ഇറച്ചിക്കോഴി വില കുതിച്ചുയരുന്നു

അ​ടി​മാ​ലി: ഇ​റ​ച്ചി​ക്കോ​ഴി വി​ല കു​തി​ച്ചു​യ​രു​ന്നു. ഒ​രു​മാ​സ​ത്തി​നി​ടെ കി​ലോ​ക്ക്​ 50 രൂ​പ​യി​ലേ​റെ​യാ​ണ് വ​ർ​ധി​ച്ച​ത്. വ്യാ​ഴാ​ഴ്ച ജി​ല്ല​യി​ല്‍ വി​വി​ധ ഭാ​ഗ​ങ്ങ​ളി​ല്‍ 143 മു​ത​ല്‍ 155 രൂ​പ​വ​രെ​യാ​ണ് വി​ല. ഒ​രു​മാ​സം മു​മ്പ്​ 90 രൂ​പ​യാ​യി​രു​ന്ന വി​ല​യാ​ണ് കു​തി​ച്ചു​യ​ര്‍ന്ന​ത്.

320 രൂ​പ വി​ല​യു​ണ്ടാ​യി​രു​ന്ന ബീ​ഫി​നും പ​ല​യി​ട​ങ്ങ​ളി​ലും വി​ല ഉ​യ​ര്‍ന്നി​ട്ടു​ണ്ട്. 340 രൂ​പ മു​ത​ലാ​ണ് ബീ​ഫ്​ വി​ല. ക​ഴി​ഞ്ഞ ര​ണ്ടാ​ഴ്ച​ക്കി​ടെ​യാ​ണ് ഇ​റ​ച്ചി​ക്കോ​ഴി വി​ല കു​തി​ച്ചു​യ​ര്‍ന്ന​ത്. ഫാ​മു​ക​ളി​ല്‍ ഉ​ൽ​പാ​ദ​നം കു​റ​ഞ്ഞ​താ​ണ് വി​ല ഉ​യ​രാ​ന്‍ കാ​ര​ണ​മെ​ന്നാ​ണ് വ്യാ​പാ​രി​ക​ള്‍ പ​റ​യു​ന്ന​ത്. ജി​ല്ല​യി​ല്‍ വി​ല്‍ക്കു​ന്ന ഇ​റ​ച്ചി​ക്കോ​ഴി​യി​ലേ​റെ​യും ത​മി​ഴ്‌​നാ​ട്ടി​ല്‍നി​ന്നു​ള്ള​താ​ണ്.

ത​മി​ഴ്‌​നാ​ട്ടി​ലെ വ്യാ​പാ​രി​ക​ള്‍ വി​ല നി​ശ്ച​യി​ക്കു​ന്ന​തി​ന് ആ​നു​പാ​തി​ക​മാ​യി ഇ​വി​ടെ​യും വി​ല വ​ര്‍ധി​ക്കും. ത​മി​ഴ്‌​നാ​ട്ടി​ല്‍ ക​ഴി​ഞ്ഞ ദി​വ​സം ഇ​റ​ച്ചി​ക്കോ​ഴി വി​ല കി​ലോ​ക്ക്​ 80 രൂ​പ​യും ഇ​റ​ച്ചി​ക്ക്​ 140 രൂ​പ​യു​മാ​യി​രു​ന്നു. ആ​ഭ്യ​ന്ത​ര ഉ​ൽ​പാ​ദ​നം കു​റ​ഞ്ഞ​ത് തി​രി​ച്ച​ടി​യാ​യെ​ന്നും വ്യാ​പാ​രി​ക​ള്‍ പ​റ​യു​ന്നു. മൂ​ന്നു മു​ത​ല്‍ അ​ഞ്ചു ട​ണ്‍വ​രെ ഇ​റ​ച്ചി​ക്കോ​ഴി അ​തി​ര്‍ത്തി ചെ​ക്‌​പോ​സ്​​റ്റു​ക​ളി​ലൂ​ടെ എ​ത്തു​ന്ന​താ​യാ​ണ് ക​ണ​ക്ക്. ത​മി​ഴ്‌​നാ​ട്ടി​ലെ പൊ​ള്ളാ​ച്ചി, ഉ​ദു​മ​ല്‍പേ​ട്ട, പ​ല്ല​ടം, നാ​മ​ക്ക​ല്‍ എ​ന്നി​വി​ട​ങ്ങ​ളി​ല്‍നി​ന്നാ​ണ്​ മു​ഖ്യ​മാ​യും കൊ​ണ്ടു​വ​രു​ന്ന​ത്. വി​ല ഉ​യ​ര്‍ന്ന​തോ​ടെ വ്യാ​പാ​ര​വും കു​റ​ഞ്ഞ​താ​യി കോ​ഴി​ഫാം ഉ​ട​മ​ക​ളും പ​റ​ഞ്ഞു.

ഹോ​ട്ട​ലു​ക​ളി​ലും ത​ട്ടു​ക​ട​ക​ളി​ലും ഇ​റ​ച്ചി ഉ​ൽ​പ​ന്ന​ങ്ങ​ള്‍ക്ക് വി​ല ഉ​യ​ര്‍ന്നു. പ്ലേ​റ്റി​ന് 30 മു​ത​ല്‍ 40 രൂ​പ​വ​രെ​യാ​ണ് കൂ​ടി​യ​ത്. വി​നോ​ദ​സ​ഞ്ചാ​രി​ക​ള്‍ ധാ​രാ​ള​മാ​യി എ​ത്തു​ന്ന അ​ടി​മാ​ലി, മൂ​ന്നാ​ര്‍പോ​ലു​ള്ള പ്ര​ധാ​ന കേ​ന്ദ്ര​ങ്ങ​ളി​ല്‍ നാ​ട്ടു​കാ​ര്‍ക്കും വി​നോ​ദ​സ​ഞ്ചാ​രി​ക​ള്‍ക്കും വ്യ​ത്യ​സ്​​ത വി​ല ഈ​ടാ​ക്കു​ന്ന​താ​യും പ​റ​യു​ന്നു.