മത്തായിക്ക്​ ഇതൊന്നും ആക്രിയല്ല, അമൂല്യ നിധി ശേ​ഖ​രി​ച്ച പു​രാ​വ​സ്തു​ക്ക​ൾ​കൊ​ണ്ട്​ മ്യൂ​സി​യം സ​ജ്ജീ​ക​രി​ക്കാ​ൻ ഒ​രു​ക്കം

അ​ടി​മാ​ലി: രാ​ജാ​ക്കാ​ട്ടെ ആ​ക്രി​വ്യാ​പാ​രി​യാ​ണ്​ പു​യ്യ​ക്ക​ൽ മ​ത്താ​യി. പ​ക്ഷേ, വെ​റു​മൊ​രു ആ​ക്രി​ക്ക​ച്ച​വ​ട​ക്കാ​ര​ന​ല്ല; മു​ന്നി​ലെ​ത്തു​ന്ന ആ​ക്രി​സാ​ധ​ന​ങ്ങ​ളി​ൽ​നി​ന്ന്​ അ​മൂ​ല്യ​മാ​യ​ത്​ പ​ല​തും ​ക​ണ്ടെ​ടു​ക്കു​ന്നു. പോ​യ​കാ​ല​ത്തി​ന്‍റെ ച​രി​​ത്രം തു​ടി​ക്കു​ന്ന ശേ​ഷി​പ്പു​ക​ളാ​യി അ​ത്​ നി​ധി​പോ​ലെ സൂ​ക്ഷി​ച്ചു​വെ​ക്കും. മ​റ്റു​ള്ള​വ​ർ ആ​ക്രി​യെ​ന്ന്​ പ​റ​ഞ്ഞ്​ ഉ​പേ​ക്ഷി​ക്കു​ന്ന പ​ല​തും മ​ത്താ​യി​യു​ടെ ക​ണ്ണി​ൽ ച​രി​ത്ര​പ്രാ​ധാ​ന്യ​മു​ള്ള പു​രാ​വ​സ്തു​ക്ക​ളാ​ണ്. അ​ങ്ങ​നെ ശേ​ഖ​രി​ച്ച പു​രാ​വ​സ്തു​ക്ക​ൾ​കൊ​ണ്ട്​ വ​രും​ത​ല​മു​റ​ക്ക്​ മ്യൂ​സി​യം സ​ജ്ജീ​ക​രി​ക്കാ​നു​ള്ള ഒ​രു​ക്ക​ത്തി​ലാ​ണ്​ മ​ത്താ​യി.

ആ​ക്രി​സാ​ധ​ന​ങ്ങ​ൾ വ​ന്നാ​ൽ വെ​റു​തെ അ​ല​ക്ഷ്യ​മാ​യി കൂ​ട്ടി​യി​ടു​ക​യ​ല്ല മ​ത്താ​യി​യു​ടെ രീ​തി. ദി​വ​സ​വും ത​ന്‍റെ ആ​ക്രി​വ്യാ​പാ​ര സ്ഥാ​പ​ന​ത്തി​ലെ​ത്തു​ന്ന സാ​ധ​ന​ങ്ങ​ൾ​ക്കി​ട​യി​ൽ മ​ത്താ​യി ഏ​റെ നേ​രം ശ്ര​ദ്ധ​യോ​ടെ തി​ര​യും. അ​ദ്ദേ​ഹ​ത്തി​ന്​ വി​ല​പ്പെ​ട്ട​താ​യി അ​തി​ൽ എ​ന്തെ​ങ്കി​ലും ഉ​ണ്ടാ​കും. പ​ല​രും വി​ല​ക​ൽ​പി​ക്കാ​തെ വീ​ട്ടി​ൽ​നി​ന്ന്​ ഒ​ഴി​വാ​ക്കി​യ വ​സ്തു​ക്ക​ളി​ൽ​നി​ന്ന്​ അ​ങ്ങ​നെ ഒ​രു​പാ​ട്​ ച​രി​ത്ര​വ​സ്തു​ക്ക​ൾ ശേ​ഖ​രി​ച്ചി​ട്ടു​ണ്ട്. രാ​ജ​ഭ​ര​ണ കാ​ല​ത്തി​ന്‍റെ അ​ട​യാ​ള​ങ്ങ​ളാ​യ പ​ല​തും മ​ത്താ​യി​യു​ടെ പു​രാ​വ​സ്തു ശേ​ഖ​ര​ത്തി​ലു​ണ്ട്. രാ​ജ​സ​ന്ദേ​ശ​ങ്ങ​ൾ സു​ര​ക്ഷി​ത​മാ​യി കൈ​മാ​റാ​ന്‍ ഉ​പ​യോ​ഗി​ച്ചി​രു​ന്ന ലോ​ഹ നി​ർ​മി​ത ക​വ​ചം, പ​ഴ​യ കാ​ല​ത്തെ ക​ത്തി​ക​ള്‍, മു​റു​ക്കാ​ന്‍ ചെ​ല്ലം, ചു​ണ്ണാ​മ്പ് പാ​ത്രം, ചെ​മ്പ് ഗ്ലാ​സു​ക​ൾ, ക​ത്തോ​ലി​ക്ക പ​ള്ളി​ക​ളി​ലേ​ക്ക്​ തി​രു​വോ​സ്തി നി​ർ​മി​ച്ചി​രു​ന്ന അ​ച്ച് എ​ന്നി​വ അ​തി​ൽ ചി​ല​ത്​ മാ​ത്രം.

പി​ച്ച​ള കി​ണ്ണ​മ​ട​ക്കം പു​രാ​വ​സ്തു​ക്ക​ൾ​ക്ക്​ പ​തി​നാ​യി​ര​ങ്ങ​ളും അ​തി​ല്‍ കൂ​ടു​ത​ലും വി​ല പ​റ​ഞ്ഞ് പ​ല​രും വ​രു​ന്നുണ്ടെ​ങ്കി​ലും അ​തൊ​ന്നും വി​ൽ​ക്കാ​ൻ മ​ത്താ​യി​ക്ക്​ താ​ൽ​പ​ര്യ​മി​ല്ല. കാ​ര​ണം അ​വ​യെ​ല്ലാം അ​ദ്ദേ​ഹ​ത്തി​ന്‍റെ​ വി​ല​മ​തി​ക്കാ​നാ​വാ​ത്ത സ​മ്പാ​ദ്യ​മാ​ണ്. ത​ന്‍റെ ആ​ക്രി​ക്ക​ട​യോ​ട്​ ചേ​ർ​ന്നു​ള്ള പ്ര​ത്യേ​ക കാ​ബി​നി​ൽ സി.​സി ടി.​വി കാ​മ​റ നി​രീ​ക്ഷ​ണ​ത്തി​ലാ​ണ്​ പു​രാ​വ​സ്തു​ക്ക​ൾ സൂ​ക്ഷി​ക്കു​ന്ന​ത്. ഇ​വ​യു​ടെ ച​രി​ത്ര​പ്രാ​ധാ​ന്യം രേ​ഖ​പ്പെ​ടു​ത്തി സൂ​ക്ഷി​ക്ക​ണ​മെ​ന്നും വി​ദ്യാ​ർ​ഥി​ക​ള്‍ക്കും ഗ​വേ​ഷ​ക​ർ​ക്കും പൊ​തു​ജ​ന​ങ്ങ​ൾ​ക്കും നേ​രി​ട്ടെ​ത്തി കാ​ണാ​നും പ​ഠി​ക്കാ​നും അ​വ​സ​ര​മൊ​രു​ക്ക​ണ​മെ​ന്നു​മാ​ണ്​ മ​ത്താ​യി​യു​ടെ ആ​ഗ്ര​ഹം. ഇ​തി​നാ​യി ക​ട​യോ​ട് ചേ​ർ​ന്നു​ത​ന്നെ ചെ​റി​യൊ​രു മ്യൂ​സി​യം ഒ​രു​ക്കാ​നാ​ണ്​ ആ​ലോ​ച​ന.