പത്തുലക്ഷത്തി​െൻറ കുടിവെള്ള പദ്ധതി പാളി; നാട്ടുകാർ പ്രക്ഷോഭത്തിന്​

ചെ​റു​തോ​ണി: ജി​ല്ല പ​ഞ്ചാ​യ​ത്ത് പ​ത്തു​ല​ക്ഷം രൂ​പ ചെ​ല​വ​ഴി​ച്ച്​ നി​ർ​മി​ച്ച കു​ടി​വെ​ള്ള പ​ദ്ധ​തി ഗു​ണ​ഭോ​ക്താ​ക്ക​ൾ​ക്ക് പ്ര​യോ​ജ​നം ​െച​യ്യു​ന്നി​ല്ലെ​ന്ന്​ പ​രാ​തി. കൊ​ക്ക​ര​ക്കു​ളം- ചെ​മ്പ​ക​പ്പാ​റ കു​ടി​വെ​ള്ള പ​ദ്ധ​തി​ക്കെ​തി​രെ​യാ​ണ്​ പ​രാ​തി.

2018-'19 വാ​ർ​ഷി​ക പ​ദ്ധ​തി​യി​ൽ​പെ​ടു​ത്തി നി​ർ​മാ​ണം പൂ​ർ​ത്തി​യാ​ക്കി​യ കു​ടി​വെ​ള്ള പ​ദ്ധ​തി​യു​ടെ ഗു​ണ​ഭോ​ക്താ​ക്ക​ളാ​ണ് മ​ഴ​ക്കാ​ല​ത്ത്​ പോ​ലും കു​ടി​വെ​ള്ള​ത്തി​ന്​ ക്ലേ​ശി​ക്കു​ന്ന​ത്. കൊ​ക്ക​ര​ക്കു​ള​ത്തെ കു​ള​ത്തി​ൽ​നി​ന്ന്​ മു​പ്പ​തി​ല​ധി​കം കു​ടും​ബ​ങ്ങ​ൾ അ​ധി​വ​സി​ക്കു​ന്ന ചെ​മ്പ​ക​പ്പാ​റ​യി​ലേ​ക്ക് മോ​ട്ടോ​ർ ഉ​പ​യോ​ഗി​ച്ച് വെ​ള്ളം പ​മ്പ് ചെ​യ്താ​ണ് എ​ത്തി​ക്കു​ന്ന​ത്.

കു​ള​ത്തി​ൽ​നി​ന്ന്​ 400 മീ​റ്റ​റോ​ളം ഉ​യ​ര​ത്തി​ൽ 5000 ലി​റ്റ​റിെൻറ ടാ​ങ്കി​ലെ​ത്തു​ന്ന വെ​ള്ളം 400 മീ​റ്റ​ർ അ​ക​ലെ മ​റ്റൊ​രു സം​ഭ​ര​ണി​യി​ലേ​ക്ക് പി.​വി.​സി പൈ​പ്പ് വ​ഴി​യെ​ത്തി​ച്ചാ​ണ് വെ​ള്ളം ഉ​പ​ഭോ​ക്താ​ക്ക​ൾ​ക്ക് വി​ത​ര​ണം ചെ​യ്യാ​ൻ പ​ദ്ധ​തി ത​യാ​റാ​ക്കി​യി​രു​ന്ന​ത്. ആ​ദ്യ സം​ഭ​ര​ണി​യി​ലേ​ക്ക് ര​ണ്ടി​ഞ്ച് വ്യാ​സ​മു​ള്ള ജി.​ഐ പൈ​പ്പി​ലൂ​ടെ​യാ​ണ് വെ​ള്ളം എ​ത്തു​ന്ന​ത്.

ഈ ​സം​ഭ​ര​ണി​യി​ൽ​നി​ന്ന്​ ഒ​ന്നേ​കാ​ൽ ഇ​ഞ്ച് പി.​വി.​സി പൈ​പ്പാ​ണ് അ​ടു​ത്ത സം​ഭ​ര​ണി​യി​ലേ​ക്ക് സ്ഥാ​പി​ച്ചി​രി​ക്കു​ന്ന​ത്.

പ​ദ്ധ​തി​യു​ടെ നി​ർ​മാ​ണ സ​മ​യ​ത്ത് ഇ​തി​നെ​തി​രെ നാ​ട്ടു​കാ​ർ ആ​ക്ഷേ​പം ഉ​ന്ന​യി​ച്ചി​രു​ന്നെ​ങ്കി​ലും ക​രാ​റു​കാ​ര​നോ എ​ൻ​ജി​നീ​യ​റോ ചെ​വി​ക്കൊ​ണ്ടി​ല്ലെ​ന്ന് ഗു​ണ​ഭോ​ക്താ​ക്ക​ൾ പ​റ​യു​ന്നു. ര​ണ്ടി​ഞ്ച് പൈ​പ്പു​ത​ന്നെ സ്ഥാ​പി​ച്ച് ആ​ദ്യ സം​ഭ​ര​ണി​ക്ക്​ സ​മീ​പ​ത്ത് മോ​ട്ടോ​റി​ൽ​നി​ന്ന്​ വ​രു​ന്ന പൈ​പ്പു​മാ​യി വാ​ൽ​വ്​ വ​ഴി ബ​ന്ധ​പ്പെ​ടു​ത്തു​ക​യും ചെ​യ്താ​ൽ ത​ട​സ്സ​മി​ല്ലാ​തെ ആ​ളു​ക​ൾ​ക്ക് കു​ടി​വെ​ള്ളം ല​ഭി​ക്കു​മാ​യി​രു​ന്നു.

ഇ​പ്പോ​ൾ ആ​ദ്യ​സം​ഭ​ര​ണി വ​രെ മാ​ത്ര​മേ വെ​ള്ളം എ​ത്തു​ക​യു​ള്ളൂ. വ​ർ​ഷ​ക്കാ​ല​ത്ത്​ പോ​ലും കു​ടി​വെ​ള്ള​ത്തി​ന് ക്ഷാ​മം നേ​രി​ടു​ന്ന പ്ര​ദേ​ശ​ത്തെ കു​ടി​വെ​ള്ള ക്ഷാ​മ​ത്തി​ന് ശാ​ശ്വ​ത പ​രി​ഹാ​ര​മാ​കു​മെ​ന്ന പ്ര​തീ​ക്ഷ​യി​ൽ നാ​ട്ടു​കാ​ർ പ​ണം മു​ട​ക്കി ഹോ​സും വാ​ങ്ങി​യി​ട്ടെ​ങ്കി​ലും വെ​ള്ളം എ​ത്തി​യി​ല്ല. ല​ക്ഷ​ങ്ങ​ൾ മു​ട​ക്കി കു​ടി​വെ​ള്ള പ​ദ്ധ​തി ന​ട​പ്പാ​ക്കി​യെ​ങ്കി​ലും ഇ​പ്പോ​ഴും പ്ര​ദേ​ശ​വാ​സി​ക​ൾ കി​ലോ​മീ​റ്റ​റു​ക​ൾ അ​ക​ലെ​നി​ന്ന്​ ത​ല​ച്ചു​മ​ടാ​യി വെ​ള്ളം എ​ത്തി​ക്കു​ക​യാ​ണ്.

എ​ൻ​ജി​നീ​യ​ർ സ്ഥ​ലം സ​ന്ദ​ർ​ശി​ച്ച് പോ​രാ​യ്മ​ക​ൾ പ​രി​ഹ​രി​ച്ച് കു​ടി​വെ​ള്ളം ല​ഭ്യ​മാ​ക്ക​ണ​മെ​ന്നാ​വ​ശ്യ​പ്പെ​ട്ട് നാ​ട്ടു​കാ​ർ പ്ര​ക്ഷോ​ഭ​ത്തി​നൊ​രു​ങ്ങു​ക​യാ​ണ്.