ആന​പ്പേടിയിൽ മാങ്കുളത്തുകാരുടെ രാപ്പകലുകൾ

അ​ടി​മാ​ലി: വേ​ന​ൽ ക​ടു​ത്ത​തോ​ടെ കാ​ട്ടാ​ന കൂ​ട്ട​ത്തി​ന്‍റെ ചി​ന്നം വി​ളി​യി​ൽ വി​റ​ങ്ങ​ലി​ച്ചി​രി​ക്കു​ക​യാ​ണ് മാ​ങ്കു​ളം പ​ഞ്ചാ​യ​ത്തി​ലെ ആ​ന​ക്കു​ളം വ​ല്യ​പാ​റ കു​ട്ടി മേ​ഖ​ല. സ​ന്ധ്യ​മ​യ​ങ്ങി​യാ​ൽ വ​ന​ത്തി​ൽ നി​ന്നും കൂ​ട്ട​ത്തോ​ടെ എ​ത്തു​ന്ന കാ​ട്ടാ​ന​ക​ൾ നേ​രം പു​ല​രു​വോ​ളം ഇ​വി​ടെ ത​മ്പ​ടി​ക്കും. കൃ​ഷി​ക​ൾ തി​ന്നും ന​ശി​പ്പി​ച്ചും ഇ​വ​യു​ടെ പ​രാ​ക്ര​മം പ​ല​പ്പോ​ഴും വീ​ടു​ക​ൾ​ക്ക് നേ​രെ​യും ഉ​ണ്ടാ​കു​ന്നു. കൈ​ക്കു​ഞ്ഞു​ങ്ങ​ളെ​യും മു​തി​ർ​ന്ന​വ​രെ​യും ചു​മ​ലി​ലേ​റ്റി ര​ക്ഷ​പ്പെ​ടേ​ണ്ട ഗ​തി​കേ​ടി​ലാ​ണ്​ പ​ല​രും. ക​ഴി​ഞ്ഞ കു​റ​ച്ചു നാ​ളു​ക​ളാ​യി ഈ ​നാ​ടി​ന്‍റെ ഉ​റ​ക്കം​ത​ന്നെ ന​ഷ്ട​മാ​യി​രി​ക്കു​ന്നു. എ​വി​ടെ​ക്ക് ഓ​ടി​യാ​ലാ​ണ് കാ​ട്ടാ​ന​ക​ളു​ടെ മു​ന്നി​ൽ നി​ന്നും ര​ക്ഷ​യെ​ന്ന​റി​യാ​ത്ത അ​ങ്ക​ലാ​പ്പി​ലാ​ണ്​ ഇ​വ​ർ. ര​ണ്ട്​ ദി​വ​സ​മാ​യി നാ​ല്​ കാ​ട്ടാ​ന​ക​ൾ ഇ​വി​ടെ ത​മ്പ​ടി​ച്ചി​രി​ക്കു​ക​യാ​ണ്. വാ​ഴ, മ​ര​ച്ചീ​നി, തെ​ങ്ങ്, ക​വു​ങ്ങ് എ​ന്നു​വേ​ണ്ട ക​ണ്ണി​ൽ ക​ണ്ട​തെ​ല്ലാം തി​ന്നു​ക​യും ന​ശി​പ്പി​ക്കു​ക​യും ചെ​യ്തു.

രാ​ത്രി​യി​ൽ വീ​ട്ടി​ൽ നി​ന്നും പു​റ​ത്തി​റ​ങ്ങാ​ൻ പ​റ്റാ​താ​യി​രി​ക്കു​ന്നു. പ​നി മൂ​ർഛി​ച്ച കു​ട്ടി​യെ ആ​ന​ക​ളെ പേ​ടി​ച്ച്​ ആ​ശു​പ​ത്രി​യി​ലെ​ത്തി​ച്ച​ത്​ എ​ട്ട്​ മ​ണി​ക്കൂ​ർ ക​ഴി​ഞ്ഞാ​ണ്. കാ​ട്ടാ​ന വ​രാ​തി​രി​ക്കാ​ൻ ഉ​രു​ക്കു​വ​ടം, വൈ​ദ്യു​തി വേ​ലി എ​ന്നി​വ സ്ഥാ​പി​ച്ചി​ട്ടു​ണ്ടെ​ങ്കി​ലും ഇ​വ​യൊ​ക്കെ ന​ശി​ച്ചു​ക​ഴി​ഞ്ഞു. വാ​ർ​ഷി​ക അ​റ്റ​കു​റ്റ​പ്പ​ണി വ​നം വ​കു​പ്പ് ന​ട​ത്താ​ത്ത​താ​ണ്​ പ്ര​ശ്ന​ത്തി​ന് കാ​ര​ണം. കൃ​ഷി​യും വീ​ടും ന​ശി​ച്ച​വ​ർ വ​ന​പാ​ല​ക​രെ സ​മീ​പി​ച്ചാ​ലും ന​ഷ്ട​പ​രി​ഹാ​രം കി​ട്ടു​ന്നു​മി​ല്ല. കാ​ട്ടാ​ന എ​ത്തി​യ വി​വ​രം വ​നം വ​കു​പ്പി​നെ അ​റി​യി​ച്ചാ​ൽ അ​വ​ർ തി​രി​ഞ്ഞു​നോ​ക്കാ​റു​മി​ല്ല. കാ​ട്ടാ​ന ശ​ല്യം രൂ​ക്ഷ​മാ​യ​തോ​ടെ റ​ബ​ർ ടാ​പ്പി​ങ്​ പോ​ലു​ള്ള ​ജോ​ലി​ക്ക്​ പേ​കാ​ൻ ക​ഴി​യാ​ത്ത​വി​ധം ഭീ​തി​യി​ലാ​ണ്​ നാ​ട്ടു​കാ​ർ. ഇ​തോ​ടെ നി​ത്യ ചി​ല​വി​ന് പോ​ലും വ​ക ക​ണ്ടെ​ത്താ​ൻ ക​ഴി​യാ​തെ ബു​ദ്ധി​മു​ട്ടു​ക​യാ​ണ് മേ​ഖ​ല​യി​ലെ 50 ഓ​ളം കു​ടും​ബ​ങ്ങ​ൾ.

ആനയെ കണ്ട് ഭയന്നോടിയ സ്ത്രീക്ക്​ വീണ് പരിക്ക്

അ​ടി​മാ​ലി: ചി​ന്ന​ക്ക​നാ​ൽ ബി.​എ​ൽ റാ​മി​ൽ കാ​ട്ടാ​ന ഓ​ടി​ച്ച വീ​ട്ട​മ്മ​യ്ക്ക് വീ​ണു പ​രി​ക്കേ​റ്റു. പാ​ൽ​ത്താ​യി​ക്കാ​ണ് പ​രിക്കേ​റ്റ​ത്. ഇ​വ​രെ തേ​നി മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ചു.

വെ​ള്ളി​യാ​ഴ്ച രാ​വി​ലെ ഏ​ഴ​ര​യോ​ടെ​യാ​ണ് സം​ഭ​വം. മൂ​ന്നാ​ഴ്ച​യാ​യി ച​ക്ക​ക്കൊ​മ്പ​ൻ എ​ന്ന് നാ​ട്ടു​കാ​ർ വി​ളി​ക്കു​ന്ന ഒ​റ്റ​യാ​ൻ പ​രി​സ​ര​പ്ര​ദേ​ശ​ങ്ങ​ളി​ൽ ചു​റ്റി ന​ട​ക്കു​ക​യാ​ണ്. രാ​ത്രി​യി​ൽ ബി.​എ​ൽ റാം - ​സൂ​ര്യ​നെ​ല്ലി - ബോ​ഡി​മെ​ട്ട് റോ​ഡി​ലൂ​ടെ ഇ​റ​ങ്ങി ന​ട​ക്കു​ന്ന ഒ​റ്റ​യാ​ൻ രാ​വി​ലെ​യാ​ണ് കാ​ടുക​യ​റു​ന്ന​ത്. പാ​ൽ​ത്താ​യി സ​മീ​പ​വാ​സി​യാ​യ വീ​ട്ട​മ്മ​യോ​ടൊ​പ്പം പാ​ൽ വാ​ങ്ങാ​ൻ ടൗ​ണി​ലേ​ക്ക് വ​രു​മ്പോ​ഴാ​ണ് ച​ക്ക​ക്കൊ​മ്പ​ൻ റോ​ഡി​ൽ ഇ​റ​ങ്ങി ഇ​വ​രു​ടെ അ​ടു​ത്തേ​ക്ക്​ വ​ന്ന​ത്.​​ ഓ​ടി ര​ക്ഷ​പ്പെ​ടു​ന്ന​തി​നി​ടെ പാ​ൽ​ത്താ​യി ഓ​ട​യി​ൽ വീ​ണു. നി​ല​വി​ളി കേ​ട്ട് എ​ത്തി​യ നാ​ട്ടു​കാ​ർ ഒ​ച്ച വ​ച്ച​തോ​ടെ​യാ​ണ് ഒ​റ്റ​യാ​ൻ പി​ന്തി​രി​ഞ്ഞ​ത്. വീ​ഴ്ച​യി​ൽ നെ​ഞ്ചി​നും ക​ഴു​ത്തി​നും പ​രിക്കേ​റ്റു. ഇ​വ​രു​ടെ പ​രിക്ക് ഗു​രു​ത​ര​മ​ല്ലെ​ന്ന് ഡോ​ക്ട​ർ​മാ​ർ അ​റി​യി​ച്ചു.