ഇടുക്കിയിൽ ജലനിരപ്പ് 40.59 ശതമാനം

ബുധനാഴ്ച 15.637 ദശലക്ഷം യൂനിറ്റ് വൈദ്യുതി ഉൽപാദിപ്പിച്ചു മൂലമറ്റം: ആഭ്യന്തര വൈദ്യുതി ഉൽപാദനം വർധിപ്പിച്ചതോടെ ഇടുക്കി ഡാമിലെ ജലനിരപ്പ് താഴ്ന്ന് 2343.7 അടിയിലെത്തി. ഇത് പൂർണസംഭരണ ശേഷിയുടെ 40.59 ശതമാനമാണ്. മഴക്കാലത്ത് ഇടുക്കിയിലെ ജലനിരപ്പ്​ 95 ശതമാനത്തിലധികം എത്തിയിരുന്നു. 889.09 ദശലക്ഷം യൂനിറ്റ് വൈദ്യുതി ഉൽപാദിപ്പിക്കാൻ ആവശ്യമായ വെള്ളമാണ്​ നിലവിൽ ഇടുക്കിയിലുള്ളത്​. ബുധനാഴ്ച ഇടുക്കി ഡാമിലെ ജലം ഉപയോഗിച്ച് മൂലമറ്റം വൈദ്യുതി നിലയത്തിൽ 15.637 ദശലക്ഷം യൂനിറ്റ് വൈദ്യുതി ഉൽപാദിപ്പിച്ചു. 1.94 ദശലക്ഷം യൂനിറ്റ് ഉൽപാദിപ്പിക്കാൻ ആവശ്യമായ ജലം ഡാമിലേക്ക് ഒഴുകിയെത്തി. tdl mltm5 ഇടുക്കി ഡാമിന്‍റെ വൃഷ്ടി പ്രദേശമായ കുളമാവിൽ നിന്നുള്ള ദൃശ്യം