ചിന്നക്കനാലിൽ നാല്​ വീടിനു​ നേരെ കാട്ടാന ആക്രമണം

അ​ടി​മാ​ലി: ചി​ന്ന​ക്ക​നാ​ൽ മു​ത്ത​മ്മ കോ​ള​നി​യി​ൽ നാ​ല്​ വീ​ടി​നു​നേ​രെ കാ​ട്ടാ​ന ആ​ക്ര​മ​ണം. അ​ന്ന​ല​ക്ഷ്മി, പ്ലാ​വ​ടി​യാ​ൻ, മു​നി​യാ​ണ്ടി, പാ​ണ്ഡ്യ​ൻ എ​ന്നി​വ​രു​ടെ വീ​ടാ​ണ് വെ​ള്ളി​യാ​ഴ്ച പു​ല​ർ​ച്ച മു​റി​വാ​ല​ൻ എ​ന്ന കാ​ട്ടാ​ന ത​ക​ർ​ത്ത​ത്. പു​ല​ർ​ച്ച ഒ​ന്നോ​ടെ​യാ​യി​രു​ന്നു ഒ​റ്റ​യാ​ന്‍റെ ആ​ക്ര​മ​ണം. അ​ന്ന​ല​ക്ഷ്മി​യു​ടെ വീ​ട് പൂ​ർ​ണ​മാ​യി ത​ക​ർ​ന്നു. അ​ന്ന​ല​ക്ഷ്മി മ​ക​ൾ ശാ​ന്തി​യു​ടെ വീ​ട്ടി​ലാ​ണ്​ താ​മ​സി​ച്ചി​രു​ന്ന​ത്. സ​മീ​പ​ത്ത് ത​ന്നെ​യു​ള്ള ശാ​ന്തി​യു​ടെ വീ​ടി​ന്‍റെ വാ​തി​ലും ഒ​റ്റ​യാ​ൻ ത​ക​ർ​ത്തു.

ശാ​ന്തി, ഭാ​ർ​ത്താ​വ് മു​നി​യാ​ണ്ടി, മ​രു​മ​ക​ൾ സ​ത്യ, കൊ​ച്ചു​മ​ക്ക​ളാ​യ അ​ർ​ണ​വ്, ദ​ർ​ശി​നി​യ എ​ന്നി​വ​രാ​ണ് വീ​ട്ടി​ലു​ണ്ടാ​യി​രു​ന്ന​ത്. മു​നി​യാ​ണ്ടി​യും ഭാ​ര്യ​യും കൊ​ച്ചു​മ​ക്ക​ളു​മാ​യി പി​ൻ​വാ​തി​ലി​ലൂ​ടെ ഓ​ടി ര​ക്ഷ​പ്പെ​ട്ടു. തൊ​ട്ട​ടു​ത്തു​ള്ള പാ​ണ്ഡ്യ​ന്‍റെ വീ​ടി​ന്‍റെ വാ​തി​ലും ഒ​റ്റ​യാ​ൻ കു​ത്ത​പ്പൊ​ളി​ക്കാ​ൻ ശ്ര​മി​ച്ചു. പ്ലാ​വ​ടി​യാ​ന്‍റെ വീ​ടി​ന്‍റെ വാ​തി​ലും ഒ​റ്റ​യാ​ൻ പൊ​ളി​ച്ചു. 80കാ​ര​നാ​യ പ്ലാ​വ​ടി​യാ​നും മ​ക​ൻ ലിം​ഗ​നാ​ഥും മാ​ത്ര​മാ​ണ് ഈ ​സ​മ​യം വീ​ട്ടി​ലു​ണ്ടാ​യി​രു​ന്ന​ത്. ആ​ന വീ​ട്​ ആ​ക്ര​മി​ച്ച​തോ​ടെ ലിം​ഗ​നാ​ഥ് പി​താ​വി​നെ പി​ൻ​ഭാ​ഗ​ത്തെ ജ​ന​ലി​ലൂ​ടെ പു​റ​ത്തി​റ​ക്കി സ​മീ​പ​ത്തെ വീ​ട്ടി​ലെ​ത്തി​ച്ചു.

ഒ​രു മാ​സ​ത്തി​ലേ​റെ​യാ​യി അ​രി​ക്കൊ​മ്പ​ൻ, ച​ക്ക​ക്കൊ​മ്പ​ൻ, മു​റി​വാ​ല​ൻ എ​ന്നീ ഒ​റ്റ​യാ​ന്മാ​ർ ജ​ന​വാ​സ കേ​ന്ദ്ര​ങ്ങ​ളി​ൽ വ​ലി​യ നാ​ശ​മാ​ണ്​ വ​രു​ത്തു​ന്ന​ത്. ഏ​റ്റ​വും ഉ​പ​ദ്ര​വ​കാ​രി​യാ​യ അ​രി​ക്കൊ​മ്പ​നെ മാ​ത്ര​മാ​ണ്​ മ​യ​ക്കു​വെ​ടി വെ​ച്ച്​ പി​ടി​കൂ​ടാ​ൻ തീ​രു​മാ​നി​ച്ചി​ട്ടു​ള്ള​ത്. മ​റ്റ്​ ര​ണ്ട്​ ആ​ന​ക​ളു​ടെ കാ​ര്യ​ത്തി​ൽ വ​നം വ​കു​പ്പ് ഒ​രു ന​ട​പ​ടി​യും സ്വീ​ക​രി​ച്ചി​ല്ല. വ​ർ​ഷ​ങ്ങ​ളാ​യി ഈ ​കാ​ട്ടാ​ന​ക​ൾ ജ​ന​ങ്ങ​ളു​ടെ ജീ​വ​നും സ്വ​ത്തി​നും വ​ലി​യ ഭീ​ഷ​ണി​യാ​ണ്​ ഉ​യ​ർ​ത്തു​ന്ന​ത്. ര​ണ്ടാ​ഴ്ച​യാ​യി ഒ​രു വീ​ടെ​ങ്കി​ലും കാ​ട്ടാ​ന​ക​ൾ ത​ക​ർ​ക്കാ​ത്ത ദി​വ​സ​മി​ല്ല.