പ്ലസ്​ടു: ജില്ലയിൽ 87.51 ശതമാനം വിജയം

p2 leaddd തൊടുപുഴ: ഇൗ വർഷത്തെ പ്ലസ്​ടു പരീക്ഷയിൽ ഇടുക്കി ജില്ലയിൽ 87.51 ശതമാനം വിജയം. 1,387 വിദ്യാർഥികൾ മുഴുവൻ വിഷയങ്ങൾക്കും എ പ്ലസ്​ നേടി. വൊക്കേഷനൽ ഹയർ സെക്കൻഡറി (വി.എച്ച്​.എസ്​.സി) പരീക്ഷയിൽ 77.80 ശതമാനമാണ്​ വിജയം. പ്ലസ്​ടു സ്​കൂൾ ഗോയിങ്​ വിഭാഗത്തിൽ 79 സ്​കൂളുകളിൽ നിന്നായി 10,673 വിദ്യാർഥികളാണ്​ ജില്ലയിൽ പരീക്ഷ എഴുതിയത്​. ഇതിൽ 9,340 പേർ ഉപരിപഠനത്തിന്​ യോഗ്യത നേടി. ടെക്​നിക്കൽ സ്​കൂൾ വിഭാഗത്തിൽ പരീക്ഷ എഴുതിയ 158 പേരിൽ 116 പേർ ഉപരിപഠനത്തിന്​ അർഹരായി. 73.42 ആണ്​ വിജയശതമാനം. മൂന്ന്​ പേർക്ക്​ മുഴുവൻ വിഷയങ്ങൾക്കും എ പ്ലസ്​ ലഭിച്ചു. ഒാപൺ സ്​കൂൾ വിഭാഗത്തിൽ 56.88 ആണ്​ വിജയ ശതമാനം. പരീക്ഷ എഴുതിയ 538 പേരിൽ 306 പേർ ഉപരിപഠനത്തിന്​ യോഗ്യത നേടി. ആറ്​ പേർക്ക്​ മുഴുവൻ വിഷയങ്ങൾക്കും എ പ്ലസ്​ ലഭിച്ചു. ജില്ലയിലെ നാല്​ സ്​കൂളുകൾ നൂറ്​ ശതമാനം കൈവരിച്ചു. സൻെറ്​ തോമസ്​ ഇ.എം.എച്ച്​.എസ്​.എസ്​ അട്ടപ്പള്ളം, കുമളി, എസ്​.എച്ച്​.ഇ.എം എച്ച്​.എസ്​.എസ്​ മൂലമറ്റം, മരിയഗിരി എച്ച്​.എസ്​.എസ്​ പീരുമേട്​, മോഡൽ ​റസിഡൻഷ്യൽ സ്​കൂൾ മൂന്നാർ എന്നീ സ്​കൂളുകൾക്കാണ്​ നൂറുശതമാനം വിജയം. 590 വിദ്യാർഥികളാണ്​ ജില്ലയിൽനിന്ന്​ വി.എച്ച്​.എസ്.​സി പരീക്ഷ എഴുതിയത്​. ഇവരിൽ 459 പേർ വിജയിച്ചു. വിജയശതമാനം കഴിഞ്ഞ വർഷത്തേക്കാൾ ഉയർന്നു. കഴിഞ്ഞവർഷം 76 ശതമാനമായിരുന്നത്​ ദേവിയാർ കോളനി ഗവ. വി.എച്ച്​.എസ്​.എസ്​ 91.49 ശതമാനവും വാഴത്തോപ്പ്​ ഗവ. വി.എച്ച്​.എസ്​.എസ്​ 92.86 ശതമാനവും വിജയം നേടി ജില്ലയിൽ മികച്ച നേട്ടം കൈവരിച്ചു. കണ്ടിന്യൂസ്​ ഇവാല്യുവേഷൻ ആൻഡ്​​ ഗ്രേഡിങ്​ സ്​കീമിൽ പരീക്ഷ എഴുതിയ 406 പേരിൽ 281 പേർ ഉപരിപഠനത്തിന്​ അർഹരായി. 69.21 ആണ്​ ഇൗ വിഭാഗത്തിൽ വിജയ ശതമാനം.