ഇ​ന്ന്​ ക​ർ​ഷ​ക ദി​നം; എൽദോസ്​ കൃഷി പരീക്ഷണങ്ങളിലാണ്...

ചെ​റു​തോ​ണി: മ​ണ്ണി​ൽ ക​ന​കം വി​ള​യി​ക്കു​ക​യാ​ണ്​ ചു​രു​ളി സ്വ​ദേ​ശി എ​ൽ​ദോ​സ്. 10 വ​ർ​ഷ​മാ​യി തു​ട​രു​ന്ന നി​ര​ന്ത​ര ഗ​വേ​ഷ​ണ​ത്തി​ലൂ​ടെ പു​തി​യൊ​രി​നം ജാ​തി​ക്ക വി​ക​സി​പ്പി​ച്ചി​രി​ക്കു​ക​യാ​ണ്​ ഈ ​ക​ർ​ഷ​ക​ൻ. ഇ​തി​ന്​ കൃ​ഷി വ​കു​പ്പി​ന്‍റെ അം​ഗീ​കാ​രം ല​ഭി​ക്കാ​ൻ തൃ​ശൂ​ർ മ​ണ്ണു​ത്തി കാ​ർ​ഷി​ക യൂ​നി​വേ​ഴ്സി​റ്റി​യി​ൽ അ​പേ​ക്ഷ ന​ൽ​കി​യി​ട്ടു​ണ്ട്.

ക​ർ​ഷ​ക​ർ​ക്ക്​ കു​റ​ഞ്ഞ ചെ​ല​വി​ൽ കൂ​ടു​ത​ൽ ലാ​ഭം ല​ഭി​ക്കാ​ൻ സ​ഹാ​യി​ക്കു​ന്ന​താ​ണ്​ താ​ൻ വി​ക​സി​പ്പി​ച്ചെ​ടു​ത്ത ജാ​തി​ക്ക​യെ​ന്നാ​ണ്​ എ​ൽ​ദോ​സ്​ അ​വ​കാ​ശ​​പ്പെ​ടു​ന്നു. തൈ​ന​ട്ടാ​ൽ നാ​ലാം​വ​ർ​ഷം കാ​യ്ച്ചു തു​ട​ങ്ങും. വ​ർ​ഷ​ത്തി​ൽ മൂ​ന്നു​ത​വ​ണ കാ​യ്ക്കും. ജാ​തി​മ​രം മു​ഴു​വ​ൻ കു​ല​കു​ത്തി പൂ​വു​ണ്ടാ​വും. 65 കാ​യ് പൊ​ട്ടി​ച്ചാ​ൽ ഒ​രു​കി​ലോ പ​രി​പ്പു​കി​ട്ടും. നി​ല​വി​ലെ ജാ​തി​യി​ൽ​നി​ന്ന് ഒ​രു​കി​ലോ കി​ട്ട​ണ​മെ​ങ്കി​ൽ 80 കാ​യെ​ങ്കി​ലും വേ​ണം. രോ​ഗ​പ്ര​തി​രോ​ധ​ശേ​ഷി​യും വ​ള​ർ​ച്ച​യും കു​ടു​ത​ലു​ണ്ടെ​ന്നും എ​ൽ​ദോ​സ്​ പ​റ​യു​ന്നു.

പാ​ല​ക്കാ​ട​ൻ 55 എ​ന്ന്​ പേ​രി​ട്ട ജാ​തി​ക്ക ഇ​തി​നോ​ട​കം കൃ​ഷി വ​കു​പ്പി​ലെ ഉ​ദ്യോ​ഗ​സ്ഥ​ർ പ​രി​ശോ​ധി​ച്ചു. കാ​ർ​ഷി​ക​രം​ഗ​ത്ത് നൂ​ത​ന കൃ​ഷി​രീ​തി​ക​ൾ അ​വ​ലം​ബി​ക്കു​ന്ന എ​ൽ​ദോ​സി​​​ന്‍റെ നാ​ലേ​ക്ക​ർ സ്ഥ​ലം വി​വി​ധ​യി​നം കൃ​ഷി​ക​ൾ​കൊ​ണ്ട് സ​മ്പ​ന്ന​മാ​ണ്. കൊ​ക്കോ​യും തെ​ങ്ങും കു​രു​മു​ള​കും കാ​പ്പി​യും തു​ട​ങ്ങി ഫ​ല​വ്യ​ക്ഷ​ങ്ങ​ൾ വ​രെ സ​മൃ​ദ്ധ​മാ​യി ഇ​ട​തൂ​ർ​ന്ന്​ നി​ൽ​ക്കു​ന്നു. കൃ​ഷി​യി​ൽ സ​ഹാ​യി​ക്കാ​ൻ കു​ടും​ബം ഒ​ന്നാ​കെ​യു​ണ്ട്.