ട്രഷറിയിൽ ഒറ്റദിവസം പാസായത്​ 43 കോടി

ചെറുതോണി: കഴിഞ്ഞ സാമ്പത്തികവർഷത്തെ അവസാന ദിവസമായ 31ന് ജില്ല ആസ്ഥാനത്തെ ട്രഷറിയിൽ തിരക്ക്​ നീണ്ടത്​ അർധരാത്രിവരെ. രാത്രി 12ന് ട്രഷറി അടയ്​ക്കുന്നതുവരെ മാറിക്കൊടുത്തത്​ 43 കോടിയുടെ ബില്ലുകൾ. 31ന് വൈകീട്ട് അഞ്ചുവരെ കിട്ടിയ മുഴുവൻ ബില്ലുകളും മാറിക്കൊടുക്കുന്ന തിരക്കിലായിരുന്നു ജീവനക്കാർ. സാങ്കേതിക കാരണങ്ങളാൽ തദ്ദേശ സ്ഥാപനങ്ങളിലെ ഗ്യാപ് ഫണ്ടിന്‍റെയും ക്യാരി ഓവർ ചെയ്ത ചെലവുകളുടെ ആദ്യ ഗഡുവിന്‍റെയും ബില്ലുകൾ സമർപ്പിക്കാൻ കഴിയാത്തവർക്ക് പുതിയ സാമ്പത്തികവർഷം ആദ്യംതന്നെ പാസാക്കി നൽകുമെന്ന് അധികൃതർ പറഞ്ഞു