ജലനിധി വന്നു, വിഹിതവും വാങ്ങി; വെള്ളം മാത്രമില്ല

അ​ടി​മാ​ലി: ജ​ല​നി​ധി പ​ദ്ധ​തി ന​ട​പ്പാ​ക്കി​യ ചി​ല പ​ഞ്ചാ​യ​ത്തു​ക​ളി​ല്‍ കു​ടി​വെ​ള്ള​മി​ല്ലാ​തെ ജ​ന​ങ്ങ​ള്‍ നെ​ട്ടോ​ട്ട​ത്തി​ല്‍. അ​ടി​മാ​ലി, വെ​ള്ള​ത്തൂ​വ​ല്‍, കൊ​ന്ന​ത്ത​ടി, മാ​ങ്കു​ളം പ​ഞ്ചാ​യ​ത്തു​ക​ളി​ലാ​ണ് വേ​ന​ല്‍ ക​ന​ത്ത​തോ​ടെ കു​ടി​വെ​ള്ള​ത്തി​നാ​യി നെ​ട്ടോ​ട്ട​മ​ടു​ന്ന​ത്.

ജി​ല്ല​യി​ല്‍ ആ​ദ്യ​മാ​യി ജ​ല​നി​ധി പ​ദ്ധ​തി ന​ട​പ്പാ​ക്കി​യ വെ​ള്ള​ത്തൂ​വ​ല്‍ പ​ഞ്ചാ​യ​ത്തി​ലെ കൂ​മ്പ​ന്‍പാ​റ, മാ​ങ്ക​ട​വ്, ഓ​ട​ക്കാ​സി​റ്റി, നാ​യി​ക്കു​ന്ന്, വെ​ള്ള​ത്തൂ​വ​ല്‍, ക​ത്തി​പ്പാ​റ, അ​ടി​മാ​ലി പ​ഞ്ചാ​യ​ത്തി​ലെ ദേ​വി​യാ​ര്‍ കോ​ള​നി, പ​തി​നാ​ലാം​മൈ​ല്‍, ക​മ്പി​ലൈ​ന്‍, വ​ട​ക്കേ​ച്ചാ​ല്‍, കൈ​ത​ച്ചാ​ല്‍, ആ​ദി​വാ​സി സ​ങ്കേ​ത​മാ​യ ചി​ന്ന​പ്പാ​റ, ത​ല​മാ​ലി, പ​ടി​ക്ക​പ്പ്, ഒ​ഴു​വ​ത്ത​ടം, മ​ച്ചി​പ്ലാ​വ്, ത​ല​യൂ​ര​പ്പ​ന്‍കു​ടി, മാ​ങ്കു​ളം പ​ഞ്ചാ​യ​ത്തി​ലെ പെ​രു​മ്പ​ന്‍കു​ത്ത്, റേ​ഷ​ന്‍ക​ട​പ്പ​ടി, മാ​ങ്കു​ളം, താ​ളും​ക​ണ്ടം, വേ​ലി​യാം​പാ​റ, മു​നി​പാ​റ, കൊ​ന്ന​ത്ത​ടി പ​ഞ്ചാ​യ​ത്തി​ലെ അ​ഞ്ചാം​മൈ​ല്‍, കാ​ക്കാ​സി​റ്റി, വി​മ​ല​സി​റ്റി, പൊ​ന്മു​ടി, പ​ണി​ക്ക​ന്‍കു​ടി തു​ട​ങ്ങി​യ പ്ര​ദേ​ശ​ങ്ങ​ളി​ലാ​ണ് കു​ടി​വെ​ള്ള​ക്ഷാ​മം രൂ​ക്ഷ​മാ​യ​ത്. ഇ​വി​ട​ങ്ങ​ളി​ലെ​ല്ലാം ജ​ല​നി​ധി പ​ദ്ധ​തി​യി​ല്‍ കൂ​റ്റ​ന്‍ പ​ദ്ധ​തി​ക​ള്‍ ന​ട​പ്പാ​ക്കി​യ​താ​ണ്. ഒ​രു കോ​ടി​യി​ലേ​റെ മു​ട​ക്കി​യ ദേ​വി​യാ​ര്‍ കു​ടി​വെ​ള്ള പ​ദ്ധ​തി, ആ​ന​വി​ര​ട്ടി കു​ടി​വെ​ള്ള പ​ദ്ധ​തി, അ​ഞ്ചാം​മൈ​ല്‍ പ​ദ്ധ​തി, ചി​ന്ന​പ്പാ​റ​കു​ടി പ​ദ്ധ​തി എ​ന്നി​വ​യൊ​ക്കെ പാ​ഴാ​യി. അ​ധി​കൃ​ത​രു​ടെ വാ​ക്ക് വി​ശ്വ​സി​ച്ച് പ​ദ്ധ​തി വി​ഹി​തം ന​ല്‍കി​യ​വ​ര്‍ പ​ണ​വും പോ​യി, വെ​ള്ള​വു​മി​ല്ല എ​ന്ന അ​വ​സ്ഥ​യി​ലാ​ണ്. വാ​ള​റ കോ​ള​നി​പാ​ല​ത്തി​ന് സ​മീ​പം കൂ​റ്റ​ന്‍ കു​ള​വും മു​നി​യ​റ​ച്ചാ​ല്‍ മ​ല​മു​ക​ളി​ല്‍ വ​ലി​യ ടാ​ങ്കു​ക​ളും നി​ര്‍മി​ക്കു​ക​യും വീ​ടു​ക​ളി​ല്‍ പൈ​പ്പു​ക​ള്‍ സ്ഥാ​പി​ക്കു​ക​യും ചെ​യ്ത വ​ലി​യ പ​ദ്ധ​തി​യാ​ണ് ദേ​വി​യാ​റി​ലേ​ത്. ഒ​ന്ന​ര​കോ​ടി​യോ​ളം ചി​ല​വ് വ​ന്ന പ​ദ്ധ​തി​യി​ല്‍ പ​ദ്ധ​തി വി​ഹി​ത​വും അ​ധി​ക​മാ​യി ഗു​ണ​ഭോ​ക്താ​ക്ക​ള്‍ പി​രി​ച്ച് ന​ല്‍കി​യ ല​ക്ഷ​ങ്ങ​ളും പാ​ഴാ​യ​ത​ല്ലാ​തെ ഇ​വി​ടെ ആ​ര്‍ക്കും വെ​ള്ള​മെ​ത്തി​യി​ട്ടി​ല്ല. 20 സെ​ന്റ് കോ​ള​നി, ല​ക്ഷം​വീ​ട് കോ​ള​നി എ​ന്നി​വി​ട​ങ്ങ​ളി​ലു​ള്ള​വ​ര്‍ കു​ടി​വെ​ള്ളം ചു​മ​ന്നാ​ണ് ഇ​പ്പോ​ള്‍ ദി​ന​രാ​ത്ര​ങ്ങ​ള്‍ ത​ള്ളി​നീ​ക്കു​ന്ന​ത്.

ആ​ദി​വാ​സി കോ​ള​നി​ക​ളി​ല്‍ കു​ടി​വെ​ള്ള ക്ഷാ​മം പ​രി​ഹ​രി​ക്കാ​ന്‍ പ​ണ​മ​ട​ച്ചി​ട്ടും ആ​ദി​വാ​സി​ക​ള്‍ കു​ടി​വെ​ള്ള​ത്തി​നാ​യി കാ​ത്തി​രി​പ്പ് തു​ട​ങ്ങി​യി​ട്ട് ഏ​ഴ് വ​ര്‍ഷ​ത്തോ​ള​മാ​യി. പ​ല പ​ദ്ധ​തി​ക​ളും ക​മ്മീ​ഷ​ന്‍ ചെ​യ്യും മു​മ്പേ പ​ഞ്ചാ​യ​ത്തി​നെ ഏ​ല്‍പ്പി​ച്ച് ക​രാ​റു​കാ​ര​ന്‍ മു​ഴു​വ​ന്‍ തു​ക​യും മാ​റി​യെ​ടു​ത്ത് ഇ​വി​ടം വി​ട്ടു. ഇ​നി കു​ടി​വെ​ള്ളം കി​ട്ടു​മെ​ന്ന ഒ​രു പ്ര​തീ​ക്ഷ​യും ആ​ദി​വാ​സി​ക​ള്‍ക്കി​ല്ല. മൂ​ന്ന്​ പ​ഞ്ചാ​യ​ത്തു​ക​ളി​ലാ​യി 37 കോ​ടി​യു​ടെ പ​ദ്ധ​തി​ക്കാ​ണ് ലോ​ക ബാ​ങ്ക് പ​ണം അ​നു​വ​ദി​ച്ച​ത്. ചി​ല പ​ദ്ധ​തി​ക​ള്‍ മാ​ത്ര​മാ​ണ് ഭാ​ഗി​ക​മാ​യി പ്ര​വ​ര്‍ത്തി​ക്കു​ന്ന​ത്.