തേക്കടിയിൽ ബോട്ട്​ അറ്റകുറ്റപ്പണി വൈകി; സഞ്ചാരികൾക്ക് ദുരിതം

കു​മ​ളി: വി​നോ​ദ​സ​ഞ്ചാ​രി​ക​ളു​ടെ​ തി​ര​ക്കേ​റി​യ സ​മ​യ​ത്ത്​ ബോ​ട്ടു​ക​ൾ അ​റ്റ​കു​റ്റ​പ്പ​ണി​ക്കാ​യി മാ​റ്റി​യി​ട്ട​ത് സ​ഞ്ചാ​രി​ക​ൾ​ക്ക് ദു​രി​ത​മാ​യി. സീ​സ​ൺ തു​ട​ങ്ങും​മു​മ്പ് പ​ണി​തീ​ർ​ത്ത് ഓ​ടി​ത്തു​ട​ങ്ങേ​ണ്ട ബോ​ട്ടു​ക​ളാ​ണ് അ​ധി​കൃ​ത​രു​ടെ അ​നാ​സ്ഥ​കാ​ര​ണം ഇ​പ്പോ​ഴും ക​ര​യി​ലി​രി​ക്കു​ന്ന​ത്.

കെ.​ടി.​ഡി.​സി​യു​ടെ ഇ​രു​നി​ല ബോ​ട്ടാ​യ ജ​ല​രാ​ജ അ​റ്റ​കു​റ്റ​പ്പ​ണി​ക്കാ​യി ക​ര​യി​ൽ ക​യ​റ്റി​യി​ട്ടി​ട്ട് മൂ​ന്നു​വ​ർ​ഷം ​ പി​ന്നി​ട്ടു. 120പേ​ർ​ക്ക് ക​യ​റാ​വു​ന്ന ബോ​ട്ട് ത​ടാ​ക​ത്തി​ലൂ​ടെ അ​ഞ്ചു​ത​വ​ണ സ​വാ​രി ന​ട​ത്തു​മ്പോ​ൾ 600പേ​ർ​ക്ക് യാ​ത്ര ചെ​യ്യാ​ൻ ക​ഴി​യു​മാ​യി​രു​ന്നു. ഇ​തു​വ​ഴി കെ.​ടി.​ഡി.​സി​ക്ക് ഒ​രു ദി​വ​സം ഒ​ന്ന​ര​ല​ക്ഷ​ത്തി​ല​ധി​കം രൂ​പ വ​രു​മാ​ന​മാ​യി ല​ഭി​ച്ചി​രു​ന്നു. മൂ​ന്നു​വ​ർ​ഷ​മാ​യി ബോ​ട്ട് ക​ര​യി​ലാ​യ​തോ​ടെ കോ​ടി​ക​ളു​ടെ വ​രു​മാ​ന ന​ഷ്ട​മാ​ണ് കെ.​ടി.​ഡി.​സി​ക്ക്​ ഉ​ണ്ടാ​യ​ത്.

അ​ധി​കൃ​ത​രു​ടെ അ​നാ​സ്ഥ സം​ബ​ന്ധി​ച്ച ‘മാ​ധ്യ​മം’ വാ​ർ​ത്ത ശ്ര​ദ്ധ​യി​ൽ​പ്പെ​ട്ട​തോ​ടെ​യാ​ണ് ബോ​ട്ടു​ക​ളു​ടെ അ​റ്റ​കു​റ്റ​പ്പ​ണി ആ​രം​ഭി​ച്ച​ത്. നി​ല​വി​ൽ കെ.​ടി.​ഡി.​സി​യു​ടെ ചെ​റി​യ ബോ​ട്ടാ​യ ജ​ല സു​ന്ദ​രി​യു​ടെ അ​റ്റ​കു​റ്റ​പ്പ​ണി​ക​ളും വ​നം​വ​കു​പ്പി​ന്‍റെ ഇ​രു​നി​ല ബോ​ട്ടി​ന്‍റെ അ​റ്റ​കു​റ്റ​പ്പ​ണി​ക​ളു​മാ​ണ്​ ഒ​രേ​സ​മ​യം ന​ട​ക്കു​ന്ന​ത്. ഇ​ത് പൂ​ർ​ത്തി​യാ​യ ശേ​ഷ​മാ​ണ് ജ​ല​രാ​ജ​യു​ടെ പ​ണി ആ​രം​ഭി​ക്കു​ക.

കെ.​ടി.​ഡി.​സി-​വ​നം​വ​കു​പ്പ്​ ബോ​ട്ടു​ക​ൾ ഓ​ടി​ത്തു​ട​ങ്ങു​ന്ന​തോ​ടെ ഒ​രു​ദി​വ​സം 900 പേ​ർ​ക്ക് കൂ​ടി ബോ​ട്ട് സ​വാ​രി​ക്ക് അ​വ​സ​ര​മു​ണ്ടാ​കും. നി​ല​വി​ൽ 1500പേ​ർ​ക്ക് മാ​ത്ര​മാ​ണ് ഒ​രു​ദി​വ​സം ത​ടാ​ക​ത്തി​ൽ ബോ​ട്ട് സ​വാ​രി ന​ട​ത്താ​ൻ സാ​ഹ​ച​ര്യ​മു​ള്ള​ത്. സ്കൂ​ൾ അ​വ​ധി​ക്കാ​ല​വും ഈ​സ്റ്റ​ർ, വി​ഷു, റ​മ​ദാ​ൻ അ​വ​ധി​ക​ളും ആ​ഘോ​ഷി​ക്കാ​ൻ അ​ഭ്യ​ന്ത​ര-​വി​നോ​ദ സ​ഞ്ചാ​രി​ക​ളു​ടെ വ​ലി​യ തി​ര​ക്കാ​ണ് തേ​ക്ക​ടി​യി​ൽ.

ആ​വ​ശ്യ​ത്തി​ന് ബോ​ട്ട് സൗ​ക​ര്യം ഇ​ല്ലാ​ത്ത​തി​നാ​ൽ കു​ടും​ബ​സ​മേ​ത​മെ​ത്തി​യ സ​ഞ്ചാ​രി​ക​ളി​ൽ പ​ല​രും നി​രാ​ശ​രാ​യി മ​ട​ങ്ങു​ന്ന​തും പ​തി​വാ​ണ്.