ദേവികുളം താലൂക്കിൽ 96 വീടുകൾ ഭാഗികമായി തകർന്നു

* കല്ലാർകുട്ടി, ലോവർ പെരിയാർ അണക്കെട്ടുകൾ തുറന്നു അടിമാലി: കാറ്റും മഴയും ദേവികുളത്ത് വ്യാപക നാശം വിതച്ചു. ഓടുന്ന വാഹനത്തിന് മുകളിലെക്ക് മരശിഖരം ഒടിഞ്ഞുവീണ് ഒരാൾക്ക് പരിക്ക്. 96 വീടുകൾ ഭാഗികമായി തകർന്നു. കാറ്റിൽ 250ലേറെ വൈദ്യുതി പോസ്​റ്റുകൾ ഒടിഞ്ഞുവീണു. പല ഗ്രാമപ്രദേശങ്ങളും ഇരുട്ടിലാണ്​. ജീപ്പിന്​ മുകളിലേക്ക്​ മരം ഒടിഞ്ഞുവീണ്​ മാങ്കുളം കമ്പനിക്കുടിയിൽ താമസിക്കുന്ന പളനി സ്വാമിയുടെ മകൻ ഹരികൃഷ്ണന്​ (18) പരിക്കേറ്റു​. കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. 96 വീടുകളിൽ 74 വീടുകൾ ഭാഗികമായാണ്​ തകർന്നത്. ഏറ്റവും കൂടുതൽ നാശം വട്ടവടയിലാണ്. മാങ്കുളം വിരിഞ്ഞാപ്പാറ, താളുംകണ്ടം, ആനക്കുളം എന്നിവിടങ്ങളിലും മരം വീണ് വ്യാപക നാശം ഉണ്ടായിട്ടുണ്ട്​. അടിമാലി പഞ്ചായത്തിലെ വാളറ, പത്താംമൈൽ, കുളമാംകഴി, പട്ടയടമ്പ് മേഖലയിൽ മരം വീണ് വലിയ നാശനഷ്​ടം ഉണ്ടായി. കല്ലാർകുട്ടി, ലോവർ പെരിയാർ അണക്കെട്ടുകൾ തുറന്നിട്ടുണ്ട്​. വൃഷ്​ടി പ്രദേശത്ത് കനത്ത മഴ തുടരുന്നതാണ് ഡാം തുറക്കാൻ കാരണം. വെള്ളിയാഴ്ച രാത്രിയുണ്ടായ ശക്തമായ കാറ്റിലും മഴയിലും വാളറ മുതൽ നേര്യമംഗലം വരെ വിവിധ ഇടങ്ങളിൽ മരം വീണ് ദേശീയപാതയിൽ മണിക്കൂറുകളോളമാണ്​ ഗതാഗതം തടസ്സപ്പെട്ടത്​. അടിമാലി, കോതമംഗലം എന്നിവിടങ്ങളിൽനിന്നുള്ള അഗ്​നിരക്ഷാ സേനകൾ ചേർന്ന് മരം മുറിച്ചുമാറ്റി റോഡ് ഗതാഗതയോഗ്യമാക്കി. TDL100 kallarkutty കനത്ത മഴയെത്തുടർന്ന് തുറന്നുവിട്ട കല്ലാർകുട്ടി ഡാം