ കു​രു​ക്കു​ക​ളു​മ​ട​ക്കം ഭൂ​പ്ര​ശ്ന​ങ്ങ​ളും വ​ന്യ​മൃ​ഗ​ശ​ല്യ​വും മൂ​ലം പൊ​റു​തി​മു​ട്ടു​ന്ന ജി​ല്ല​യി​ലെ ക​ർ​ഷ​ക​രെ വ​ല​ച്ച്​ റീ​സ​ർ​വേ​യി​ലെ കു​രു​ക്കു​ക​ളും. ജി​ല്ല​യി​ലെ അ​ഞ്ച്​ താ​ലൂ​ക്കി​ലും റീ​സ​ർ​വേ​യു​മാ​യി ബ​ന്ധ​പ്പെ​ട്ട പ​രാ​തി​ക​ൾ തീ​ർ​പ്പു​കാ​ത്ത്​ കി​ട​ക്കു​ന്നു​ണ്ട്. റ​വ​ന്യൂ വ​കു​പ്പി​ന്‍റെ ഏ​റ്റ​വും പു​തി​യ ക​ണ​ക്ക്​ പ്ര​കാ​രം റീ​സ​ർ​വേ​യും അ​നു​ബ​ന്ധ ന​ട​പ​ടി​ക്ര​മ​ങ്ങ​ളു​മാ​യി ബ​ന്ധ​പ്പെ​ട്ട 12,438 പ​രാ​തി അ​ഞ്ച്​ താ​ലൂ​ക്കി​ലാ​യി തീ​ർ​പ്പാ​കാ​നു​ണ്ട്.

എ​ന്നാ​ൽ, അ​നൗ​ദ്യോ​ഗി​ക ക​ണ​ക്ക്​ പ്ര​കാ​രം പ​രാ​തി​ക​ളു​ടെ എ​ണ്ണം ഇ​തി​ലും വ​ള​രെ കൂ​ടു​ത​ലാ​ണെ​ന്നും പ​റ​യു​ന്നു. റീ​സ​ർ​വേ, പോ​ക്കു​വ​ര​വ്, ക​ര​മ​ട​ക്കു​ന്ന​തി​ലെ ത​ട​സ്സ​ങ്ങ​ൾ എ​ന്നി​വ സം​ബ​ന്ധി​ച്ച പ​രാ​തി​ക​ൾ പൊ​തു​വെ ലാ​ൻ​ഡ്​​ റ​വ​ന്യൂ മാ​നേ​ജ്​​മെ​ന്‍റ്​ (എ​ൽ.​ആ​ർ.​എം) വി​ഭാ​ഗ​ത്തി​ലാ​ണ്​ വ​രു​ന്ന​ത്. ഇ​ത്ത​രം പ​രാ​തി​ക​ളി​ൽ പ​രി​ഹാ​രം കാ​ത്ത്​ നി​ര​വ​ധി ക​ർ​ഷ​ക​രാ​ണ്​ ജി​ല്ല​യി​ലു​ള്ള​ത്. ദേ​വി​കു​ളം 4005, ഇ​ടു​ക്കി 1724, പീ​രു​മേ​ട്​ 129, തൊ​ടു​പു​ഴ 2202, ഉ​ടു​മ്പ​ൻ​​ചോ​ല 4378 എ​ന്നി​ങ്ങ​നെ​യാ​ണ്​ ജി​ല്ല​യി​ലെ വി​വി​ധ താ​ലൂ​ക്കി​ൽ തീ​ർ​പ്പാ​ക്കാ​നു​ള്ള എ​ൽ.​ആ​ർ.​എം പ​രാ​തി​ക​ളു​ടെ എ​ണ്ണം. എ​ന്നാ​ൽ, പീ​രു​മേ​ട്​ താ​ലൂ​ക്കി​ൽ മാ​ത്രം റീ​സ​ർ​വേ​യു​മാ​യി ബ​ന്ധ​പ്പെ​ട്ട ര​ണ്ടാ​യി​ര​ത്തോ​ളം പ​രാ​തി ല​ഭി​ച്ച​താ​യാ​ണ്​ അ​നൗ​ദ്യോ​ഗി​ക ക​ണ​ക്ക്.

റീ​സ​ർ​വേ ക​ഴി​ഞ്ഞ​പ്പോ​ൾ പ​ല സ്ഥ​ല​ങ്ങ​ളും അ​വ നി​ല​വി​ൽ ഉ​ൾ​പ്പെ​ടു​ന്ന വി​ല്ലേ​ജി​ൽ​നി​ന്ന്​ പു​റ​ത്താ​യി എ​ന്ന​താ​ണ്​ പ്ര​ധാ​ന പ​രാ​തി. മാ​ത്ര​മ​ല്ല പ​ല​രു​ടെ​യും പ​ട്ട​യ​ത്തി​ലും ആ​ധാ​ര​ത്തി​ലും രേ​ഖ​പ്പെ​ടു​ത്തി​യി​ട്ടു​ള്ള സ​ർ​വേ ന​മ്പ​റു​ക​ൾ റീ​സ​ർ​വേ​ക്ക്​ ശേ​ഷം വി​ല്ലേ​ജി​നൊ​പ്പം മാ​റി​പ്പോ​യി​ട്ടു​മു​ണ്ട്. കൃ​ത്യ​മാ​യി ക​രം അ​ട​ച്ചു​കൊ​ണ്ടി​രു​ന്ന ഭൂ​മി​യു​ടെ ത​ണ്ട​പ്പേ​രി​ലും പി​ഴ​വ്​ സം​ഭ​വി​ച്ചു. ര​ണ്ട്​ വി​ല്ലേ​ജി​ന്‍റെ അ​തി​ർ​ത്തി​യി​ൽ വ​രു​ന്ന സ്ഥ​ല​ങ്ങ​ളാ​ണ്​ നി​ല​വി​ലെ വി​ല്ലേ​ജ്​ പ​രി​ധി​യി​ൽ​നി​ന്ന്​ മ​റ്റൊ​ന്നി​ലേ​ക്ക്​ മാ​റി​പ്പോ​യ​വ​യി​ൽ കൂ​ടു​ത​ലും.

ചി​ല​രു​ടെ സ്ഥ​ലം ര​ണ്ട്​ വി​ല്ലേ​ജി​ലും ഉ​ൾ​പ്പെ​ട്ടു എ​ന്ന പ​രാ​തി​യും താ​ലൂ​ക്ക്​ ഓ​ഫി​സു​ക​ളി​ൽ ല​ഭി​ച്ച​വ​യി​ൽ ഉ​ണ്ട്. ഇ​വ​ർ ര​ണ്ട്​ വി​ല്ലേ​ജി​ലും ക​രം അ​ട​ക്കേ​ണ്ട അ​വ​സ്ഥ​യി​ലാ​ണ്. വേ​ണ്ട​ത്ര ഉ​ദ്യോ​ഗ​സ്ഥ​രി​ല്ലാ​ത്താ​ണ്​ പ​രാ​തി​ക​ൾ തീ​ർ​പ്പാ​ക്കു​ന്ന​ത്​ വൈ​കാ​ൻ കാ​ര​ണ​മാ​യി പ​റ​യു​ന്ന​ത്. അ​തേ​സ​മ​യം, റീ​സ​ർ​വേ സം​ബ​ന്ധി​ച്ച പ​രാ​തി​ക​ൾ ദ്രു​ത​ഗ​തി​യി​ൽ പ​രി​ഹ​രി​ക്കാ​ൻ​ സം​വി​ധാ​നം ഒ​രു​ക്കി​യി​ട്ടു​ണ്ടെ​ന്നാ​ണ്​ റ​വ​ന്യൂ അ​ധി​കൃ​ത​ർ പ​റ​യു​ന്ന​ത്. ഓ​രോ മാ​സ​വും 50​ അ​പേ​ക്ഷ​യി​ൽ തീ​ർ​പ്പു​ക​ൽ​പി​ക്ക​ണം എ​ന്നാ​ണ്​ താ​ലൂ​ക്ക്​ സ​ർ​വേ​യ​ർ​മാ​ർ​ക്ക്​ ന​ൽ​കി​യി​രി​ക്കു​ന്ന നി​ർ​ദേ​ശം.

താ​ലൂ​ക്കു​ക​ളി​ൽ അ​ദാ​ല​ത് സം​ഘ​ടി​പ്പി​ച്ച്​ കെ​ട്ടി​ക്കി​ട​ക്കു​ന്ന മു​ഴു​വ​ൻ പ​രാ​തി​യും സ​മ​യ​ബ​ന്ധി​ത​മാ​യി തീ​ർ​പ്പാ​ക്കാ​ൻ ശ്ര​മം ന​ട​ത്തി​വ​രു​ക​യാ​ണെ​ന്നും അ​ധി​കൃ​ത​ർ പ​റ​യു​ന്നു. സം​സ്ഥാ​ന​ത്തെ വി​വി​ധ താ​ലൂ​ക്കി​ൽ ല​ഭി​ച്ച 6,43,420 പ​രാ​തി​യി​ൽ 4,75,846 എ​ണ്ണം ഇ​തി​ന​കം തീ​ർ​പ്പാ​ക്കി​യ​താ​യും റ​വ​ന്യൂ വ​കു​പ്പ്​ വ്യ​ക്ത​മാ​ക്കു​ന്നു.