മനയത്തടം ​ഗ്രാമവാസികൾ നി​ത്യോ​പ​യോ​ഗ സാ​ധ​ന​ങ്ങ​ള്‍ക്കാ​യി 16 കി​ലോ​മീ​റ്റ​ർ ന​ട​ക്ക​ണം

ചെ​റു​തോ​ണി: പു​റം​ലോ​ക​വു​മാ​യി ബ​ന്ധ​പ്പെ​ടാ​ന്‍ ക​ഴി​യാ​തെ ദു​രി​ത​ത്തി​ലാ​ണ് മ​ന​യ​ത്ത​ടം നി​വാ​സി​ക​ള്‍. നി​ത്യോ​പ​യോ​ഗ സാ​ധ​ന​ങ്ങ​ള്‍ വാ​ങ്ങ​ണ​മെ​ങ്കി​ല്‍പോ​ലും 16 കി​ലോ​മീ​റ്റ​റോ​ളം ന​ട​ന്നു​പോ​കേ​ണ്ട അ​വ​സ്ഥ​യി​ലാ​ണ് ഗ്രാ​മ​വാ​സി​ക​ള്‍. ദാ​രി​ദ്ര്യ​നി​ര്‍മാ​ര്‍ജ​ന​ത്തി‍െൻറ ഭാ​ഗ​മാ​യി 70 വ​ര്‍ഷം മു​മ്പ് കു​ടി​യി​രു​ത്ത​പ്പെ​ട്ട​വ​രാ​ണ് മ​ന​യ​ത്ത​ടം നി​വാ​സി​ക​ള്‍. ക​ഞ്ഞി​ക്കു​ഴി പ​ഞ്ചാ​യ​ത്തി​ലെ 15ാം വാ​ര്‍ഡി​ൽ​പെ​ടു​ന്ന ഈ ​മേ​ഖ​ല​യി​ലെ ജ​ന​ങ്ങ​ള്‍ കാ​ലി വ​ള​ര്‍ത്ത​ലും കൃ​ഷി​യു​മാ​യാ​ണ് ജീ​വി​തം മു​ന്നോ​ട്ടു കൊ​ണ്ടു​പോ​കു​ന്ന​ത്.

നാ​ലു​വ​ശ​വും ഘോ​ര​വ​ന​ത്താ​ല്‍ ചു​റ്റ​പ്പെ​ട്ട ഈ ​മേ​ഖ​ല​യി​ലേ​ക്ക് ഇ​തു​വ​രെ യാ​ത്രാ​യോ​ഗ്യ​മാ​യ ഒ​രു റോ​ഡ് പോ​ലു​മി​ല്ല. ര​ണ്ടു​വ​ര്‍ഷം മു​മ്പ് വൈ​ദ്യു​തി ല​ഭ്യ​മാ​യെ​ന്ന​താ​ണ് 25ഓ​ളം കു​ടും​ബ​ങ്ങ​ള്‍ താ​മ​സി​ക്കു​ന്ന ​പ്ര​ദേ​​ശ​ത്തെ ഏ​ക​നേ​ട്ടം.

മ​ന​യ​ത്ത​ട​ത്തു​നി​ന്ന് ക​ഞ്ഞി​ക്കു​ഴി​ക്ക് 14 കി​ലോ​മീ​റ്റ​റും ഉ​ടു​മ്പ​ന്നൂ​രി​ന് 16 കി​ലോ​മീ​റ്റ​ര്‍ ദൂ​ര​വു​മാ​ണു​ള്ള​ത്. ക​ഷ്​​ടി​ച്ച് ജീ​പ്പു​ക​ള്‍ മാ​ത്രം ക​ട​ന്നു​ചെ​ല്ലു​ന്ന ഇ​വി​ടെ 1500 രൂ​പ വാ​ഹ​ന​ക്കൂ​ലി മു​ട​ക്കി​വേ​ണം മ​ന​യ​ത്ത​ടം നി​വാ​സി​ക​ള്‍ക്ക് പു​റം ലോ​ക​ത്തെ​ത്താ​ന്‍. വ​നം വ​കു​പ്പ് ഉ​ന്ന​യി​ക്കു​ന്ന ത​ട​സ്സ​ങ്ങ​ള്‍കൊ​ണ്ടാ​ണ് പ്ര​ദേ​ശ​ത്തി‍െൻറ വി​ക​സ​നം മു​ര​ടി​ച്ചു​നി​ല്‍ക്കു​ന്ന​ത്.

ഉ​ടു​മ്പ​ന്നൂ​ര്‍ - മ​ണി​യാ​റ​ന്‍കു​ടി - ഇ​ടു​ക്കി റോ​ഡ് യാ​ഥാ​ര്‍ഥ്യ​മാ​യാ​ല്‍ ഇ​വ​രു​ടെ യാ​ത്ര​ക്ലേ​ശ​ത്തി​ന് ചെ​റു​താ​യെ​ങ്കി​ലും പ​രി​ഹാ​ര​മു​ണ്ടാ​കും. ബ​ന്ധ​പ്പെ​ട്ട അ​ധി​കൃ​ത​ർ പ്ര​ശ്ന​ത്തി​ല്‍ അ​ടി​യ​ന്ത​ര​മാ​യി ഇ​ട​പെ​ട​ണ​മെ​ന്ന് നാ​ട്ടു​കാ​ര്‍ ആ​വ​ശ്യ​പ്പെ​ടു​ന്നു.