സഞ്ചാരികളുടെ വരവ്​ വർധിച്ചു; മാലിന്യം നിറഞ്ഞ്​ മൂന്നാർ Leed pege4

ഇടുക്കി: വിനോദസഞ്ചാരികളുടെ തിരക്ക് വർധിച്ചതോടെ മൂന്നാറിൽ മാലിന്യം വലിച്ചെറിയുന്നതും ഇതുവഴി നിരത്തുകളിൽ മാലിന്യം നിറയുന്നതും വ്യാപകമായി. പഴയമൂന്നാർ, മാട്ടുപ്പട്ടി, ഫോട്ടോ പോയൻറ്​, കുണ്ടള, എക്കോ പോയൻറ്​ എന്നിവിടങ്ങളിലാണ് ഭക്ഷണാവശിഷ്​ടവും പ്ലാസ്​റ്റിക് ഉൾപ്പെടെ മാലിന്യവും കൂടിക്കിടക്കുന്നത്. മൂന്നാർ സന്ദർശനത്തിനെത്തുന്ന വിനോദസഞ്ചാരികൾ ഭൂരിഭാഗവും വീടുകളിൽനിന്ന്‌ ഭക്ഷണം ഉണ്ടാക്കിക്കൊണ്ടുവരുന്നവരാണ്. ചിലർ ഒഴിഞ്ഞ സ്ഥലങ്ങളിൽ ഭക്ഷണം ഉണ്ടാക്കി കഴിക്കും. ഈ രണ്ടു കൂട്ടരുമാണ്​ ഭക്ഷണം കഴിച്ചശേഷം പേപ്പർ പ്ലേറ്റുകളും പ്ലാസ്​റ്റിക് കുപ്പികളും ഭക്ഷണാവശിഷ്​ടവും അതത്​ ഇടങ്ങളിൽ വലിച്ചെറിയുന്നത്. പ്രധാന റോഡുകളിൽനിന്ന്‌ ദൂരെയുള്ള സ്ഥലങ്ങളിൽ വലിച്ചെറിയുന്ന ഇത്തരം മാലിന്യം വൃത്തിയാക്കാത്തതുമൂലം കിടന്ന് ചീഞ്ഞ് ദുർഗന്ധമുണ്ടാകുന്നതും പതിവാണ്. കടകളിൽനിന്ന്​ വാങ്ങുന്ന സാധനങ്ങളുടെ പ്ലാസ്​റ്റിക്​ കവർ അശ്രദ്ധമായി ഉപേക്ഷിക്കുന്നതും വർധിച്ചിട്ടുണ്ട്​. വരുന്നു, ഹരിത ടൂറിസം പ്ലാസ്​റ്റിക് ഉൾപ്പെടെ മാലിന്യം കൊണ്ടുവരുന്നതും വലിച്ചെറിയുന്നതും തടയുന്നതിന്​ മൂന്നാർ, ദേവികുളം പഞ്ചായത്ത്​ അതിർത്തികളിലെ പ്രധാന പാതകളിൽ ഹരിത ചെക്പോസ്​റ്റുകൾ സ്ഥാപിക്കുന്നതിന്​ തീരുമാനമുണ്ട്​. കഴിഞ്ഞദിവസം കലക്​ടറുടെ നേതൃത്വത്തിൽ ഉന്നതതല യോഗത്തിലാണ് ചെക്പോസ്​റ്റുകൾ സ്ഥാപിക്കാൻ തീരുമാനിച്ചത്. ഏതൊക്കെ സ്ഥലങ്ങളിലാണ് ചെക്പോസ്​റ്റുകൾ സ്ഥാപിക്കേണ്ടതെന്ന് രണ്ടാഴ്ചക്കകം അറിയിക്കാൻ ജില്ല ഹരിതകേരളം മിഷന് കലക്​ടർ നിർദേശംനൽകി. മാലിന്യം കൊണ്ടുവരുന്നതും വലിച്ചെറിയുന്നതും തടയുന്നതിന്​ പ്രത്യേക ഹരിതകർമസേനയെ മൂന്നാറിൽ നിയമിക്കും. ഹോട്ടലുകൾ, റസ്​റ്റാറൻറുകൾ, വിവിധ കച്ചവടസ്ഥാപനങ്ങൾ എന്നിവക്ക്​ ശാസ്ത്രീയ മാലിന്യപരിപാലനം സംബന്ധിച്ച് പ്രത്യേക ബോധവത്കരണം നടത്താനും മൂന്നാർ പഞ്ചായത്തിലെ മുഴുവൻ സ്ഥാപനങ്ങൾക്കും വീടുകൾക്കും ഉറവിടമാലിന്യ സംസ്​കരണ സംവിധാനം ഒരുക്കാനും നിശ്ചയിച്ചിട്ടുണ്ട്​. പ്രധാന പാതകളിൽ ഹരിത ചെക്പോസ്​റ്റുകൾ സ്ഥാപിച്ച്, വാഹനങ്ങൾ ഹരിതകർമ സേനാംഗങ്ങൾ പരിശോധിക്കും. പ്ലാസ്​റ്റിക് വസ്​തുക്കൾ വാങ്ങിയശേഷം പ്രകൃതിക്കിണങ്ങുന്ന കാരിബാഗുകൾ ഉൾ​െപ്പടെ നൽകുകയും മാലിന്യം വലിച്ചെറിയുന്നതിനെതരെ ബോധവത്​കരണം നടത്തുകയും ചെയ്യുന്നതോടെ മാലിന്യപ്രശ്​നം പരിഹരിക്കാനായേക്കും. കത്തിയ മോ​​​​ട്ടോർ അതേപടി; രണ്ടുവർഷമായി 25 കുടുംബങ്ങൾക്ക്​ കുടിവെള്ളമില്ല കട്ടപ്പന: കത്തിനശിച്ച മോ​​​​ട്ടോർ പുനഃസ്ഥാപിക്കാനാകാത്തതുകൊണ്ടു​മാത്രം പ്രദേശത്തെ 25 കുടുംബങ്ങൾ ശുദ്ധജലത്തിന്​ രണ്ടുവർഷമായി നെട്ടോട്ടം. നഗരസഭ മേഖലയിലെ കൊങ്ങിണിപ്പടവ് കുരിശുമല ശുദ്ധജല പദ്ധതിയുടെ ഗുണഭോക്താക്കളാണ് കുടിവെള്ളം ലഭ്യമല്ലാത്തതിനാൽ ബുദ്ധിമുട്ടുന്നത്. 1999-2000 വർഷത്തിൽ ജില്ല പഞ്ചായത്തി​ൻെറ ഫണ്ട് വിനിയോഗിച്ചാണ് ശുദ്ധജല പദ്ധതി ആരംഭിച്ചത്. കൊങ്ങിണിപ്പടവ് അംഗൻവാടിക്ക്​ സമീപത്തെ കുളത്തിൽനിന്ന് ഡീസൽ മോ​​​​ട്ടോർ ഉപയോഗിച്ച് വെള്ളം പമ്പുചെയ്​ത്​ ടാങ്കിൽ എത്തിച്ചശേഷം വിതരണം ചെയ്യുന്നതായിരുന്നു പദ്ധതി. ഗുണഭോക്താക്കൾ പിരിവെടുത്ത് അറ്റകുറ്റപ്പണികളും മറ്റും നടത്തിയാണ് പദ്ധതി മുന്നോട്ടുപോയിരുന്നത്. 2018ൽ ഡീസൽ മോ​​​​ട്ടോർ കത്തിനശിച്ചതോടെയാണ് പദ്ധതി ഉപയോഗശൂന്യമായത്. വാഹനങ്ങളിലും മറ്റും ശുദ്ധജലം എത്തിക്കേണ്ട ഗതികേടിലാണ് നാട്ടുകാർ. 1000 ലിറ്റർ വെള്ളം എത്തിക്കണമെങ്കിൽ 800 രൂപ ചെലവാകുമെന്ന് ഇവർ പറയുന്നു. വൈദ്യുതി കണക്‌ഷൻ ലഭ്യമാക്കി പുതിയ മോ​​​​ട്ടോർ സ്ഥാപിച്ച് പദ്ധതി പുനരാരംഭിക്കണമെന്നാണ് നാട്ടുകാരുടെ ആവശ്യം. ഈ ശുദ്ധജല പദ്ധതിക്കായി നിലവിൽ ഫണ്ടുകൾ ഒന്നും ലഭ്യമായിട്ടില്ലെന്ന് വാർഡ് കൗൺസിലർ ജൂലി റോയി. പുതിയ ഭരണസമിതി അധികാരത്തിൽ എത്തിയതേയുള്ളൂ. പദ്ധതി പുനരാരംഭിക്കാൻ ഫണ്ട് അനുവദിക്കേണ്ടതുണ്ട്. ഈ പദ്ധതിക്ക് മുൻഗണന നൽകും. പദ്ധതി പുനഃസ്ഥാപിക്കാൻ കലക്​ടർ നഗരസഭക്ക്​ നിർദേശം നൽകിയതിനെ തുടർന്ന് എസ്​റ്റിമേറ്റ് എടുത്തതല്ലാതെ തുടർനടപടി ഉണ്ടായില്ല.