158 കേന്ദ്രങ്ങളില്‍ സി.പി.എം പ്രതിഷേധ യോഗം

ചെറുതോണി: മുഖ്യമന്ത്രിക്കെതിരെ വിമാനത്തിലുണ്ടായ പ്രതിഷേധത്തിനെതിരെ 19ന്​ ജില്ലയില്‍ 158 കേന്ദ്രങ്ങളില്‍ പ്രകടനവും പൊതുയോഗവും സംഘടിപ്പിക്കാന്‍ സി.പി.എം ജില്ല കമ്മിറ്റി തീരുമാനിച്ചു. സംസ്ഥാന, ജില്ല നേതാക്കള്‍ ഉദ്ഘാടനം ചെയ്യും. അന്നേ ദിവസം ലോക്കല്‍ കേന്ദ്രങ്ങളില്‍ രാവിലെ പത്തിനും ഉച്ചക്ക്​ രണ്ടിനും ശിൽപശാലകളും സംഘടിപ്പിച്ചിട്ടുണ്ട്​. തുടര്‍ന്നായിരിക്കും പ്രതിഷേധ യോഗം. യോഗത്തില്‍ കെ.എസ്. മോഹനന്‍ അധ്യക്ഷത വഹിച്ചു. ജില്ല സെക്രട്ടറി സി.വി. വര്‍ഗീസ്, സംസ്ഥാന കമ്മിറ്റിയംഗം കെ.പി. മേരി എന്നിവര്‍ പ്രവര്‍ത്തനങ്ങള്‍ വിശദീകരിച്ചു. അപേക്ഷ ക്ഷണിച്ചു ഇടുക്കി: മൂന്നാറില്‍ പ്രവര്‍ത്തിക്കുന്ന ആണ്‍കുട്ടികളുടെ ഗവ. മോഡല്‍ റസിഡന്‍ഷ്യല്‍ സ്‌കൂളില്‍ ഈ വര്‍ഷം അഞ്ച്​, ഏഴ്​, എട്ട്​ ക്ലാസുകളിലേക്ക് പ്രവേശനത്തിന്​ പട്ടികവര്‍ഗ വിദ്യാർഥികളില്‍നിന്ന്​ അപേക്ഷ ക്ഷണിച്ചു. വാര്‍ഷിക വരുമാനം രണ്ട് ലക്ഷത്തില്‍ കവിയരുത്. നിർദിഷ്ട മാതൃകയിലുള്ള അപേക്ഷകളും അനുബന്ധരേഖകളും സീനിയര്‍ സൂപ്രണ്ട്, ഗവ.മോഡല്‍ റസിഡന്‍ഷ്യല്‍ സ്‌കൂള്‍, ന്യൂകോളനി, മൂന്നാര്‍, ഇടുക്കി എന്ന വിലാസത്തിലോ govtmrsmunnar@gmail.com എന്ന ഇ-മെയിലിലോ ജൂണ്‍ 25 ന് മുമ്പ്​ ലഭിക്കണം. നിദിഷ്ട അപേക്ഷ ഫാറങ്ങള്‍ ആവശ്യമുള്ളവര്‍ സ്‌കൂളില്‍ നേരിട്ടോ ഫോണിലോ ബന്ധപ്പെടണം. ഫോണ്‍: 9447067684, 9447167843.