ബൈസൺവാലി പഞ്ചായത്തിന്‍റെ ഫേമസ് ബേക്കറി അടച്ചുപൂട്ടി

അ​ടി​മാ​ലി: ജി​ല്ല​യി​ലെ ത​ന്നെ ഏ​റ്റ​വും മി​ക​ച്ച ബേ​ക്ക​റി​യി​ൽ ഒ​ന്നാ​യി മാ​റി​യ ബൈ​സ​ൺ​വാ​ലി പ​ഞ്ചാ​യ​ത്ത് സി.​ഡി.​എ​സ് ന​ട​ത്തി​യ ഫേ​മ​സ് ബേ​ക്ക​റി അ​ട​ച്ചു​പൂ​ട്ടി. കെ​ടു​കാ​ര്യ​സ്ഥ​ത മൂ​ല​മു​ണ്ടാ​യ വ​ൻ ബാ​ധ്യ​ത​യാ​ണ് പൂ​ട്ടാ​ൻ കാ​ര​ണം.

2013ലാ​ണ് പ​ഞ്ചാ​യ​ത്തി​ന്‍റെ നേ​തൃ​ത്വ​ത്തി​ൽ സി.​ഡി.​എ​സി​ന്‍റെ ആ​ഭി​മു​ഖ്യ​ത്തി​ൽ കു​ടും​ബ​ശ്രീ പ്ര​വ​ർ​ത്ത​ക​രെ ഉ​ൾ​പ്പെ​ടു​ത്തി പ​ഞ്ചാ​യ​ത്തി​ന് സ​മീ​പ​ത്ത് ഫേ​മ​സ് ബേ​ക്ക​റി ആ​രം​ഭി​ച്ച​ത്. പ​ഞ്ചാ​യ​ത്ത് ബേ​ക്ക​റി​ക്കു​വേ​ണ്ടി 80 ല​ക്ഷം രൂ​പ മു​ട​ക്കി കെ​ട്ടി​ടം നി​ർ​മി​ച്ചു ന​ൽ​കി. നാ​ൾ​ക്കു​നാ​ൾ വ​ള​ർ​ന്നു​വ​ന്ന ബേ​ക്ക​റി പി​ന്നീ​ട് ജി​ല്ല​യി​ലെ ഏ​റ്റ​വും ന​ല്ല ബേ​ക്ക​റി​ക​ളി​ൽ ഒ​ന്നാ​യി മാ​റി. മ​റ​യൂ​ർ, കാ​ന്ത​ല്ലൂ​ർ ഉ​ൾ​പ്പെ​ടെ​യു​ള്ള പ്ര​ദേ​ശ​ങ്ങ​ളി​ൽ​നി​ന്ന്​ ആ​ളു​ക​ൾ ഫേ​മ​സി​ന്‍റെ ബേ​ക്ക​റി സാ​ധ​ന​ങ്ങ​ൾ ചോ​ദി​ച്ചു വാ​ങ്ങി​യി​രു​ന്നു. മാ​യ​വും രാ​സ​വ​സ്തു​ക്ക​ളും ചേ​ർ​ക്കാ​തെ നി​ർ​മി​ച്ചി​രു​ന്ന ബേ​ക്ക​റി വ​സ്തു​ക്ക​ൾ ന​ല്ല നി​ല​യി​ൽ വി​റ്റു​പോ​കു​ക​യും ചെ​യ്തി​രു​ന്നു.

2018ലെ ​കു​ടും​ബ​ശ്രീ​യു​ടെ മി​ക​ച്ച സം​രം​ഭ​ത്തി​നു​ള്ള സ​ർ​ക്കാ​റി​ന്‍റെ അ​വാ​ർ​ഡും ഫേ​മ​സ് ബേ​ക്ക​റി ക​ര​സ്ഥ​മാ​ക്കി. എ​ന്നാ​ൽ, പി​ന്നീ​ട് അ​ധി​കൃ​ത​രു​ടെ കെ​ടു​കാ​ര്യ​സ്ഥ​ത​യും അ​ല​സ​മ​നോ​ഭാ​വ​വും ധൂ​ർ​ത്തും മൂ​ല​മാ​ണ് ബേ​ക്ക​റി പൂ​ട്ടു​ന്ന​തി​ന് ഇ​ട​യാ​യ​ത്.

വി​വി​ധ ബാ​ങ്കു​ക​ളി​ലാ​യി ഒ​രു കോ​ടി​യി​ൽ അ​ധി​കം ബാ​ധ്യ​ത ബേ​ക്ക​റി​ക്കു​ണ്ട്. കൂ​ടാ​തെ പൊ​ട്ട​ൻ​കാ​ട് സ​ർ​വി​സ് സ​ഹ. ബാ​ങ്കി​ൽ 20 കു​ടും​ബ​ശ്രീ പ്ര​വ​ർ​ത്ത​ക​രു​ടെ പേ​രി​ൽ വ്യ​ക്തി​ഗ​ത വാ​യ്പ​യാ​യി ആ​ൾ ഒ​ന്നി​ന് 63,000 രൂ​പ വീ​തം ലോ​ണെ​ടു​ത്തി​ട്ടു​മു​ണ്ട്. അ​വ​രെ​യാ​ണ് ഇ​വി​ടെ ജീ​വ​ന​ക്കാ​രാ​യി നി​യ​മി​ച്ച​ത്. ബേ​ക്ക​റി അ​ട​ച്ചു​പൂ​ട്ടി​യ​തോ​ടെ ഈ ​തു​ക​യ​ട​ച്ചു തീ​ർ​ക്കേ​ണ്ട ബാ​ധ്യ​ത ഈ ​കു​ടും​ബ​ശ്രീ അം​ഗ​ങ്ങ​ൾ​ക്ക് വ​ന്നി​രി​ക്കു​ക​യാ​ണ്. കൂ​ടാ​തെ മൈ​ദ, പ​ഞ്ച​സാ​ര പോ​ലെ​യു​ള്ള പ​ല​ച​ര​ക്ക് സാ​ധ​ന​ങ്ങ​ൾ വാ​ങ്ങി​യ ഇ​ന​ത്തി​ൽ ഇ​രു​പ​തേ​ക്ക​ർ, ആ​ന​ച്ചാ​ൽ, അ​ടി​മാ​ലി എ​ന്നി​വി​ട​ങ്ങ​ളി​ലെ വി​വി​ധ വ്യാ​പാ​ര​സ്ഥാ​പ​ന​ങ്ങ​ളി​ൽ 20 ല​ക്ഷ​ത്തി​ല​ധി​കം രൂ​പ ന​ൽ​കാ​നു​ണ്ട്. ഇ​രു​പ​തേ​ക്ക​റി​ലെ ഒ​രു വ്യാ​പാ​ര സ്ഥാ​പ​ന​ത്തി​ൽ ത​ന്നെ 10 ല​ക്ഷം രൂ​പ​യി​ൽ അ​ധി​കം ന​ൽ​കാ​നു​ണ്ട്.

വ​ര​വ് നോ​ക്കാ​തെ ന​ട​ത്തി​യ ചെ​ല​വും അ​മി​ത​മാ​യ തോ​തി​ലു​ള്ള നി​ർ​മാ​ണ​വും സാ​ധ​ന​ങ്ങ​ൾ വാ​ങ്ങി​യ​തി​ലെ അ​ഴി​മ​തി​യു​മാ​ണ്​ ബേ​ക്ക​റി​യെ ത​ക​ർ​ത്ത​ത്. ബേ​ക്ക​റി സാ​ധ​ന​ങ്ങ​ളു​ടെ പ്ലാ​സ്റ്റി​ക് ക​വ​റി​ൽ ഒ​ട്ടി​ക്കു​ന്ന സ്റ്റി​ക്ക​റു​ക​ൾ 50 പൈ​സ​ക്ക്​ ല​ഭി​ക്കു​മെ​ന്നി​രി​ക്കെ ഒ​രെ​ണ്ണ​ത്തി​ന് 3.50 പൈ​സ എ​ന്ന നി​ര​ക്കി​ലാ​ണ് ബേ​ക്ക​റി വാ​ങ്ങി​ക്കൊ​ണ്ടി​രു​ന്ന​ത്. സ്ഥാ​പ​ന​ത്തി​ന്‍റെ ത​ക​ർ​ച്ച​ക്ക്​ കാ​ര​ണം രാ​ഷ്ട്രീ​യ​ക്കാ​രു​ടെ അ​ഴി​മ​തി​യാ​ണെ​ന്നാ​ണ് നാ​ട്ടു​കാ​ർ ആ​രോ​പി​ക്കു​ന്ന​ത്.