കുറ്റവാളികളെ കുരുക്കാൻ ഗ്രാമത്തിന്​ ചുറ്റും കാമറകൾ

കു​മ​ളി: കു​റ്റ​കൃ​ത്യ​ങ്ങ​ൾ ത​ട​യാ​ൻ ഗ്രാ​മ​ത്തി​നു​ചു​റ്റും കാ​മ​റ​ക​ൾ സ്ഥാ​പി​ച്ച് നാ​ട്ടു​കാ​ർ. തേ​നി ജി​ല്ല​യി​ലെ ചെ​റി​യ ഗ്രാ​മ​മാ​യ ക​രു​ണാ​ക്ക​മു​ത്ത​ൻ​പെ​ട്ടി ഗ്രാ​മ​ത്തി​ലാ​ണ് പൂ​ർ​വ​വി​ദ്യാ​ർ​ഥി​ക​ളു​ടെ സ​ഹാ​യ​ത്തോ​ടെ കാ​മ​റ​ക​ൾ സ്ഥാ​പി​ക്കു​ന്ന​ത്.

ത​മി​ഴ്‌​നാ​ട് അ​തി​ർ​ത്തി​യി​ൽ കു​മ​ളി​ക്ക് സ​മീ​പ​മു​ള്ള ക​രു​ണാ​ക്ക മു​ത്ത​ൻ​പെ​ട്ടി ഗ്രാ​മ​ത്തി​ൽ ഒ​മ്പ​തു വാ​ർ​ഡാ​ണു​ള്ള​ത്. പ​തി​നാ​യി​ര​ത്തി​ൽ താ​ഴെ മാ​ത്ര​മാ​ണ് ജ​ന​സം​ഖ്യ. വ​ന​മേ​ഖ​ല​യോ​ട് അ​ടു​ത്തു​കി​ട​ക്കു​ന്ന ഗ്രാ​മ​മാ​യ​തി​നാ​ൽ മൃ​ഗ​വേ​ട്ട, ക​ഞ്ചാ​വ് കൃ​ഷി, ച​ന്ദ​ന​മോ​ഷ​ണം എ​ന്നി​വ​യും അ​ടി​പി​ടി​യും മ​റ്റ് കു​റ്റ​കൃ​ത്യ​ങ്ങ​ളും പ​തി​വ് സം​ഭ​വ​മാ​ണ്. ചെ​റി​യ ഗ്രാ​മ​ത്തി​ലെ കേ​സു​ക​ളു​ടെ എ​ണ്ണം അ​ടി​ക്ക​ടി വ​ർ​ധി​ച്ച​തോ​ടെ​യാ​ണ് പൊ​ലീ​സും നാ​ട്ടു​കാ​രും ചേ​ർ​ന്ന് ഗ്രാ​മ​ത്തി​നു ചു​റ്റും കാ​മ​റ​ക​ൾ സ്ഥാ​പി​ക്കാ​ൻ തീ​രു​മാ​നി​ച്ച​ത്.

ഗ്രാ​മ​ത്തി​ലെ സ്കൂ​ളി​ൽ​നി​ന്ന്​ പ​ഠി​ച്ചി​റ​ങ്ങി​യ പൂ​ർ​വ വി​ദ്യാ​ർ​ഥി​ക​ൾ നാ​ലു ല​ക്ഷം രൂ​പ ന​ൽ​കി​യ​തോ​ടെ പൊ​ലീ​സി​െൻറ പ​ദ്ധ​തി​ക്ക് വേ​ഗ​മേ​റി. ഗ്രാ​മ​ത്തി​നു ചു​റ്റും 40 കാ​മ​റ​ക​ളാ​ണ് സ്ഥാ​പി​ച്ച​ത്. ഉ​ദ്​​ഘാ​ട​നം തേ​നി എ​സ്.​പി സാ​യ് സ​ര​ൺ തേ​ജ​സ്വി നി​ർ​വ​ഹി​ച്ചു.

പെ​രി​യാ​ർ ക​ടു​വ സ​ങ്കേ​ത​ത്തി​ന് വെ​ല്ലു​വി​ളി​യാ​യി​രു​ന്ന ഇ​തേ ഗ്രാ​മ​ത്തി​ലെ വ​നം​കൊ​ള്ള​ക്കാ​രെ വ​ർ​ഷ​ങ്ങ​ൾ​ക്ക് മു​മ്പ് തേ​ക്ക​ടി​യി​ലെ വ​ന​പാ​ല​ക​ർ പി​ടി​കൂ​ടി മാ​സ​ങ്ങ​ളു​ടെ പ​രി​ശീ​ല​ന​ങ്ങ​ൾ​ക്കും ക്ലാ​സു​ക​ൾ​ക്കും ഒ​ടു​വി​ൽ ക​ടു​വ സ​ങ്കേ​ത​ത്തി​െൻറ കാ​വ​ൽ​ക്കാ​രാ​ക്കി മാ​റ്റി​യ ച​രി​ത്ര​വും ഈ ​ഗ്രാ​മ​ത്തി​നു​ണ്ട്.