എ.കെ.ടി.എ ജില്ല സമ്മേളനം 11ന്

കട്ടപ്പന: ഓൾ കേരള ടെയ്​ലേഴ്‌സ് അസോസിയേഷൻ (എ.കെ.ടി.എ) ജില്ലസമ്മേളനം 11ന് മേരികുളം സെന്റ് ജോർജ്​ ചർച്ച് പാരിഷ്​ ഹാളിൽ നടക്കുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. സംസ്ഥാന ജനറൽ സെക്രട്ടറി എൻ.സി. ബാബു പ്രതിനിധി സമ്മേളനം ഉദ്ഘാടനം ചെയ്യും. ജില്ല പ്രസിഡന്റ് ടി.കെ. സുനിൽ കുമാറിന്റെ അധ്യക്ഷതയിൽ ചേരുന്ന യോഗത്തിൽ വൈസ് പ്രസിഡന്റ് കെ.എസ്. സോമൻ സംഘടന റിപ്പോർട്ടും സെക്രട്ടറി കെ.എൻ. ചന്ദ്രൻ പ്രവർത്തന റിപ്പോർട്ടും അവതരിപ്പിക്കും. 200 പ്രതിനിധികൾ പ​ങ്കെടുക്കും. കോവിഡ്കാലത്ത്​ ചാരിറ്റബിൾ ട്രസ്റ്റ്​ വഴി കഴിഞ്ഞ സാമ്പത്തികവർഷം 30 ലക്ഷം രൂപ വിവിധ ആനുകൂല്യങ്ങളായി തൊഴിലാളികൾക്ക്​ വിതരണം ചെയ്​തെന്ന്​ ഭാരവാഹികൾ പറഞ്ഞു. വാർത്തസമ്മേളനത്തിൽ ടി.കെ. സുനിൽ കുമാർ, കെ.എൻ. ചന്ദ്രൻ, എ.വി. അന്നമ്മ, വി.വി. സൗദാമിനി എന്നിവർ പങ്കെടുത്തു.