11 കെ.വി ലൈനിൽ പാമ്പ് കയറി; വൈദ്യുതി മുടങ്ങി

മൂലമറ്റം: 11 കെ.വി ലൈനിൽ പാമ്പ് കയറിയതിനെത്തുടർന്ന് കോഴിപ്പള്ളി മേഖലയിൽ വൈദ്യുതി മുടങ്ങി. കുളമാവ് സബ് സ്​റ്റേഷനിൽനിന്ന്​ കോഴിപ്പള്ളി വഴി ആലക്കോടിന് പോകുന്ന 11 കെ.വി ലൈനിലാണ് പാമ്പ് കയറിയത്. പാമ്പ് കയറിയതോടെ ഇൻസുലേറ്റർ പൊട്ടിനശിക്കുകയും വൈദ്യുതി തകരാറിലാകുകയുമായിരുന്നു. വ്യാഴാഴ്ച ഉണ്ടായ തകരാർ വെള്ളിയാഴ്ചയാണ് കണ്ടെത്താനും പരിഹരിക്കാനും സാധിച്ചത്. പാമ്പിൻെറ അവശിഷ്​ടം ലൈനിൽനിന്ന്​ ലഭിച്ചു. ഇൻസുലേറ്റർ മാറ്റി വൈദ്യുതിവിതരണം പുനഃസ്ഥാപിച്ചു. tdl mltm 3 11 കെ.വി ലൈനിൽ പാമ്പ് കയറിയതിനെത്തുടർന്ന് ഇൻസുലേറ്റർ പൊട്ടിയനിലയിൽ