സ്കൂളിന്‍റെ ജനൽഭിത്തി അടർന്നു​വീണു; കുട്ടികൾ രക്ഷപ്പെട്ടു

ചെ​റു​തോ​ണി: സ്കൂ​ളി​ന്‍റെ ജ​ന​ൽ​ഭി​ത്തി അ​ട​ർ​ന്നു​വീ​ണു. ഇ​ട​വേ​ള ആ​യി​രു​ന്ന​തി​നാ​ൽ കു​ട്ടി​ക​ൾ പ​രി​ക്കി​ല്ലാ​തെ ​ര​ക്ഷ​പ്പെ​ട്ടു. മ​ണി​യാ​റ​ൻ​കു​ടി ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ൽ ക​ഴി​ഞ്ഞ ദി​വ​സം ഉ​ച്ച​യോ​ടെ​യാ​ണ്​ സം​ഭ​വം.

ജ​ന​ലി​ന്‍റെ മു​ക​ളി​ൽ​നി​ന്ന്​ ഭി​ത്തി​യു​ടെ ഒ​രു​ഭാ​ഗം അ​ട​ർ​ന്നു​വീ​ഴു​ക​യാ​യി​രു​ന്നു. ആ​ദി​വാ​സി, പി​ന്നാ​ക്ക വി​ഭാ​ഗ​ങ്ങ​ളി​ൽ​പെ​ട്ട വി​ദ്യാ​ർ​ഥി​ക​ളാ​ണ് ഇ​വി​ടെ പ​ഠി​ക്കു​ന്ന​വ​രി​ൽ ഭൂ​രി​ഭാ​ഗ​വും. കാ​ല​പ്പ​ഴ​ക്ക​ത്താ​ൽ ജീ​ർ​ണി​ച്ചു തു​ട​ങ്ങി​യ കെ​ട്ടി​ട​ത്തി​ലാ​ണ് വി​ദ്യാ​ല​യം പ്ര​വ​ർ​ത്തി​ക്കു​ന്ന​ത്.

സ്കൂ​ളി​ന്‍റെ സ്മാ​ർ​ട്ട് ക്ലാ​സ് റൂ​മി​ന്‍റെ ഭി​ത്തി​യി​ലും വി​ള്ള​ലു​ണ്ട്. പൈ​നാ​വ്, വാ​ഴ​ത്തോ​പ്പ് ഗ​വ. സ്കൂ​ളു​ക​ൾ​ക്ക് പു​തി​യ മ​ന്ദി​ര​ങ്ങ​ൾ അ​നു​വ​ദി​ച്ച​പ്പോ​ൾ 1958ൽ ​സ്ഥാ​പി​ത​മാ​യ മ​ണി​യാ​റ​ൻ​കു​ടി സ്കൂ​ളി​നെ സ​ർ​ക്കാ​ർ അ​വ​ഗ​ണി​ക്കു​ക​യാ​യി​രു​ന്നു​വെ​ന്ന് ആ​ദി​വാ​സി ദ​ലി​ത് സാം​സ്കാ​രി​ക സ​ഭ ജി​ല്ല പ്ര​സി​ഡ​ന്റ് പി.​എ. ജോ​ണി ആ​രോ​പി​ച്ചു.

പ​ഴ​ക്കം​ചെ​ന്ന സ്കൂ​ൾ കെ​ട്ടി​ടം അ​പ​ക​ട ഭീ​ഷ​ണി​യി​ലാ​യ സാ​ഹ​ച​ര്യ​ത്തി​ൽ സ​ർ​ക്കാ​ർ പു​തി​യ കെ​ട്ടി​ടം അ​നു​വ​ദി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.