21 വർഷമായിട്ടും പൂർത്തിയാകാതെ 795 കോടിയുടെ കുടിവെള്ള പദ്ധതി

പ്ര​ഖ്യാ​പി​ക്കാ​നും നി​ർ​മാ​ണം തു​ട​ങ്ങാ​നു​മു​ള്ള ആ​വേ​ശം പി​ന്നീ​ട്​ ഉ​ണ്ടാ​കു​ന്നി​ല്ല എ​ന്ന​ത്​ ജി​ല്ല​യി​ലെ പ​ല കു​ടി​വെ​ള്ള പ​ദ്ധ​തി​ക​ളു​ടെ​യും ശാ​പ​മാ​ണ്. ചു​രു​ങ്ങി​യ നാ​ളു​ക​ൾ​ക്ക​കം പൂ​ർ​ത്തി​യാ​ക്കാ​ൻ ല​ക്ഷ്യ​മി​ടു​ന്ന​വ​യും അ​നി​ശ്ചി​ത​മാ​യി നീ​ളു​ന്ന​തോ​ടെ ചെ​ല​വും കു​ത്ത​നെ ഉ​യ​രും. ഇ​ടു​ക്കി ജ​ലാ​ശ​യ​ത്തി​ലെ ജ​ലം ശു​ദ്ധീ​ക​രി​ച്ച്​ മൂ​ന്ന് താ​ലൂ​ക്കി​ലെ മൂ​ന്ന​ര ല​ക്ഷ​ത്തോ​ളം പേ​ർ​ക്ക്​ കു​ടി​വെ​ള്ള​മെ​ത്തി​ക്കാ​ൻ ല​ക്ഷ്യ​മി​ട്ട 795 കോ​ടി​യു​ടെ ആ​ല​ടി-​കു​രി​ശു​മ​ല-​അ​ഞ്ചു​രു​ളി കു​ടി​വെ​ള്ള പ​ദ്ധ​തി 21 വ​ർ​ഷ​മാ​യി​ട്ടും പൂ​ർ​ത്തി​യാ​യി​ട്ടി​ല്ല. ഉ​ടു​മ്പ​ൻ​ചോ​ല താ​ലൂ​ക്കി​ലെ വ​ണ്ട​ൻ​മേ​ട്, നെ​ടു​ങ്ക​ണ്ടം, ക​രു​ണാ​പു​രം, പാ​മ്പാ​ടും​പാ​റ, ഇ​ര​ട്ട​യാ​ർ, ഉ​ടു​മ്പ​ൻ​ചോ​ല, സേ​നാ​പ​തി, ശാ​ന്ത​ൻ​പാ​റ, രാ​ജാ​ക്കാ​ട്, രാ​ജ​കു​മാ​രി, പീ​രു​മേ​ട് താ​ലൂ​ക്കി​ലെ ച​ക്കു​പ​ള്ളം, ഉ​പ്പു​ത​റ, ഇ​ടു​ക്കി താ​ലൂ​ക്കി​ലെ കാ​മാ​ക്ഷി, മ​രി​യാ​പു​രം, കാ​ഞ്ചി​യാ​ർ, വാ​ത്തി​ക്കു​ടി പ​ഞ്ചാ​യ​ത്തു​ക​ളും ക​ട്ട​പ്പ​ന ന​ഗ​ര​സ​ഭ​യും വാ​ഗ​മ​ൺ വി​ല്ലേ​ജു​മാ​ണ് (പീ​രു​മേ​ട് താ​ലൂ​ക്ക്) പ​ദ്ധ​തി​യു​ടെ പ​രി​ധി​യി​ലു​ള്ള​ത്. 2018 ജ​നു​വ​രി​യി​ലെ ക​ണ​ക്കു​പ്ര​കാ​രം 795 കോ​ടി​യാ​ണ് ചെ​ല​വ് പ്ര​തീ​ക്ഷി​ച്ച​ത്. എ​ന്നാ​ൽ, പ​ദ്ധ​തി പൂ​ർ​ത്തി​യാ​കു​മ്പോ​ൾ 1000 കോ​ടി​യി​ലെ​ത്തു​മെ​ന്ന്​ ജ​ല അ​തോ​റി​റ്റി അ​ധി​കൃ​ത​ർ പ​റ​യു​ന്നു.

ഇ​ടു​ക്കി സം​ഭ​ര​ണി​യു​ടെ ഭാ​ഗ​മാ​യ അ​ഞ്ചു​രു​ളി​യി​ൽ​നി​ന്ന്​ ശു​ദ്ധീ​ക​രി​ക്കു​ന്ന വെ​ള്ളം 1250 കി​ലോ​മീ​റ്റ​ർ ദൂ​രം പൈ​പ്പി​ട്ട് 3,72,000 വീ​ടു​ക​ളി​ൽ വെ​ള്ളം എ​ത്തി​ക്കു​ന്ന​താ​യി​രു​ന്നു പ​ദ്ധ​തി. ജ​ല അ​തോ​റി​റ്റി സ​ർ​വേ ന​ട​പ​ടി​ക​ൾ ആ​റു മാ​സം​കൊ​ണ്ട് പൂ​ർ​ത്തീ​ക​രി​ച്ചെ​ങ്കി​ലും തു​ട​ർ​ന​ട​പ​ടി ഇ​ഴ​യു​ക​യാ​ണ്. 21 വ​ർ​ഷം മു​മ്പ്​ തു​ട​ങ്ങി​യ ആ​ല​ടി-​കു​രി​ശു​മ​ല​യു​ടെ വി​പു​ലീ​ക​ര​ണ ഭാ​ഗ​മാ​ണ് ഈ ​പ​ദ്ധ​തി. തെ​ര​ഞ്ഞെ​ടു​പ്പി​ന് തൊ​ട്ടു​മു​മ്പ്​ വൈ​ദ്യു​തീ​ക​ര​ണ ജോ​ലി​ക​ൾ​ക്കും പ​മ്പ്ഹൗ​സ് ഉ​ൾ​പ്പെ​ടെ സ്ഥാ​പി​ക്കാ​നും തു​ക അ​നു​വ​ദി​ച്ച​തോ​ടെ പ​ദ്ധ​തി​ക്ക് ജീ​വ​ൻ​​വെ​ച്ചെ​ങ്കി​ലും എ​ന്ന്​ പൂ​ർ​ത്തി​യാ​കു​മെ​ന്ന്​ ഒ​രു ഉ​റ​പ്പു​മി​ല്ല.

ആ​സൂ​ത്ര​ണ​മി​ല്ലാ​ത്ത തു​ട​ക്കം; അ​നി​ശ്ചി​ത​ത്വ​ത്തി​ലാ​യ നി​ർ​മാ​ണം

വ്യ​ക്ത​മാ​യ ആ​സൂ​ത്ര​ണം ഇ​ല്ലാ​ത്ത​താ​ണ്​ ര​ണ്ട്​ പ​തി​റ്റാ​ണ്ട്​ ക​ഴി​ഞ്ഞി​ട്ടും പ​ദ്ധ​തി ഇ​ഴ​യാ​ൻ കാ​ര​ണ​മെ​ന്ന്​ പ​റ​യു​ന്നു. തോ​ണി​ത്ത​ടി​യി​ൽ പ​മ്പ് ഹൗ​സ്, കു​രി​ശു​മ​ല​യി​ൽ ടാ​ങ്ക്, ക​ല്യാ​ണ​ത്ത​ണ്ട് പ്ര​ദേ​ശ​ത്ത്​ ബൂ​സ്റ്റ​ർ പ​മ്പ് ഹൗ​സ് എ​ന്നി​വ​യെ​ല്ലാം പ​ണി​തെ​ങ്കി​ലും ട്രീ​റ്റ്മെ​ന്റ് പ്ലാ​ന്‍റി​ന് സ്ഥ​ലം ല​ഭി​ക്കാ​തെ വ​ന്ന​തോ​ടെ 2008ൽ ​പ​ദ്ധ​തി ഉ​പേ​ക്ഷി​ക്കാ​ൻ തീ​രു​മാ​നി​ച്ചു. അ​നു​വ​ദി​ച്ച 23.7 കോ​ടി​യി​ൽ 15.12 കോ​ടി ചെ​ല​വി​ട്ട ശേ​ഷം പ​ദ്ധ​തി ഉ​പേ​ക്ഷി​ക്കാ​നു​ള്ള നീ​ക്കം വ​ൻ പ്ര​തി​ഷേ​ധ​ത്തി​ന്​ ഇ​ട​യാ​ക്കി. ഒ​ടു​വി​ൽ, സ​ർ​ക്കാ​റും ജി​ല്ല ഭ​ര​ണ​കൂ​ട​വും ഇ​ട​പെ​ട്ട് ഒ​രേ​സ​മ​യം 70 ദ​ശ​ല​ക്ഷം ലി​റ്റ​ർ വെ​ള്ളം ശു​ദ്ധീ​ക​രി​ക്കാ​ൻ ശേ​ഷി​യു​ള്ള ട്രീ​റ്റ്മെ​ന്‍റ്​ പ്ലാ​ന്‍റി​നും അ​നു​ബ​ന്ധ സൗ​ക​ര്യ​ങ്ങ​ൾ​ക്കും റ​വ​ന്യൂ ഭൂ​മി ല​ഭ്യ​മാ​ക്കി. വൈ​ദ്യു​തി ആ​വ​ശ്യ​ത്തി​ന് 2016ൽ ​ഒ​മ്പ​ത്​ കോ​ടി അ​നു​വ​ദി​ച്ചെ​ങ്കി​ലും കൃ​ത്യ​സ​മ​യ​ത്ത് കാ​ര്യ​ങ്ങ​ൾ ചെ​യ്യാ​ത്ത​തി​നാ​ൽ ഫ​ണ്ട് ലാ​പ്സാ​യി. നി​ർ​വ​ഹ​ണ വി​ഭാ​ഗം ഉ​ദ്യോ​ഗ​സ്ഥ​രു​ടെ അ​ടി​ക്ക​ടി​യു​ള്ള സ്ഥാ​ന​ച​ല​ന​മാ​യി​രു​ന്നു കാ​ര​ണം.

2017-18ൽ ​കി​ഫ്ബി​യി​ൽ​നി​ന്ന്​ 46 കോ​ടി അ​നു​വ​ദി​ച്ച​തോ​ടെ നി​ർ​മാ​ണം വീ​ണ്ടും സ​ജീ​വ​മാ​യി. തു​ട​ർ​ന്ന് പെ​രി​യാ​റി​ന്​ കു​റു​കെ ചെ​ക്ക്ഡാം നി​ർ​മി​ക്കാ​നും വൈ​ദ്യു​തി അ​നു​ബ​ന്ധ ജോ​ലി​ക​ൾ​ക്ക്​ പ​മ്പ്ഹൗ​സു​ക​ളും പൈ​പ്പ്​​ലൈ​നു​ക​ളും സ്ഥാ​പി​ക്കാ​നും വി​വി​ധ ഘ​ട്ട​ങ്ങ​ളാ​യി തു​ക അ​നു​വ​ദി​ച്ചു. ഈ ​പ​ദ്ധ​തി​യു​മാ​യി സം​യോ​ജി​പ്പി​ച്ച് മൂ​ന്നു താ​ലൂ​ക്കി​ലെ കു​ടി​വെ​ള്ള ക്ഷാ​മം പ​രി​ഹ​രി​ക്കാ​ൻ ആ​വി​ഷ്ക​രി​ച്ച 795 കോ​ടി​യു​ടെ പ​ദ്ധ​തി​യാ​ണ്​ ഇ​ഴ​യു​ന്ന​ത്.

അ​ഞ്ച​ര​ക്കോ​ടി വെ​ള്ള​ത്തി​ലാ​യ പ​ദ്ധ​തി

വ​ണ്ട​ന്മേ​ട് പ​ഞ്ചാ​യ​ത്തി​ൽ ലോ​ക​ബാ​ങ്ക്​ സ​ഹാ​യ​ത്തോ​ടെ കേ​ന്ദ്ര-​സം​സ്ഥാ​ന സ​ർ​ക്കാ​റു​ക​ൾ സം​യു​ക്ത​മാ​യി ന​ട​പ്പാ​ക്കി​യ അ​ഞ്ച​ര​ക്കോ​ടി​യു​ടെ കു​ടി​വെ​ള്ള പ​ദ്ധ​തി കെ​ടു​കാ​ര്യ​സ്ഥ​ത​യു​ടെ മ​റ്റൊ​രു ഉ​ദാ​ഹ​ര​ണ​മാ​ണ്. നി​ർ​മാ​ണം പൂ​ർ​ത്തി​യാ​ക്കി 20 വ​ർ​ഷ​മാ​യി​ട്ടും ഒ​രു തു​ള്ളി വെ​ള്ളം​പോ​ലും പ​ദ്ധ​തി​യി​ൽ​നി​ന്ന്​ ആ​ർ​ക്കും കി​ട്ടി​യി​ല്ല.

ജ​ല​വി​ത​ര​ണ​ത്തി​ന്​ ഉ​റ​വി​ടം ക​ണ്ടെ​ത്താ​തെ നി​ർ​മാ​ണം ന​ട​ത്തി​യ​താ​ണ് പ​ദ്ധ​തി പാ​ളാ​ൻ കാ​ര​ണം. ല​ഭി​ച്ച 5.29 കോ​ടി ഉ​പ​യോ​ഗി​ച്ച് ടാ​ങ്കു​ക​ളും ആ​മ​യാ​റി​ന്​ സ​മീ​പം പ​മ്പ്ഹൗ​സും ശു​ദ്ധീ​ക​ര​ണ പ്ലാ​ൻ​റും പ​ണി​തു. പ്ര​തി​ദി​നം 20 ല​ക്ഷം ലി​റ്റ​ർ വെ​ള്ളം ശു​ദ്ധീ​ക​രി​ക്കാ​വു​ന്ന പ്ലാ​ൻ​റാ​ണ് നി​ർ​മി​ച്ച​ത്. ഇ​വി​ടേ​ക്ക് വൈ​ദ്യു​തി എ​ത്തി​ക്കു​ക​യും പ​ഞ്ചാ​യ​ത്തി​ലു​ട​നീ​ളം പൈ​പ്പു​ക​ൾ സ്ഥാ​പി​ക്കു​ക​യും ചെ​യ്തു. പ​മ്പ് ഹൗ​സി​ന്​ സ​മീ​പം അ​ഞ്ച്​ മീ​റ്റ​ർ ഉ​യ​ര​ത്തി​ൽ ചെ​ക്ക്​ ഡാം ​നി​ർ​മി​ച്ച് വെ​ള്ളം ത​ട​ഞ്ഞു​നി​ർ​ത്തി പ​മ്പ് ചെ​യ്യാ​നാ​യി​രു​ന്നു തീ​രു​മാ​നം. ഇ​തി​ന്​ ആ​വ​ശ്യ​മാ​യ അ​ഞ്ച​ര ഹെ​ക്ട​ർ സ്ഥ​ലം ഏ​റ്റെ​ടു​ത്ത്​ ന​ൽ​കാ​ൻ വ​ണ്ട​ൻ​മേ​ട്​ പ​ഞ്ചാ​യ​ത്ത് ത​യാ​റാ​യി​ല്ല. ഇ​തോ​ടെ പ​ദ്ധ​തി ഉ​പേ​ക്ഷി​ച്ചു.

(തു​ട​രും)