കരുതൽ വേണേ... സുരക്ഷിതമാണോ, ജലാശയ യാത്രകൾ

താ​നൂ​ർ ബോ​ട്ട​പ​ക​ട​ത്തി​ന്‍റെ നൊ​മ്പ​ര​ക്കാ​ഴ്ച​ക്കി​ടെ കേ​ര​ള​ത്തെ ന​ടു​ക്കി​യ മ​റ്റൊ​രു ജ​ല​ ദു​ര​ന്ത​ത്തി​ന്‍റെ ഓ​ർ​മ​ക​ളി​ലാ​ണ്​ നാ​ട്​. 2009 സെ​പ്റ്റം​ബ​ർ 30ലെ ​ തേ​ക്ക​ടി ബോ​ട്ട്​ ദു​ര​ന്ത​ം. കെ.​ടി.​ഡി.​സി​യു​ടെ ‘ജ​ല​ക​ന്യ​ക’ എ​ന്ന ഇ​രു​നി​ല ബോ​ട്ട് തേ​ക്ക​ടി ത​ടാ​ക​ത്തി​ൽ മ​റി​ഞ്ഞ് 45 പേ​രു​ടെ ജീ​വ​ൻ ന​ഷ്ട​മാ​യി. താ​നൂ​ർ ബോ​ട്ട​പ​ക​ട​ത്തി​ന്‍റെ പ​ശ്ചാ​ത്ത​ല​ത്തി​ൽ ഇടുക്കി ജി​ല്ല​യി​ലെ ജ​ലാ​ശ​യ​ങ്ങ​ളി​ലെ യാ​ത്ര​ക​ൾ എ​ത്ര സു​ര​ക്ഷി​ത​മാ​ണെ​ന്ന്​ അ​ന്വേ​ഷി​ക്കു​ക​യാ​ണി​വി​ടെ.

ബോ​ട്ടി​ങ്​ സെ​ന്‍റ​റു​ക​ളി​ൽ പ​രി​ശോ​ധ​ന

മൂ​ന്നാ​ർ: താ​നൂ​ർ ബോ​ട്ട് ദു​ര​ന്ത​ത്തി​ന്‍റെ പ​ശ്ചാ​ത്ത​ല​ത്തി​ൽ തി​ങ്ക​ളാ​ഴ്ച മൂ​ന്നാ​റി​ലെ ബോ​ട്ടി​ങ്​ പ്ര​ദേ​ശ​ങ്ങ​ളി​ൽ പൊ​ലീ​സ്​ പ​രി​ശോ​ധ​ന ന​ട​ത്തി. ബോ​ട്ടു​ക​ളും അ​വ​യു​ടെ ഫി​റ്റ്‌​ന​സ്, ഇ​ൻ​ഷു​റ​ൻ​സ് രേ​ഖ​ക​ളും പ​രി​ശോ​ധി​ച്ചു. ജി​ല്ല​യി​ൽ ബോ​ട്ടി​ങ്ങി​ന് ഏ​റ്റ​വും കൂ​ടു​ത​ൽ വി​നോ​ദ​സ​ഞ്ചാ​രി​ക​ൾ എ​ത്തു​ന്ന​ത് മൂ​ന്നാ​റി​ലാ​ണ്. പ​ഴ​യ മൂ​ന്നാ​ർ, മാ​ട്ടു​പ്പെ​ട്ടി, ഇ​ക്കോ പോ​യ​ന്‍റ്, കു​ണ്ട​ള, ചെ​ങ്കു​ളം, ആ​ന​യി​റ​ങ്ക​ൽ എ​ന്നി​വി​ട​ങ്ങ​ളി​ലാ​ണ് ബോ​ട്ടി​ങ് സൗ​ക​ര്യ​മു​ള്ള​ത്. ഹൈ​ഡ​ൽ ടൂ​റി​സ​ത്തി​നും ഡി.​ടി.​പി.​സി​ക്കും ഇ​വി​ട​ങ്ങ​ളി​ൽ ബോ​ട്ടു​ക​ളു​ണ്ട്.

സ​ർ​ക്കാ​റി​ന്‍റെ​ത​ന്നെ ഏ​ജ​ൻ​സി​ക​ൾ എ​ന്ന നി​ല​യി​ൽ സു​ര​ക്ഷാ മാ​ന​ദ​ണ്ഡ​ങ്ങ​ൾ പൂ​ർ​ണ​മാ​യി പാ​ലി​ച്ചാ​ണ് ബോ​ട്ടി​ങ്. ലൈ​ഫ് ജാ​ക്ക​റ്റ് ധ​രി​ക്കു​ന്ന​തി​ലും നി​ശ്ചി​ത എ​ണ്ണം യാ​ത്ര​ക്കാ​രെ മാ​ത്രം ക​യ​റ്റു​ന്ന​തി​ലും അ​ത്​ പാ​ലി​ക്കു​ന്നു. ലൈ​ഫ് ജാ​ക്ക​റ്റ് ധ​രി​ക്കാ​ൻ വി​സ​മ്മ​തി​ക്കു​ന്ന​വ​രെ യാ​ത്ര​ക്ക് അ​നു​വ​ദി​ക്കാ​റു​മി​ല്ല. പ്ര​തി​കൂ​ല കാ​ലാ​വ​സ്ഥ​യി​ൽ ബോ​ട്ടി​ങ് നി​ർ​ത്തി​വെ​ക്കു​ക​യും ചെ​യ്യും.

ഏ​റ്റ​വും കൂ​ടു​ത​ൽ സ​ഞ്ചാ​രി​ക​ൾ എ​ത്തു​ന്ന മാ​ട്ടു​പ്പെ​ട്ടി​യി​ലെ ജെ​ട്ടി പൂ​ർ​ണ​മാ​യും കാ​മ​റ നി​രീ​ക്ഷ​ണ​ത്തി​ലു​മാ​ണ്. ഇ​വി​ടെ ഏ​ക അ​പ​ക​ട​സാ​ധ്യ​ത​യു​ള്ള​ത് ജ​ല​നി​ര​പ്പ് കു​റ​യു​ന്ന സ​മ​യ​ത്ത് യാ​ത്ര​ക്കാ​ർ​ക്ക് ബോ​ട്ട് അ​ടു​ക്കു​ന്ന ഭാ​ഗ​ത്തേ​ക്ക്‌ എ​ത്താ​നു​ള്ള ബു​ദ്ധി​മു​ട്ടാ​ണ്. കു​ത്ത​നെ​യു​ള്ള ഇ​റ​ക്ക​ത്തി​ൽ ഉ​രു​ള​ൻ​ക​ല്ലു​ക​ൾ കൂ​ടി​ക്കി​ട​ക്കു​ന്ന​ത് യാ​ത്ര​ക്കാ​ർ പ​ല​പ്പോ​ഴും കാ​ൽ​വ​ഴു​തി വീ​ഴാ​ൻ കാ​ര​ണ​മാ​വു​ന്നു​വെ​ന്നും ആ​​ക്ഷേ​പ​മു​ണ്ട്.

ജാ​ഗ്ര​ത ശ​ക്ത​മാ​ക്കാ​ൻ നി​ർ​ദേ​ശം

തൊ​ടു​പു​ഴ: ജി​ല്ല​യി​ലെ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ലെ ബോ​ട്ടി​ങ്​​ കേ​ന്ദ്ര​ങ്ങ​ളി​ൽ ജാ​ഗ്ര​ത ശ​ക്ത​മാ​ക്കാ​ൻ നി​ർ​ദേ​ശം ന​ൽ​കി​യ​താ​യി ഡി.​ടി.​പി.​സി. കൃ​ത്യ​മാ​യ മാ​ർ​ഗ​നി​ർ​ദേ​ശ​ങ്ങ​ൾ പാ​ലി​ച്ച്​ ഏ​റ്റ​വും സു​ര​ക്ഷി​ത​മാ​യാ​ണ്​ സ​ഞ്ചാ​രി​ക​ളു​മാ​യി യാ​ത്ര​ ചെ​യ്യു​ന്ന​തെ​ന്ന്​​ ഡി.​ടി.​പി.​സി സെ​​ക്ര​ട്ട​റി ജി​തേ​ഷ്​ പ​റ​ഞ്ഞു.

ലൈ​ഫ്​ ജാ​ക്ക​റ്റ​ട​ക്കം ധ​രി​ച്ചി​ട്ടു​ണ്ടെ​ങ്കി​ലേ സ​ർ​വി​സ്​ ആ​രം​ഭി​ക്കൂ. ആ​ളു​ക​ളു​ടെ എ​ണ്ണ​ത്തി​ലും കൃ​ത്യ​മാ​യ മാ​ന​ദ​ണ്ഡം പാ​ലി​ക്കു​ന്നു​ണ്ട്​. ഡി.​ടി.​പി.​സി​യു​ടെ കീ​ഴി​ൽ മാ​ട്ടു​പ്പെ​ട്ടി​യി​ലാ​ണ്​ പ്ര​ധാ​ന​മാ​യും ബോ​ട്ട്​ സ​ർ​വി​സു​ള്ള​ത്. വാ​ഗ​മ​ണ്ണി​ൽ അ​ഡ്വ​ഞ്ച​ർ പാ​ർ​ക്കി​ൽ കു​ട്ട​വ​ഞ്ചി, ക​യാ​ക്കി​ങ്​ ന​ട​ത്തു​ന്നു​ണ്ട്. ഹി​ൽ​വ്യൂ പാ​ർ​ക്കി​ലും സ​ഞ്ചാ​രി​ക​ൾ​ക്കാ​യി സു​ര​ക്ഷി​ത ബോ​ട്ടി​ങ്​ സ​ജ്ജീ​ക​രി​ച്ചി​ട്ടു​ണ്ട്​. ഇ​വി​ട​ങ്ങ​ളി​ലെ​ല്ലാം കൃ​ത്യ​മാ​യ പ​രി​ശോ​ധ​ന ന​ട​ത്തു​ന്നു​ണ്ടെ​ന്നും സു​ര​ക്ഷ ഉ​റ​പ്പാ​ക്കി മാ​ത്ര​മാ​ണ്​ യാ​ത്ര​ക​ൾ സം​ഘ​ടി​പ്പി​ക്കു​ന്ന​തെ​ന്നും സെ​ക്ര​ട്ട​റി പ​റ​ഞ്ഞു.

പാ​ഠം ഉ​ൾ​ക്കൊ​ണ്ട്​ തേ​ക്ക​ടി

കു​മ​ളി: ദു​ര​ന്ത​ശേ​ഷം തു​റ​മു​ഖ വ​കു​പ്പി​ലെ ഉ​ദ്യോ​ഗ​സ്ഥ​രു​ടെ നേ​തൃ​ത്വ​ത്തി​ൽ കൃ​ത്യ​മാ​യ പ​രി​ശോ​ധ​ന തേ​ക്ക​ടി​യി​ൽ യ​ഥാ​സ​മ​യ​ങ്ങ​ളി​ൽ ന​ട​ക്കു​ന്നു​ണ്ട്​. ഇ​വ​ർ ന​ൽ​കു​ന്ന ഫി​റ്റ്​​ന​സി​ന്‍റെ അ​ടി​സ്ഥാ​ന​ത്തി​ലാ​ണ്​​ ബോ​ട്ട്​ സ​ർ​വി​സ്​. ടി​ക്ക​റ്റു​ക​ൾ ന​ൽ​കു​ന്ന​തി​ലും നി​യ​ന്ത്ര​ണം ഏ​ർ​പ്പെ​ടു​ത്തി​യി​ട്ടു​ണ്ട്. ഒ​രു ബോ​ട്ടി​ലേ​ക്ക്​ ക​യ​റ്റാ​വു​ന്ന യാ​ത്ര​ക്കാ​രു​​ടെ എ​ണ്ണ​വും പ​രി​മി​ത​പ്പെ​ടു​ത്തി. മു​മ്പു​ണ്ടാ​യി​രു​ന്ന​തി​ൽ​നി​ന്ന്​ 20 മു​ത​ൽ 40 ശ​ത​മാ​നം വെ​ട്ടി​ക്കു​റ​ച്ചു. എ​ല്ലാ ബോ​ട്ടി​ലും ലൈ​ഫ്​ ഗാ​ർ​ഡു​ക​ളും ലൈ​ഫ്​ ബോ​യ​ക​ളും ഉ​ണ്ട്. യാ​ത്ര​ക്കാ​രു​ടെ എ​ണ്ണ​ത്തി​ന​നു​സ​രി​ച്ചാ​ണ്​ ലൈ​ഫ്​ ജാ​ക്ക​റ്റു​ക​ളു​ള്ള​ത്. അ​ഞ്ച്​ സ​മ​യ​ങ്ങ​ളി​ലാ​ണ്​ തേ​ക്ക​ടി​യി​ൽ ബോ​ട്ട്​ സ​വാ​രി.

അ​തേ​സ​മ​യം, തേ​ക്ക​ടി ദു​ര​ന്ത​ത്തി​ന് പി​ന്നാ​ലെ റി​ട്ട. ജ​സ്റ്റി​സ് മൊ​യ്തീ​ൻ​കു​ഞ്ഞി​ന്‍റെ നേ​തൃ​ത്വ​ത്തി​ൽ സ​ർ​ക്കാ​ർ ജു​ഡീ​ഷ്യ​ൽ അ​ന്വേ​ഷ​ണം പ്ര​ഖ്യാ​പി​ച്ചെ​ങ്കി​ലും റി​പ്പോ​ർ​ട്ടി​ൽ തു​ട​ർ ന​ട​പ​ടി​യു​ണ്ടാ​യി​ല്ല. എ​ന്നാ​ൽ, അ​പ​ക​ട​ശേ​ഷം തേ​ക്ക​ടി​യി​ലെ സു​ര​ക്ഷ​യു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ളും പ​രി​ശോ​ധ​ന​ക​ളും ശ​ക്ത​മാ​ക്കി.

അ​തി​നി​ടെ, തി​ര​ക്കു​ള്ള സ​മ​യ​ങ്ങ​ളി​ൽ​ വൈ​കി​യും ബോ​ട്ട്​ യാ​ത്ര ന​ട​ത്തു​ന്നു​ണ്ടെ​ന്ന വി​മ​ർ​ശ​ന​മു​യ​രു​ന്നു​ണ്ട്​​. ത​മി​ഴ്​​നാ​ട് ബോ​ട്ടി​ൽ കൂ​ടു​ത​ലാ​യി തൊ​ഴി​ലാ​ളി​ക​ളെ മു​ല്ല​പ്പെ​രി​യാ​റി​ലേ​ക്ക്​ കൊ​ണ്ടു​പോ​കു​ന്ന സാ​ഹ​ച​ര്യ​മു​ണ്ടെ​ന്ന ആ​ക്ഷേ​പ​വും നി​ല​നി​ൽ​ക്കു​ന്നു.

ഇ​ടു​ക്കി ഡാ​മി​ൽ ബോ​ട്ട്​​യാ​ത്ര സു​ര​ക്ഷി​ത​മെ​ന്ന്

ചെ​റു​തോ​ണി: ഇ​ടു​ക്കി ഡാ​മി​ൽ വ​നം വ​ന്യ​ജീ​വി വ​കു​പ്പ് ഇ​ക്കോ ടൂ​റി​സം പ​ദ്ധ​തി​യു​ടെ ഭാ​ഗ​മാ​യി ന​ട​ത്തു​ന്ന ബോ​ട്ടു​സ​വാ​രി എ​ല്ലാ സു​ര​ക്ഷാ മാ​ന​ദ​ണ്ഡ​ങ്ങ​ളും പാ​ലി​ച്ചാ​ണെ​ന്ന്​ അ​ധി​കൃ​ത​ർ. ഒ​രേ സ​മ​യം 20 പേ​ർ​ക്കു മാ​ത്ര​മേ സ​ഞ്ച​രി​ക്കാ​ൻ അ​നു​വാ​ദം കൊ​ടു​ക്കൂ.

ഇ​തി​ൽ ര​ണ്ടു​പേ​ർ ജീ​വ​ന​ക്കാ​രാ​ണ്. യാ​ത്ര​ക്കാ​ർ​ക്ക് ആ​വ​ശ്യ​മാ​യ സ​ഹാ​യ​വും നി​ർ​ദേ​ശ​ങ്ങ​ളും ന​ൽ​കും. ആ​വ​ശ്യ​മു​ള്ള ലൈ​ഫ് ജാ​ക്ക​റ്റ് ബോ​ട്ടി​ലു​ണ്ട്. ഇ​തി​നും പു​റ​മെ അ​ടി​യ​ന്ത​ര സ​ഹാ​യം ന​ൽ​കാ​ൻ അ​ഞ്ച്​ ലൈ​ഫ് ബോ​യ​യും ബോ​ട്ടി​ലു​ണ്ട്. ഒ​രു ലൈ​ഫ് ബോ ​അ​ഞ്ചു​ പേ​ർ​ക്ക്​ ഉ​പ​യോ​ഗി​ക്കാം. ര​ണ്ടു നി​രീ​ക്ഷ​ണ ബോ​ട്ടു​ക​ൾ സ​ദാ​സ​മ​യ​വും ഡാ​മി​ലു​ണ്ടെ​ന്നും അ​ധി​കൃ​ത​ർ പ​റ​ഞ്ഞു.

നിർദേശങ്ങളും മുന്നറിയിപ്പുകളും പാലിക്കണം -ഫയർ ഓഫിസർ

തൊ​ടു​പു​ഴ: ബോ​ട്ട്​ യാ​ത്ര ന​ട​ത്തു​ന്ന​വ​ർ ജീ​വ​ന​ക്കാ​ർ ന​ൽ​കു​ന്ന കൃ​ത്യ​മാ​യ നി​ർ​ദേ​ശ​ങ്ങ​ളും മു​ന്ന​റി​യി​പ്പു​ക​ളും പാ​ലി​ക്ക​ണ​മെ​ന്ന്​ ജി​ല്ല ഫ​യ​ർ ഓ​ഫി​സ​റു​ടെ നി​ർ​ദേ​ശം. ബോ​ട്ട് യാ​ത്ര​യി​ലെ അ​പ​ക​ട​സാ​ധ്യ​ത​ക​ളെ​ക്കു​റി​ച്ച് സ​ഞ്ചാ​രി​ക​ളും ബോ​ധ​വാ​ന്മാ​രാ​കേ​ണ്ട​തു​ണ്ട്.സു​ര​ക്ഷാ മാ​ന​ദ​ണ്ഡ​ങ്ങ​ൾ പാ​ലി​ക്കാ​തെ​യു​ള്ള ബോ​ട്ട് യാ​ത്ര​ക​ളി​ൽ​നി​ന്നും മ​റ്റ് വി​നോ​ദ​ങ്ങ​ളി​ൽ​നി​ന്നും മാ​റി​നി​ൽ​ക്കാ​ൻ എ​ല്ലാ​വ​രും ശ്ര​ദ്ധി​ക്ക​ണം. ബോ​ട്ടി​ൽ ക​യ​റു​മ്പോ​ൾ നി​ർ​ബ​ന്ധ​മാ​യും ലൈ​ഫ് ജാ​ക്ക​റ്റ് ധ​രി​ക്ക​ണം.

ബോ​ട്ടി​ന് താ​ങ്ങാ​വു​ന്ന​തി​ലേ​റെ ആ​ളു​ക​ളെ ക​യ​റ്റു​ന്നി​ല്ലെ​ന്ന് ഉ​റ​പ്പ് വ​രു​ത്ത​ണം. ആ​ളു​ക​ളു​ടെ എ​ണ്ണം കൂ​ടു​ത​ലു​ള്ള ബോ​ട്ടി​ൽ ഒ​രു കാ​ര​ണ​വ​ശാ​ലും യാ​ത്ര ചെ​യ്യ​രു​ത്. ക​ന​ത്ത മ​ഴ​യും കാ​റ്റും ഉ​ള്ള​പ്പോ​ഴും വെ​ളി​ച്ചം കു​റ​വു​ള്ള​പ്പോ​ഴും യാ​ത്ര ഒ​ഴി​വാ​ക്കു​ക. സീ​റ്റി​ൽ ഇ​രി​ക്കു​ക​യോ ഒ​രി​ട​ത്ത് നി​ൽ​ക്കു​ക​യോ ചെ​യ്യു​ക. ബോ​ട്ട് സു​ര​ക്ഷി​ത​മാ​യി നി​ർ​ത്തി​യ​ശേ​ഷം മാ​ത്ര​മേ ഇ​റ​ങ്ങാ​വൂ. കു​ട്ടി​ക​ളു​ടെ മേ​ൽ എ​പ്പോ​ഴും ശ്ര​ദ്ധ​വേ​ണം.

കൈ​ക്കു​ഞ്ഞു​ങ്ങ​ളെ കൂ​ട്ടി​യു​ള്ള ബോ​ട്ട് യാ​ത്ര​ക​ൾ ഒ​ഴി​വാ​ക്കു​ക. ബോ​ട്ടി​ന്‍റെ ബാ​ല​ൻ​സ്​ ന​ഷ്ട​പ്പെ​ടു​ന്ന വി​ധ​ത്തി​ലു​ള്ള പ്ര​വൃ​ത്തി​ക​ൾ ഉ​ണ്ടാ​കാ​തി​രി​ക്കാ​ൻ ശ്ര​ദ്ധി​ക്ക​ണം. ബോ​ട്ട്​ യാ​ത്ര​ക്കി​ടെ സാ​ഹ​സി​ക സെ​ൽ​ഫി​യ​ട​ക്ക​മു​ള്ള കാ​ര്യ​ങ്ങ​ൾ ഒ​ഴി​വാ​ക്ക​ണ​മെ​ന്നും ഇ​ടു​ക്കി ജി​ല്ല ഫ​യ​ർ ഓ​ഫി​സ​ർ കെ.​ആ​ർ. അ​ഭി​ലാ​ഷ് പ​റ​ഞ്ഞു.

ഫൈബർ വള്ളങ്ങളിലെ മീൻപിടിത്തം അപകടകരം

മു​ട്ടം: ജ​ലാ​ശ​യ​ങ്ങ​ളി​ലെ അ​പ​ക​ട​ങ്ങ​ൾ തു​ട​ർ​ക്ക​ഥ​യാ​കു​മ്പോ​ഴും സു​ര​ക്ഷ മാ​ന​ദ​ണ്ഡ​ങ്ങ​ൾ പാ​ലി​ക്കാ​ൻ ജ​ന​ങ്ങ​ളും അ​വ പാ​ലി​ക്കു​ന്നു​ണ്ടെ​ന്ന് ഉ​റ​പ്പു​വ​രു​ത്താ​ൻ അ​ധി​കൃ​ത​രും ത​യാ​റാ​കു​ന്നി​ല്ല. വ​ള്ളം മ​റി​ഞ്ഞും കു​ളി​ക്കാ​നി​റ​ങ്ങു​മ്പോ​ൾ ഒ​ഴു​ക്കി​ൽ​പെ​ട്ടും നി​ര​വ​ധി ജീ​വ​നാ​ണ്​ ഇ​ടു​ക്കി​യി​ലെ വി​വി​ധ ജ​ലാ​ശ​യ​ങ്ങ​ളി​ൽ പൊ​ലി​ഞ്ഞ​ത്. ഇ​ടു​ക്കി അ​ണ​​ക്കെ​ട്ടി​ന്‍റെ ഭാ​ഗ​മാ​യ കു​ള​മാ​വ് ജ​ലാ​ശ​യ​ത്തി​ൽ കോ​ഴി​പ്പി​ള്ളി വ​ല്ല്യ​വീ​ട്ടി​ൽ ദി​വാ​ക​ര​ൻ (55) മ​രി​ച്ച​താ​ണ് അ​വ​സാ​ന സം​ഭ​വം. സു​ഹൃ​ത്തു​ക്ക​ൾ​ക്ക് ഒ​പ്പം മീ​ൻ പി​ടി​ക്കാ​ൻ പോ​ക​വെ വ​ള്ളം മ​റി​ഞ്ഞാ​ണ്​ അ​പ​ക​ട​മു​ണ്ടാ​യ​ത്. ദി​വാ​ക​ര​നൊ​പ്പം ഉ​ണ്ടാ​യി​രു​ന്ന ര​ണ്ടു​പേ​രെ നാ​ട്ടു​കാ​ർ ക​ര​ക്ക് എ​ത്തി​ച്ചു. ദി​വാ​ക​ര​ന്‍റെ മൃ​ത​ദേ​ഹം ക​ണ്ടെ​ത്താ​ൻ ക​ഴി​ഞ്ഞ​ത് മൂ​ന്നാം ദി​വ​സ​മാ​ണ്.

2021 ഏ​പ്രി​ൽ മാ​സം 21ന് ​പു​ല്ലേ​ക്കു​ന്നേ​ൽ അ​രു​ൺ ദാ​മോ​ദ​ര​ൻ (39) മ​രി​ച്ച​താ​ണ് മ​റ്റൊ​രു സം​ഭ​വം. വ​ള്ള​ത്തി​ൽ സു​ഹൃ​ത്തു​ക്ക​ളു​മാ​യി ചേ​ർ​ന്ന്​ മീ​ൻ പി​ടി​ക്കാ​നാ​യി വ​ല വി​രി​ക്കു​ന്ന​തി​നി​ടെ വ​ള്ളം മ​റി​ഞ്ഞാ​യി​രു​ന്നു ഈ ​അ​പ​ക​ട​വും. കൂ​ടെ​യു​ണ്ടാ​യി​രു​ന്ന​വ​ർ ര​ക്ഷ​പ്പെ​ടു​ത്താ​ൻ ശ്ര​മി​ച്ചെ​ങ്കി​ലും സാ​ധി​ച്ചി​ല്ല. അ​ര മ​ണി​ക്കൂ​റി​ലേ​റെ സ​മ​യം ന​ട​ത്തി​യ തി​ര​ച്ചി​ലി​നൊ​ടു​വി​ൽ ജീ​വ​ന​റ്റ ശ​രീ​ര​മാ​ണ് ല​ഭി​ച്ച​ത്.

ചെ​റു​വി​ല​ക്ക് വാ​ങ്ങു​ന്ന ഫൈ​ബ​ർ വ​ള്ള​ങ്ങ​ളി​ലാ​ണ് ഇ​വ​ർ മീ​ൻ പി​ടി​ക്കാ​ൻ പോ​കു​ന്ന​ത്. അ​ല്ലാ​ത്ത സ​മ​യ​ങ്ങ​ളി​ൽ കു​ട്ടി​ക​ളും സ്ത്രീ​ക​ളും ഉ​ൾ​െ​പ്പ​ടെ ഈ ​വ​ള്ള​ങ്ങ​ളി​ൽ ചു​റ്റി സ​ഞ്ച​രി​ക്കാ​റു​മു​ണ്ട്. ഈ ​സ​മ​യ​ങ്ങ​ളി​ലൊ​ന്നും യാ​തൊ​രു സു​ര​ക്ഷ ഉ​പ​ക​ര​ണ​ങ്ങ​ളും ഈ ​വ​ള്ള​ത്തി​ൽ ക​രു​താ​റി​ല്ല. ലൈ​ഫ് ജാ​ക്ക​റ്റോ ചെ​റു ട്യൂ​ബു​ക​ളോ ട​യ​റു​ക​ളോ ക​രു​തി​യാ​ൽ പോ​ലും ര​ക്ഷ​പ്പെ​ടാ​ൻ ക​ഴി​യും. എ​ന്നാ​ൽ, ഇ​തൊ​ന്നും ശ്ര​ദ്ധി​ക്കാ​നോ അ​തി​നു​വേ​ണ്ട നി​ർ​ദേ​ശ​ങ്ങ​ൾ ന​ൽ​കാ​ൻ അ​ധി​കൃ​ത​രോ ത​യാ​റാ​കു​ന്നി​ല്ല.

സ്വ​കാ​ര്യ വ്യ​ക്തി​ക​ളു​ടെ പ​ത്തി​ല​ധി​കം വ​ള്ള​ങ്ങ​ൾ മ​ല​ങ്ക​ര ജ​ലാ​ശ​യ​ത്തി​ൽ ഇ​റ​ക്കി​യി​ട്ടു​ണ്ട്. ഇ​തി​ൽ സു​ര​ക്ഷ ഉ​പ​ക​ര​ണ​ങ്ങ​ൾ ഇ​ല്ല. കാ​റ്റി​ൽ ആ​ടി ഉ​ല​ഞ്ഞാ​ൽ ഇ​വ മ​റി​യു​ക​യും മു​ങ്ങി​ത്താ​ഴു​ക​യും ചെ​യ്യും. വ​ള്ളം മ​റി​ഞ്ഞു​ള്ള അ​പ​ക​ട​ങ്ങ​ൾ​ക്ക് പു​റ​മെ കു​ളി​ക്കാ​നി​റ​ങ്ങു​ന്ന​വ​ർ അ​പ​ക​ട​ത്തി​ൽ​പെ​ടു​ന്ന​തും നി​ത്യ​സം​ഭ​വ​മാ​ണ്. മ​റ്റി​ട​ങ്ങ​ളി​ൽ​നി​ന്നും എ​ത്തു​ന്ന വി​നോ​ദ സ​ഞ്ചാ​രി​ക​ളാ​ണ് ഇ​തി​ൽ അ​ധി​ക​വും. പ്ര​ധാ​ന ഇ​ട​ങ്ങ​ളി​ൽ പോ​ലും സൂ​ച​ന ബോ​ർ​ഡു​ക​ൾ സ്ഥാ​പി​ച്ച്​ ഒ​രു​പ​രി​ധി വ​രെ അ​പാ​യ മു​ന്ന​റി​യി​പ്പ്​ ന​ൽ​കാ​നാ​കും.