പൊലീസ് സ്റ്റേഷനുകള്‍ തമ്മിലെ അതിർത്തിത്തര്‍ക്കം:അപകടത്തിൽ മരിച്ചയാളുടെ സംസ്കാരം വൈകി

ചെ​റു​തോ​ണി: പൊ​ലീ​സ് സ്റ്റേ​ഷ​നു​ക​ള്‍ ത​മ്മി​ലെ അ​തി​ർ​ത്തി​ത്ത​ര്‍ക്ക​ത്തെ തു​ട​ര്‍ന്ന് അ​പ​ക​ട​ത്തി​ല്‍ മ​രി​ച്ച ചാ​പ്ര​യി​ല്‍ കു​ട്ട​പ്പ​ന്‍റെ പോ​സ്റ്റ്മോ​ര്‍ട്ടം ന​ട​പ​ടി ഒ​രു​ദി​വ​സം വൈ​കി​യ​ത് വി​വാ​ദ​മാ​യി.

ഇ​ടു​ക്കി, ത​ങ്ക​മ​ണി സ്റ്റേ​ഷ​നു​ക​ളു​ടെ പ​രി​ധി സം​ബ​ന്ധി​ച്ച്​ വ്യ​ക്ത​ത​യി​ല്ലാ​തെ വ​ന്ന​താ​ണ്​ കാ​ര​ണം. ഇ​തു​മൂ​ലം ക​ഴി​ഞ്ഞ​ദി​വ​സം ന​ട​ക്കേ​ണ്ടി​യി​രു​ന്ന പോ​സ്റ്റ്​​മോ​ര്‍ട്ടം ന​ട​പ​ടി ഒ​രു​ദി​വ​സം വൈ​കി തി​ങ്ക​ളാ​ഴ്ച പ​തി​നൊ​ന്ന​ര​യോ​ടെ​യാ​ണ് ന​ട​ന്ന​ത്. ക​ട്ട​പ്പ​ന ഇ​ടു​ക്കി റോ​ഡി​ല്‍ നാ​ര​ക​ക്കാ​ന​ത്തി​ന് സ​മീ​പം റോ​ഡ് മു​റി​ച്ചു​ക​ട​ന്ന ചാ​പ്ര​യി​ല്‍ കു​ട്ട​പ്പ​നെ ഇ​രു​ച​ക്ര വാ​ഹ​നം ഇ​ടി​ച്ചു​വീ​ഴ്ത്തു​ക​യാ​യി​രു​ന്നു.

അ​പ​ക​ടം ന​ട​ന്ന ഉ​ട​ന്‍ ഇ​ടു​ക്കി മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ എ​ത്തി​ച്ചെ​ങ്കി​ലും മ​ര​ണം സം​ഭ​വി​ച്ചി​രു​ന്നു.

എ​ന്നാ​ല്‍, ഇ​തി​നു​ശേ​ഷം ഉ​ണ്ടാ​യ കാ​ര്യ​ങ്ങ​ളാ​ണ് നാ​ട്ടു​കാ​ര്‍ക്കി​ട​യി​ല്‍ പ്ര​തി​ഷേ​ധ​ത്തി​ന് കാ​ര​ണ​മാ​യ​ത്. പോ​സ്റ്റ്മോ​ര്‍ട്ടം ന​ട​ത്തു​ന്ന​തി​നാ​യി ബ​ന്ധു​ക്ക​ളും പൊ​തു​പ്ര​വ​ര്‍ത്ത​ക​രും പൊ​ലീ​സ് സ്റ്റേ​ഷ​നു​ക​ളി​ലെ​ത്തി ആ​വ​ശ്യ​പ്പെ​ട്ടി​ട്ടും ന​ട​പ​ടി​യെ​ടു​ക്കാ​ന്‍ ത​യാ​റാ​യി​ല്ല.

പൊ​ലീ​സി​ന്‍റെ പി​ടി​വാ​ശി​മൂ​ലം ഒ​രു​ദി​വ​സം മൃ​ത​ദേ​ഹം മോ​ര്‍ച്ച​റി​യി​ല്‍ മൃ​ത​ദേ​ഹം കി​ട​ത്തേ​ണ്ടി​വ​ന്ന​താ​യി നാ​ട്ടു​കാ​രും ബ​ന്ധു​ക്ക​ളും ആ​രോ​പി​ച്ചു. സം​സ്കാ​ര ച​ട​ങ്ങു​ക​ള്‍ ​ചൊ​വ്വാ​ഴ്ച ര​ണ്ടി​ന്​ വീ​ട്ടു​വ​ള​പ്പി​ല്‍ ന​ട​ത്തി.