ഇരുവശവും കാടുകയറി; പെരുംതൊട്ടി-പ്രകാശ് റോഡിൽ അപകടം തുടർക്കഥ

ചെ​റു​തോ​ണി: ഇ​രു​വ​ശ​ങ്ങ​ളി​ലും കാ​ട്​ ക​യ​റി​യ പെ​രുംതൊ​ട്ടി-​പ്ര​കാ​ശ് റോ​ഡി​ൽ അ​പ​ക​ട​ങ്ങ​ൾ തു​ട​ർ​ക്ക​ഥ​യാ​യി​ട്ടും അ​ധി​കൃ​ത​ർ ക​ണ്ടി​ല്ലെ​ന്ന്​ ന​ടി​ക്കു​ന്നു.

ക​ഴി​ഞ്ഞ​യാ​ഴ്ച മാ​ത്രം മൂ​ന്ന് ഇ​രു​ച​ക്ര വാ​ഹ​ന​ങ്ങ​ളാ​ണ്​ ഈ ​നി​ര​ത്തി​ൽ അ​പ​ക​ട​ത്തി​ൽ പെ​ട്ട​ത്. പ​രി​ക്കേ​റ്റ യാ​ത്ര​ക്കാ​ർ ഇ​പ്പോ​ഴും ക​ട്ട​പ്പ​ന​യി​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്.

രാ​ജ​മു​ടി റോ​ഡി​ൽ നി​ന്ന്​ ഈ ​റോ​ഡി​ന്‍റെ വ​ള​വി​ലേ​ക്ക് വ​ന്നു​ചേ​രു​ന്ന ഇ​രു​ച​ക്ര യാ​ത്രി​കാ​രാ​ണ് ഏ​റ്റ​വും കൂ​ടു​ത​ൽ ദു​രി​തം അ​നു​ഭ​വി​ക്കു​ന്ന​ത്. റോ​ഡി​ന്‍റെ വ​ശ​ങ്ങ​ളി​ൽ വ​ള​ർ​ന്ന്​ നി​ൽ​ക്കു​ന്ന കാ​ടു​മൂ​ലം വ​ള​വി​ന​പ്പു​റം ഉ​ള്ള വാ​ഹ​ന​ങ്ങ​ൾ കാ​ണാ​ൻ ക​ഴി​യാ​തെ​യാ​ണ്​ ഇ​വി​ടെ മി​ക്ക അ​പ​ക​ട​ങ്ങ​ളും ഉ​ണ്ടാ​കു​ന്ന​ത്.

എ​തി​രെ വ​രു​ന്ന വാ​ഹ​ന​ങ്ങ​ൾ​ക്ക് സൈ​ഡ് ചേ​ർ​ന്ന് പോ​കാ​നും പ്ര​യാ​സ​മു​ണ്ട്. പ്ര​ഭാ​ത സ​വാ​രി​ക്കാ​രും ദു​രി​ത​ത്തി​ലാ​ണ്. നി​ര​ന്ത​ര പ​രാ​തി​ക​ൾ​ക്ക് ശേ​ഷ​വും കാ​ട്​ തെ​ളി​ക്കാ​ൻ പ​ഞ്ചാ​യ​ത്ത് അ​ധി​കൃ​ത​ർ ത​യാ​റാ​കു​ന്നി​ല്ലെ​ന്ന് പ്ര​ദേ​ശ​വാ​സി​ക​ൾ ആ​രോ​പി​ക്കു​ന്നു. ക​ഴി​ഞ്ഞ മാ​സം നാ​ല്​ വാ​ഹ​ന​ങ്ങ​ളാ​ണ്​ ഇ​വി​ടെ അ​പ​ക​ട​ത്തി​ൽ പെ​ട്ട​ത്. എ​ത്ര​യും വേ​ഗം കാ​ട് വെ​ട്ടി നീ​ക്കി​യി​ല്ലെ​ങ്കി​ൽ ഇ​നി​യും അ​പ​ക​ട​ങ്ങ​ൾ ഉ​ണ്ടാ​കാം.

വൈ​കു​ന്നേ​ര​ങ്ങ​ളി​ൽ ഈ ​വ​ഴി ന​ട​ന്നു​പോ​കു​ന്ന നി​ര​വ​ധി സ്കൂ​ൾ വി​ദ്യാ​ർ​ഥി​ക​ളു​ടെ ജീ​വ​നും ഇ​ത്​ ഭീ​ഷ​ണി​യാ​ണെ​ന്ന് നാ​ട്ടു​കാ​ർ ആ​ശ​ങ്ക പ്ര​ക​ടി​പ്പി​ച്ചു.