ജൽജീവൻ പൈപ്പിടാൻ റോഡ്​ കുത്തിപ്പൊളിക്കുന്നതിനെതിരെ നാട്ടുകാർ

അ​ടി​മാ​ലി: കൊ​ന്ന​ത്ത​ടി കൊ​മ്പൊ​ടി​ഞ്ഞാ​മാ​ലി​ൽ ജ​ൽ ജീ​വ​ൻ മി​ഷ​ന്‍റെ പൈ​പ്പി​ട​ൽ ജോ​ലി​ക​ൾ ത​ട​ഞ്ഞ് നാ​ട്ടു​കാ​ർ. റോ​ഡി​ന്റെ ടാ​റി​ങ്​ ഉ​ൾ​പ്പെ​ടെ കു​ത്തി​പ്പൊ​ളി​ക്കു​ന്നു​വെ​ന്ന്​ ആ​രോ​പി​ച്ചാ​ണ്​ നാ​ട്ടു​കാ​ർ പ്ര​തി​ഷേ​ധി​ച്ച​ത്. മ​ണ്ണു​മാ​ന്തി യ​ന്ത്ര​ങ്ങ​ൾ ഉ​ൾ​പ്പെ​ടെ വാ​ഹ​ന​ങ്ങ​ളും നി​ർ​മാ​ണ ഉ​പ​ക​ര​ണ​ങ്ങ​ളും പി​ടി​ച്ചെ​ടു​ത്തും പ്ര​തി​ഷേ​ധി​ച്ച സ​മ​ര​ക്കാ​ർ, റോ​ഡി​ൽ പ​ച്ച​ക്ക​റി കൃ​ഷി ഇ​റ​ക്കു​ക​യും ചെ​യ്തു.

ക​ല​ക്ട​ർ എ​ത്തി​യാ​ലേ സ​മ​ര​ത്തി​ൽ​നി​ന്ന്​ പി​ന്മാ​റൂ​വെ​ന്നും അ​റി​യി​ച്ചു. പൈ​പ്പി​ട​ൽ ജോ​ലി​ക​ൾ​ക്ക്​ എ​ത്തി​ച്ച വാ​ഹ​ന​ങ്ങ​ളും ക​രാ​റു​കാ​രു​ടെ വാ​ഹ​ന​ങ്ങ​ളും ഉ​ൾ​പ്പെ​ടെ​യാ​ണ് ത​ട​ഞ്ഞ​ത്. ചൊ​വ്വാ​ഴ്ച രാ​വി​ലെ പ​ത്തോ​ടെ​യാ​ണ് നാ​ട്ടു​കാ​ർ സം​ഘ​ടി​ച്ചെ​ത്തി നി​ർ​മാ​ണം ത​ട​ഞ്ഞ​ത്. എ​ന്നാ​ൽ, ജ​ന​പ്ര​തി​നി​ധി​ക​ൾ ആ​രും എ​ത്തി​യി​ല്ല. ക​ല​ക്ട​ർ എ​ത്തി പു​തി​യ റോ​ഡ് നി​ർ​മി​ച്ചു ന​ൽ​കു​മെ​ന്ന് ഉ​റ​പ്പു​ന​ൽ​കി​യാ​ൽ മാ​ത്ര​മേ വാ​ഹ​ന​ങ്ങ​ൾ വി​ട്ടു​ന​ൽ​കൂ​വെ​ന്ന്​ നാ​ട്ടു​കാ​ർ പ​റ​ഞ്ഞു.

കെ.​എം. ബീ​ന​മോ​ൾ റോ​ഡി​ൽ​നി​ന്ന്​ മാ​ങ്ങാ​പ്പാ​റ-​ചേ​പ്ലാം​കു​ഴി-​ക​ട​മാ​ൻ​പ​ടി റോ​ഡി​ലെ ടാ​റി​ങ്​ പൊ​ളി​ച്ച് വ​ലി​യ കു​ഴി​ക​ൾ എ​ടു​ത്ത് പൈ​പ്പു​ക​ൾ സ്ഥാ​പി​ക്കു​ന്ന ജോ​ലി​യാ​ണ് ന​ട​ക്കു​ന്ന​ത്. പ്ര​ധാ​ന റോ​ഡു​ക​ളി​ലേ​ക്ക് എ​ത്താ​ൻ ര​ണ്ട​ര കി​ലോ​മീ​റ്റ​റാ​ണ് വേ​ണ്ട​ത്. നൂ​റു​ക​ണ​ക്കി​ന് കു​ടും​ബ​ങ്ങ​ളാ​ണ് ഈ ​റോ​ഡി​നെ ആ​ശ്ര​യി​ക്കു​ന്ന​ത്. വ​ർ​ഷ​ങ്ങ​ൾ​ക്ക്​ മു​മ്പ്​ ടാ​ർ ചെ​യ്ത റോ​ഡ് പൊ​ട്ടി​പ്പൊ​ളി​ഞ്ഞ്​ ഗ​താ​ഗ​ത​യോ​ഗ്യ​മ​ല്ലാ​താ​യി മാ​റി​യി​രു​ന്നു. ഇ​തി​ന് പു​റ​മെ​യാ​ണ് വീ​ണ്ടും റോ​ഡ് കു​ത്തി​പ്പൊ​ളി​ക്കു​ന്ന​ത്.