സംസ്ഥാന യൂത്ത്​ വോളിബാൾ ചാമ്പ്യൻഷിപ് 17 മുതൽ

തൊടുപുഴ: കേരള സ്റ്റേറ്റ്​ സ്​​പോർട്സ് ​കൗൺസിൽ ആഭിമുഖ്യത്തിൽ ജില്ല സ്​പോർട്സ് ​കൗൺസിൽ സംഘടിപ്പിക്കുന്ന 35മത് സംസ്ഥാന യൂത്ത് വോളിബാൾ ചാമ്പ്യൻഷിപ് 17 മുതൽ 21വരെ തൊടുപുഴ ന്യൂമാൻ കോളജ് ഇൻഡോർ സ്റ്റേഡിയത്തിൽ നടക്കും. 14 ജില്ലകളിൽനിന്ന് പുരുഷ- വനിത വിഭാഗങ്ങളിലായി 28 ടീമുകളാണ്​ മാറ്റുരക്കുക. 17ന് വൈകീട്ട് നാലിന്​ മത്സരങ്ങളുടെ ഉദ്ഘാടനം മന്ത്രി റോഷി അഗസ്റ്റിൻ നിർവഹിക്കും. 21ന് നടക്കുന്ന സമാപന സമ്മേളനത്തിൽ കായികമന്ത്രി വി. അബ്ദുറഹിമാൻ വിജയികൾക്ക് ട്രോഫികളും സർട്ടിഫിക്കറ്റുകളും വിതരണം ചെയ്യും. കായിക താരങ്ങളും ഒഫീഷ്യൽസും ഉൾപ്പെടെ 400 ഓളംപേർ ചാമ്പ്യൻഷിപ്പിൽ പങ്കെടുക്കുമെന്ന്​ സംഘാടക സമിതിക്കുവേണ്ടി ചെയർമാൻ സനീഷ്ജോർജ്, ജനറൽ കൺവീനർ കെ.എൽ. ജോസഫ് എന്നിവർ പറഞ്ഞു. പ്രസ്​ക്ലബ് പ്രതിഷേധിച്ചു തൊടുപുഴ: കോണ്‍ഗ്രസ് മാര്‍ച്ചിനിടെ ഉണ്ടായ പൊലീസ് ലാത്തിച്ചാര്‍ജിനിടെ മാധ്യമപ്രവര്‍ത്തകര്‍ക്ക് പരിക്കേറ്റതില്‍ കേരള പത്രപ്രവര്‍ത്തക യൂനിയന്‍ ജില്ല എക്‌സിക്യൂട്ടിവ് പ്രതിഷേധിച്ചു. മാധ്യമപ്രവര്‍ത്തകര്‍ക്ക് നേരേയുള്ള ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ ബന്ധപ്പെട്ടവര്‍ ശ്രദ്ധിക്കണമെന്ന് യോഗം ആവശ്യപ്പെട്ടു. പ്രസിഡന്‍റ്​ സോജന്‍ സ്വരാജ് അധ്യക്ഷതവഹിച്ചു. സെക്രട്ടറി ജെയ്‌സ് വാട്ടപ്പിള്ളില്‍, ട്രഷറര്‍ കെ.ബി. വില്‍സണ്‍, വൈസ് പ്രസിഡന്‍റുമാരായ എം ബിലീന, അഫ്‌സല്‍ ഇബ്രാഹീം, ജോയന്‍റ്​ സെക്രട്ടറി കെ.എസ്. ഷൈജു, കമ്മിറ്റി അംഗങ്ങളായ ഒ.ആർ. അനൂപ്, ജോര്‍ജ് തോമസ്, പി.കെ.എ. ലത്തീഫ്, കെ.വി. സന്തോഷ്‌കുമാര്‍, എം.എന്‍. സുരേഷ്, വിനോദ് കണ്ണോളി എന്നിവർ സംസാരിച്ചു. പരിപാടകൾ ഇന്ന്​ ഉടുമ്പന്നൂർ ടൗൺ: ശിഹാബ്​ തങ്ങൾ റിലീഫ്​​ സെൽ നന്മ ചാരിറ്റബിൾ ആൻഡ്​​ എജുക്കേഷൻ സൊസൈറ്റിയുടെ ആംബുലൻസ്​ ഉദ്​ഘാടനം പാണക്കാട്​ റഷീദലി ശിഹാബ്​ തങ്ങൾ -വൈകു 4.00 അടിമാലി എൽ.ഐ.സി ബ്രാഞ്ച്​ ഓഫിസ്​: അന്തരിച്ച അടിമാലി എൽ.ഐ.സി ബ്രാഞ്ച്​ ഡെവലപ്​മെന്‍റ്​ ഓഫിസർ ശുഭകുമാർ അനുസ്മരണം -രാവലെ 10.30