കുരുക്കും വെള്ളക്കെട്ടും വെല്ലുവിളി; പരിഹാരത്തിന്​ നഗരസഭ leed page 4

* 12ന്​ ചേരുന്ന പ്രഥമ കൗൺസിലിൽ വിഷയം ചർച്ചചെയ്യും തൊടുപുഴ: ഗതാഗതക്കുരുക്കും വെള്ളക്കെട്ടും നഗരത്തിലെത്തുന്നവർക്ക്​​ ദുരിതമാകുന്നു. മഴ തുടങ്ങിയതോടെയാണ്​​ നഗരത്തിൽ വെള്ളക്കെട്ടും കുരുക്കും ആശങ്ക സൃഷ്​ടിക്കുന്നത്​. കഴിഞ്ഞദിവസം അരമണിക്കൂറാണ്​ മഴപെയ്​തതെങ്കിലും വെള്ളമുയർന്നതിനെ തുടർന്ന്​ മണിക്കൂറുകളോളം നഗരത്തി​ൻെറ വിവിധ മേഖലകളിൽ ഗതാഗതമടക്കം പ്രതിസന്ധിയിലായി. നഗരത്തിലെ മിക്ക ഇടങ്ങളിലും ഓടകളിലൂടെ വെള്ളമെഴുകാനുള്ള സൗകര്യങ്ങളില്ല. ചിലയിടത്ത്​ ഓടകൾ മൂടിക്കിടക്കുന്നു. കടകളിലടക്കം വെള്ളംകയറുന്ന സാഹചര്യത്തിൽ അടിയന്തര നടപടി സ്വീകരിച്ചില്ലെങ്കിൽ വലിയ നഷ്​ടം നേരിടേണ്ടിവരുമെന്ന്​ വ്യാപാരികളും ചൂണ്ടിക്കാട്ടി. നഗരം നേരിടുന്ന മറ്റൊരു വെല്ലു​വിളിയാണ്​ ഗതാഗതക്കുരുക്ക്​. തലങ്ങും വിലങ്ങുമുള്ള അനധികൃത പാർക്കിങ്ങിനെ തുടർന്ന്​ മിക്ക ദിവസങ്ങളിലും നഗരത്തിലെത്തുന്ന വാഹന യാത്രക്കാർക്ക്​ ബുദ്ധിമുട്ടുണ്ടാകുന്നുണ്ട്​. കോവിഡ്​ സാഹചര്യമായതിനാൽ കൂടുതൽപേരും പൊതുഗതാഗതം ഒഴിവാക്കി സ്വകാര്യ വാഹനങ്ങളുമായി നിരത്തിലിറങ്ങുന്നതാണ്​ കുരുക്ക്​ വർധിക്കുന്നതിന്​ പ്രധാന കാരണം​. തൊടുപുഴ ഗാന്ധി സ്​ക്വയർ, മൂലമറ്റം റോഡിലെ കെ.എസ്​.ആർ.ടി.സി ജങ്​​ഷൻ, പാലാ, ഇടുക്കി റോഡുകൾ, ഇൗസ്​റ്റ്​ മാർക്കറ്റ്​ റോഡ്​ എന്നിവിടങ്ങളിൽ ചില നേരങ്ങളിൽ നഗരം സ്​തംഭിക്കുന്ന അവസ്ഥയാണ്​. നഗരത്തിൽ ചില സ്ഥലങ്ങളിൽ ടൈൽപാകൽ ജോലി നടക്കുന്നതിനാൽ നിയന്ത്രണമേർപ്പെടുത്തിയിട്ടുണ്ട്​. മഴയായതിനാൽ ഈ ജോലികളും മെല്ലെ​പ്പോക്കിലാണ്​. ഇതും ഗതാഗത തടസ്സത്തിന്​ കാരണമാകുന്നു. ഇടുക്കി റോഡിൽ കെ.എസ്​.ആർ.ടി.സി ജങ്​ഷനിൽ വാഹനങ്ങളുടെ തിരക്കുമൂലം പകൽ മുഴുവൻ ഗതാഗതം ഏറെ ദുഷ്​കരമായി മാറുന്നു​. നാല്​ റോഡുകൾ സന്ധിക്കുന്ന ഭാഗമായതിനാൽ ഇവിടം സദാസമയം തിരക്കായിരിക്കും. ഇവിടെ ട്രാഫിക്​ പൊലീസിനെ നിയോഗിച്ചിട്ടുണ്ടെങ്കിലും പലപ്പോഴും നിയന്ത്രണം താളംതെറ്റുകയാണ്​. കഴിഞ്ഞദിവസം ഇവിടെ കാർ ഇടിച്ച്​ സ്​കൂട്ടറിൽ യാത്ര ചെയ്​തിരുന്ന കുട്ടിക്ക്​ പരിക്കേറ്റിരുന്നു. ഇൗസ്​റ്റ്​ മാർക്കറ്റ്​ റോഡിൽ അസമയങ്ങളിലെ കയറ്റിറക്കാണ്​ വില്ലനാകുന്നത്​. കിഴക്കൻ മേഖലയിൽനിന്നുള്ള എല്ലാ ബസുകളും ഇതുവഴിയാണ്​ ബസ്​സ്​റ്റാൻഡുകളിലേക്ക്​ പോകുന്നത്​. മറ്റ്​ സ്വകാര്യ വാഹനങ്ങൾ വേറെയും. ഇതിനിടയിൽ ഭാരവണ്ടികൾ കൂടി പാർക്ക്​ ചെയ്യുന്നതോടെ പ്രശ്​നം രൂക്ഷമാകുന്നു. കാഞ്ഞിരമറ്റം ബൈപാസിലും കുരുക്കൊഴിഞ്ഞ നേരമില്ല. മുവാറ്റുപുഴ ഭാഗത്ത്​ നിന്നും കിഴക്കൻ മേഖലയിൽ നിന്നുമുള്ള മുഴുവൻ ബസുകളും ഇതുവഴിയാണ്​ സ്​റ്റാൻഡുകളിലേക്ക്​ പോകുന്നത്​. ഏറെ ബൈപാസുകളുള്ള തൊടുപുഴയിൽ ശാസ്​ത്രീയമായ സംവിധാനം ഒരുക്കിയാൽ കുരുക്കിന്​ പരിഹാരമാകുമെന്നാണ്​ യാത്രക്കാർ ചൂണ്ടിക്കാട്ടുന്നത്​. നടപടി ഉടൻ-നഗരസഭ ചെയർമാൻ തൊടുപുഴ: നഗരത്തിലെ വെള്ളക്കെട്ടും ഗതാഗതക്കുരുക്കും നീക്കുന്നതിനാവശ്യമായ നടപടി ഉടൻ കൈക്കൊള്ളുമെന്ന്​ നഗരസഭ ചെയർമാൻ സനീഷ്​ ജോർജ്​. 12ന്​ കൗൺസിൽ യോഗം ചേരുന്നു​ണ്ട്​. ഈ വിഷയങ്ങൾ ചർച്ചചെയ്യും. കഴിഞ്ഞദിവസം വെള്ളക്കെട്ടുണ്ടായ സ്ഥലങ്ങൾ സന്ദർശിച്ച്​ സ്ഥിതിഗതികൾ വിലയിരുത്തിയിട്ടുണ്ട്​​. അശാസ്​ത്രീയമായ വാഹന പാർക്കിങ്​ അടക്കമുള്ള കാര്യങ്ങൾ കൗൺസിലർമാർ, ഉദ്യോഗസ്ഥർ എന്നിവരുമായി കൂടിയാലോചിച്ച്​ വേണ്ടത്​ ചെയ്യു​മെന്നും ചെയർമാൻ പറഞ്ഞു. TDL101 BLCK ​െതാടുപുഴ നഗരത്തിൽ കഴിഞ്ഞദിവസം അനുഭവപ്പെട്ട ഗതാഗതക്കു​രുക്ക്​