ആ​ഫ്രി​ക്ക​ന്‍ പ​ന്നി​പ്പ​നി; ക​ര്‍ഷ​ക​ര്‍ വ​ൻ ക​ട​ബാ​ധ്യ​ത​യി​ൽ

തൊ​ടു​പു​ഴ: ജി​ല്ല​യി​ല്‍ ആ​ഫ്രി​ക്ക​ന്‍ പ​ന്നി​പ്പ​നി പ​ട​രു​ന്ന​തി​നി​ടെ ക​ര്‍ഷ​ക​ര്‍ക്കു​ണ്ടാ​യ​ത് ല​ക്ഷ​ങ്ങ​ളു​ടെ ക​ട​ബാ​ധ്യ​ത. വ​ന്‍തു​ക വാ​യ്പ​യെ​ടു​ത്തും മ​റ്റും പ​ന്നി​ഫാം ന​ട​ത്തി​യ ക​ര്‍ഷ​ക​ര്‍ക്ക് രോ​ഗ​ബാ​ധ മൂ​ലം വ​ന്‍തോ​തി​ലു​ള്ള ന​ഷ്ട​മാ​ണു​ണ്ടാ​യ​ത്. രോ​ഗ​ബാ​ധ സ്ഥി​രീ​ക​രി​ച്ചാ​ല്‍ ദ​യാ​വ​ധം ന​ട​ത്തു​ന്ന പ​ന്നി​ക​ള്‍ക്കാ​ണ് സ​ര്‍ക്കാ​ര്‍ ന​ഷ്ട​പ​രി​ഹാ​രം ന​ല്‍കു​ന്ന​ത്. ഇ​താ​ക​ട്ടെ തൂ​ക്ക​ത്തി​ന്റെ 72 ശ​ത​മാ​നം ക​ണ​ക്കാ​ക്കി 2000 മു​ത​ല്‍ 15000 വ​രെ​യാ​ണ്. എ​ന്നാ​ല്‍ രോ​ഗം ബാ​ധി​ച്ച് ചാ​കു​ന്ന പ​ന്നി​ക​ള്‍ക്ക് ന​ഷ്ട​പ​രി​ഹാ​രം ന​ല്‍കു​ന്ന കാ​ര്യ​ത്തി​ല്‍ ഇ​തു​വ​രെ തീ​രു​മാ​ന​മാ​യി​ട്ടി​ല്ല.

ഒ​ട്ടേ​റെ ക​ര്‍ഷ​ക​ര്‍ ജി​ല്ല​യി​ലെ വി​വി​ധ ഭാ​ഗ​ങ്ങ​ളി​ല്‍ പ​ന്നി​ഫാം ന​ട​ത്തു​ന്നു​ണ്ട്. ഇ​വ​ര്‍ക്കെ​ല്ലാം പ​ന്നി​പ്പ​നി പ്ര​തി​സ​ന്ധി സൃ​ഷ്ടി​ച്ചി​ട്ടു​ണ്ട്. ഓ​രോ പ​ഞ്ചാ​യ​ത്തു​ക​ളി​ല്‍നി​ന്നും സ​മീ​പ പ​ഞ്ചാ​യ​ത്തു​ക​ളി​ലേ​ക്ക് രോ​ഗം പ​ട​രു​ന്ന സാ​ഹ​ച​ര്യ​മാ​ണു​ള്ള​ത്. അ​തി​നാ​ല്‍ കൂ​ടു​ത​ല്‍ ഫാ​മു​ക​ളി​ലെ പ​ന്നി​ക​ളെ കൊ​ല്ലേ​ണ്ടി വ​രും.

സാ​മ്പി​ളു​ക​ള്‍ ശേ​ഖ​രി​ച്ച് പ​രി​ശോ​ധ​ന​ക്ക് അ​യ​ച്ച് ഫ​ലം വ​രാ​ന്‍ വൈ​കു​ന്ന​താ​ണ് ക​ര്‍ഷ​ക​ര്‍ക്ക് വി​ന​യാ​കു​ന്ന​ത്. ഫ​ലം വ​രാ​ന്‍ ദി​വ​സ​ങ്ങ​ള്‍ എ​ടു​ക്കു​മെ​ന്ന​തി​നാ​ല്‍ ഇ​തി​നോ​ട​കം കൂ​ടു​ത​ല്‍ പ​ന്നി​ക​ള്‍ ചാ​കും.

ജി​ല്ല​യി​ല്‍ പ​ന്നി​പ്പ​നി ആ​ദ്യം സ്ഥി​രീ​ക​രി​ച്ച ചാ​ലാ​ശ്ശേ​രി​യി​ലെ ഫാ​മി​ല്‍ ആ​കെ​യു​ണ്ടാ​യി​രു​ന്ന 94 പ​ന്നി​ക​ളി​ല്‍ 68 എ​ണ്ണ​വും പ​രി​ശോ​ധ​ന ഫ​ലം വ​രു​ന്ന​തി​ന്​ മു​മ്പു ത​ന്നെ ച​ത്തി​രു​ന്നു. 26 എ​ണ്ണ​ത്തി​നെ​യാ​ണ് മൃ​ഗ​സം​ര​ക്ഷ​ണ വ​കു​പ്പ് അ​ധി​കൃ​ത​ര്‍ കൊ​ന്ന​ത്. ഇ​തി​നു മാ​ത്ര​മാ​യി​രി​ക്കും ക​ര്‍ഷ​ക​ന് ന​ഷ്ട​പ​രി​ഹാ​രം ല​ഭി​ക്കു​ക. ഒ​രു വ​ര്‍ഷ​ത്തി​നി​ടെ 22 ല​ക്ഷ​ത്തോ​ളം മു​ട​ക്കി​യ ക​ര്‍ഷ​ക​ന് ല​ഭി​ക്കു​ക തു​ശ്ച​മാ​യ ന​ഷ്ട​പ​രി​ഹാ​രം മാ​ത്ര​മാ​യി​രി​ക്കും.

മ​റ്റു ഫാ​മു​ക​ളി​ലെ ക​ര്‍ഷ​ക​ര്‍ക്കും ഇ​തേ അ​വ​സ്ഥ ത​ന്നെ​യാ​ണ്. ഇ​തു​കൂ​ടാ​തെ വ​ള​ര്‍ത്തു​പ​ന്നി​ക​ള്‍ക്ക് ഇ​ന്‍ഷു​റ​ന്‍സ് പ​ദ്ധ​തി​യി​ല്ലാ​ത്ത​തും ക​ർ​ഷ​ക​ർ​ക്ക്​ വെ​ല്ലു​വി​ളി​യാ​യി.