നല്ല റോഡ്​! വണ്ടി പോകണോ, നാട്ടുകാർ തള്ളണം

ചെ​റു​തോ​ണി: ജ​ന​വാ​സ​മാ​രം​ഭി​ച്ചി​ട്ട് ഏ​ഴ് പ​തി​റ്റാ​ണ്ടു പി​ന്നി​ട്ട ക​ഞ്ഞി​ക്കു​ഴി പ​ഞ്ചാ​യ​ത്തി​ലെ പ​ഴ​യ​രി​ക്ക​ണ്ടം - മൈ​ല​പ്പു​ഴ - വ​രി​ക്ക​മു​ത്ത​ൻ റോ​ഡ് ത​ക​ർ​ന്നി​ട്ട് വ​ർ​ഷ​ങ്ങ​ളാ​യി. നൂ​റ് ക​ണ​ക്കി​ന് കു​ടും​ബ​ങ്ങ​ൾ ഉ​പ​യോ​ഗി​ക്കു​ന്ന റോ​ഡ് സ​ഞ്ചാ​ര​യോ​ഗ്യ​മാ​ക്കാ​ൻ ന​ട​പ​ടി​യി​ല്ല. ജ​ന​പ്ര​തി​നി​ധി​ക​ളു​ടെ വാ​ഗ്ദാ​ന​ങ്ങ​ൾ വ​ർ​ഷ​ങ്ങ​ളാ​യി പാ​ലി​ക്ക​പ്പെ​ടാ​തെ തു​ട​രു​ക​യാ​ണെ​ന്ന് പ്ര​ദേ​ശ​വാ​സി​ക​ൾ പ​രാ​തി​പ്പെ​ടു​ന്നു. വ​ർ​ഷ​ങ്ങ​ളാ​യി വാ​ക്കു​പാ​ലി​ക്കാ​ത്ത ജ​ന​പ്ര​തി​നി​ധി​ക​ൾ​ക്കെ​തി​രെ പ്ര​ക്ഷോ​ഭ​ത്തി​നൊ​രു​ങ്ങു​ക​യാ​ണ് നാ​ട്ടു​കാ​ർ. റോ​ഡ് ത​ക​ർ​ന്ന് കാ​ൽ​ന​ട​യാ​ത്ര പോ​ലും അ​സാ​ധ്യ​മാ​യി​ട്ട് വ​ർ​ഷ​ങ്ങ​ളാ​യെ​ങ്കി​ലും ജ​ന​പ്ര​തി​നി​ധി​ക​ളാ​രും തി​രി​ഞ്ഞു നോ​ക്കു​ന്നി​ല്ലെ​ന്നാ​ണ് ആ​ക്ഷേ​പം.

ക​ഴി​ഞ്ഞ 20 വ​ർ​ഷ​മാ​യി നൂ​റു​ക​ണ​ക്കി​ന് വി​ദ്യാ​ർ​ഥി​ക​ൾ ഓ​രോ ദി​വ​സ​വും യാ​ത്ര ചെ​യ്യു​ന്ന വ​ഴി​യാ​ണി​ത്. നി​ര​വ​ധി സ്കൂ​ൾ ബ​സു​ക​ളും ഇ​തു​വ​ഴി ക​ട​ന്നു​പോ​കു​ന്നു. ആ​ല​പ്പു​ഴ - മ​ധു​ര സം​സ്ഥാ​ന​പാ​ത രൂ​പം കൊ​ള്ളു​ന്ന​തി​നു മു​ൻ​പ് വ​ണ്ണ​പ്പു​റം - ക​ഞ്ഞി​ക്കു​ഴി ഭാ​ഗ​ത്തേ​ക്കു​ള്ള ഏ​ക യാ​ത്ര മാ​ർ​ഗ​വും ഇ​താ​യി​രു​ന്നു. ഇ​പ്പോ​ൾ വ​ണ്ണ​പ്പു​റം - രാ​മ​ക്ക​ൽ​മേ​ട് നി​ർ​ദ്ദി​ഷ്ട പാ​ത​യാ​യി അ​ടു​ത്തി​ടെ പ്ര​ഖ്യാ​പ​ന​മു​ണ്ടാ​യെ​ങ്കി​ലും പ​ഴ​യ​രി​ക്ക​ണ്ടം മൈ​ല​പ്പു​ഴ വ​രി​ക്ക മു​ത്ത​ൻ റോ​ഡി​ന്റെ അ​വ​സ്ഥ​ക്ക് യാ​തൊ​രു മാ​റ്റ​വും ഉ​ണ്ടാ​യി​ട്ടി​ല്ല.