കർഷകസമര ഐക്യദാർഢ്യ കേന്ദ്രം 25 ദിവസം പിന്നിട്ടു

തൊടുപുഴ: ഡൽഹിയിലെ കർഷക സമരത്തിന് ഐക്യദാർഢ്യം അർപ്പിച്ച് തൊടുപുഴയിൽ പ്രവർത്തിക്കുന്ന സമര ഐക്യദാർഢ്യ കേന്ദ്രം 25 ദിവസം പിന്നിട്ടു. ദിവസവും വൈകീട്ട്​ നാല്​ മുതൽ ഏഴുവരെയാണ് സമരപ്പന്തൽ പ്രവർത്തിക്കുന്നത്. വിവിധ രാഷ്​ട്രീയകക്ഷി നേതാക്കൾ, വ്യാപാരി വ്യവസായി സമിതി നേതാക്കൾ, േട്രഡ് യൂനിയൻ പ്രവർത്തകർ, പെൻഷൻകാർ, കർഷക സംഘടന നേതാക്കൾ, ആർട്ടിസ്​റ്റുകൾ, സാഹിത്യകാരന്മാർ, കവികൾ, വൈദികർ, യുവജനങ്ങൾ തുടങ്ങിയവർ സമരപ്പന്തലിൽ വിവിധ ദിനങ്ങളിലെത്തി. ഐക്യദാർഢ്യ സമിതി ചെയർമാൻ പ്രഫ.എം.ജെ. ജേക്കബ്, വൈസ്​ ചെയർമാൻ ടി.ജെ. പീറ്റർ, ജനറൽ കൺവീനർ എൻ. വിനോദ് കുമാർ എന്നിവരുടെ നേതൃത്വത്തിലാണ് കേന്ദ്രം പ്രവർത്തിക്കുന്നത്.