ജില്ലയിൽ 18 പേർക്കുകൂടി കോവിഡ്

സമ്പർക്കത്തിലൂടെ മൂന്നുപേർക്ക് ആലപ്പുഴ: ജില്ലയിൽ ബുധനാഴ്​ച 18 പേർക്ക് കോവിഡ് സ്ഥിരീകരിച്ചു. ഇതിൽ അഞ്ചുപേർ വിദേശത്തുനിന്നും നാലുപേർ അന്തർ സംസ്ഥാനങ്ങളിൽനിന്നും എത്തിയവരാണ്. ആറുപേർ ഐ.ടി.ബി.പി നൂറനാട് ഉദ്യോഗസ്ഥരാണ്. മൂന്നുപേർക്ക് സമ്പർക്കത്തിലൂടെയാണ് രോഗം. രോഗം സ്ഥിരീകരിച്ച കുറത്തികാട് സ്വദേശിയുടെ രണ്ടുബന്ധുക്കൾക്കും ഒരു സുഹൃത്തിനുമാണ്​ സമ്പർക്കത്തിലൂടെ രോഗം ബാധിച്ചത്​. രോഗം സ്ഥിരീകരിച്ച മറ്റുള്ളവർ: കുവൈത്തിൽനിന്ന്​ എത്തിയ ആലപ്പുഴ സ്വദേശിയായ യുവാവ്, ചെങ്ങന്നൂർ സ്വദേശിയായ യുവാവ്. ഷാർജയിൽനിന്ന്​ എത്തിയ ആറാട്ടുപുഴ സ്വദേശിയായ യുവാവ്, ദു​ൈബയിൽനിന്ന്​ എത്തിയ ആലപ്പുഴ സ്വദേശി (60), ഹരിപ്പാട് സ്വദേശിയായ യുവാവ്, മുംബൈയിൽനിന്ന്​ എത്തിയ ചെറിയനാട് സ്വദേശി (48), മഹാരാഷ്​ട്രയിൽനിന്ന്​ എത്തിയ ആലപ്പുഴ സ്വദേശി (55), ആലപ്പുഴ സ്വദേശിയായ യുവാവ്, ഗുജറാത്തിൽനിന്ന്​ എത്തിയ ചമ്പക്കുളം സ്വദേശിനി (63). എല്ലാവരെയും മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ആകെ 221 പേർ ചികിത്സയിൽ ഉണ്ട്. ബുധനാഴ്​ച 16 പേരുടെ പരിശോധനഫലം നെഗറ്റിവായി. ആകെ 208പേർ രോഗമുക്തരായി.