ജില്ല ഒളിമ്പിക്​ ഗെയിംസ്​ ഗുസ്തി മത്സരം 14ന്

കട്ടപ്പന: ജില്ല ഒളിമ്പിക് ഗയിംസ് ഗുസ്​തി മത്സരങ്ങൾ 14ന് വലിയ തോവാള സി.ആർ.എച്ച്.എസ് സ്കൂൾ ഗ്രൗണ്ടിൽ നടക്കും. പാമ്പാടുംപാറ പഞ്ചായത്ത്​ പ്രസിഡൻറ് ടി. മോഹനൻ ചെയർമാനായും ജില്ല റസ്​ലിങ്​ അസോ. ചെയർമാൻ ജയിൻ അഗസ്റ്റിൻ കൺവീനറായും 101 അംഗ സ്വാഗതസംഘം രൂപവത്​കരിച്ചു. 24 കായിക ഇനങ്ങളിലാണ് ജില്ലയിൽ ഒളിമ്പിക്​ ഗെയിംസ് മത്സരങ്ങൾ​. ജനവരി 12 മുതൽ19 വരെ ജില്ലയുടെ വിവിധ സ്ഥലങ്ങളിൽ മത്സരങ്ങൾ പൂർത്തിയാക്കും . 14ന് വലിയ തോവാള സ്കൂളിൽ നടക്കുന്ന റസലിങ്​ മത്സരത്തോടനുബന്ധിച്ച് ജൂഡോ-റസലിങ്​ സ്ഥിരം പരിശീലന കേന്ദ്രത്തിന്‍റെ ഉദ്ഘാടനവും നടക്കും. യോഗത്തിൽ ഗ്രാമപഞ്ചായത്ത്​ അംഗങ്ങളായ മിനി സെബാസ്റ്റ്യൻ, റുബി പുത്തർ, ഹെഡ്മിസ്ട്രസ് എലിസബത്ത് തോമസ്​, പി.ടി.എ പ്രസിഡൻന്‍റ്​ രാജു പി.എം, ഒളിമ്പിക് അസോ. നിരീക്ഷകൻ സൈജു ചെറിയാൻ, റസ്​ലിങ്​ അസോ. കൺവീനർ സചിൻ ജോണി തുടങ്ങിയവർ സംസാരിച്ചു.