കൃഷിക്കിടെ കാട്ടുപന്നി കുത്തി മറിച്ചിട്ടു; യുവാവിന് പരിക്ക്

അടിമാലി: രാജകുമാരിയില്‍ കാട്ടുപന്നിയുടെ ആക്രമണത്തില്‍ യുവാവിന് പരിക്ക്. രാജകുമാരി ബി ഡിവിഷന്‍ സ്വദേശി കുഴിമറ്റത്തില്‍ രാജേഷി(36) നാണ് പരിക്ക്. കൃഷിയിടത്തില്‍ ജോലി ചെയ്യുന്നതിനിടെയാണ് സംഭവം. കൈയിലും കാലിലും പരുക്കേറ്റ ഇയാള്‍ രാജകുമാരി സ്വാകാര്യ ആശുപത്രിയിൽ ചികിത്സ തേടി.

കൃഷിയിടത്തില്‍ ജോലി ചെയ്യുന്നതിനിടെ കാട്ടുപന്നി പാഞ്ഞടുക്കുകയായിരുന്നു. രാജേഷിനെ കുത്തി മറിച്ചിട്ട ശേഷവും ആക്രമണം തുടര്‍ന്നു. നിലവിളി കേട്ട് ഓടിയെത്തിയ നാട്ടുകാരാണ് രാജേഷിനെ രക്ഷിച്ചത്.