കൺസെഷൻ നൽകിയില്ല; സ്വകാര്യ ബസ് പിടികൂടി

അടിമാലി: വിദ്യാർഥികൾക്ക് കൺസെഷൻ കൊടുക്കാത്ത സ്വകാര്യ ബസിനെതിരെ മോട്ടോർ വാഹന വകുപ്പ് കേസ് എടുത്തു. വിദ്യാർഥികളുടെ പരാതിയിലാണ് നടപടി. അടിമാലി ബസ്സ്റ്റാൻഡിൽനിന്ന് ബസ് പിടികൂടി.

മോട്ടോർ വെഹിക്കിൾ ഇൻസ്‌പെക്ടർ വാഹനം ഓടിച്ചു നോക്കി പരിശോധിച്ചതിൽ കണ്ടെത്തിയ സാങ്കേതിക തകരാറുകൾ പരിഹരിച്ചശേഷം സർവിസ് നടത്താൻ നിർദേശിച്ചു. മോട്ടോർ വെഹിക്കിൾ ഇൻസ്‌പെക്ടർമാരായ എൽദോ വർഗീസ്, ഫ്രാൻസിസ്, എ.എം.വി.ഐമാരായ അബിൻ ഐസക്, ഫവാസ് സലീം എന്നിവർ പങ്കെടുത്തു.

വിദ്യാർഥികളോട് അപമര്യാദയായി പെരുമാറുന്ന ബസ് ജീവനക്കാർക്കെതിരെ ശക്തമായ നടപടി എടുക്കുമെന്ന് ഇടുക്കി ആർ.ടി.ഒ ആർ.രമണൻ അറിയിച്ചു